ગીતગોવિન્દ · અધ્યાય 12

ગતવતિ સખી-વૃન્દે અમન્દ-ત્રપા-ભર-નિર્ભર-
સ્મર-પર-વશ-આકૂત-સ્ફીત-સ્મિત-સ્નપિત-અધરામ્ ।
સરસ-મનસમ્ દૃષ્ટ્વા રાધામ્ મુહુઃ નવ-પલ્લવ-
પ્રસવ-શયને નિક્ષિપ્ત-અક્ષીમ્ ઉવાચ હરિઃ પ્રિયામ્ ॥

કિસલય-શયન-તલે કુરુ કામિનિ ચરણ-નલિન-વિનિવેશમ્ ।
તવ પદ-પલ્લવ-વૈરિ-પરાભવમ્ ઇદમ્ અનુભવતુ સુવેશમ્ ॥
ક્ષણમ્ અધુના નારાયણમ્ અનુગતમ્ અનુસર રાધિકે ॥

કર-કમલેન કરોમિ ચરણમહમ્ આગમિતા અસિ વિદૂરમ્ ।
ક્ષણમ્ ઉપકુરુ શયન-ઉપરિ મામ્ ઇવ નૂપુરમ્ અનુગત-શૂરમ્ ॥
ક્ષણમ્ અધુના નારાયણમ્ અનુગતમ્ અનુસર રાધિકે ॥

વદન-સુધા-નિધિ-ગલિતમ્ અમૃતમિવ રચય વચનમ્ અનુકૂલમ્ ।
વિરહમ્ ઇવ અપનયામિ પયોધર-રોધકમ્ ઉરસિ દુકૂલમ્ ॥
ક્ષણમ્ અધુના નારાયણમ્ અનુગતમ્ અનુસર રાધિકે ॥

પ્રિય-પરિરમ્ભણ-રભસ-વલિતમ્ ઇવ પુલકિતમ્ અતિદુરવાપમ્ ।
મત્-ઉરસિ કુચ-કલશમ્ વિનિવેશય શોષય મનસિજ-તાપમ્ ॥
ક્ષણમ્ અધુના નારાયણમ્ અનુગતમ્ અનુસર રાધિકે ॥

અધર-સુધા-રસમ્ ઉપનય ભાવિનિ જીવય મૃતમ્ ઇવ દાસમ્ ।
ત્વયિ વિનિહિત-મનસમ્ વિરહ-અનલ-દગ્ધ-વપુષમ્ અવિલાસમ્ ॥
ક્ષણમ્ અધુના નારાયણમ્ અનુગતમ્ અનુસર રાધિકે ॥

શશિ-મુખિ મુખરય મણિ-રશના-ગુણમ્ અનુગુણ-કણ્ઠ-નિનાદમ્ ।
શ્રુતિ-યુગલે પિક-રુત-વિકલે મમ શમય ચિરાત્ અવસાદમ્ ॥
ક્ષણમ્ અધુના નારાયણમ્ અનુગતમ્ અનુસર રાધિકે ॥

મામ્ અતિવિફલ-રુષા વિકલીકૃતમ્ અવલોકિતુમ્ અધુના ઇદમ્ ।
મીલિત-લજ્જિતમ્ ઇવ નયનમ્ તવ વિરમ વિસૃજ રતિ-ખેદમ્ ॥
ક્ષણમ્ અધુના નારાયણમ્ અનુગતમ્ અનુસર રાધિકે ॥

શ્રીજયદેવ-ભણિતમ્ ઇદમ્ અનુપદ-નિગદિત-મધુરિપુ-મોદમ્ ।
જનયતુ રસિક-જનેષુ મનોરમ-રતિ-સભાવ-વિનોદમ્ ॥
ક્ષણમ્ અધુના નારાયણમ્ અનુગતમ્ અનુસર રાધિકે ॥

માર-અઙ્કે રતિ-કેલિ-સંકુલ-રણ-આરમ્ભે તયા સાહસ-
પ્રાયમ્ કાન્ત-જયાય કિંચિત્ ઉપરિ પ્રારમ્ભિ યત્-સમ્ભ્રમાત્ ।
નિષ્પન્દા જઘન-સ્થલી શિથિલા દોઃ-વલ્લિઃ ઉત્કમ્પિતમ્
વક્ષઃ મીલિતમ્ અક્ષિ પૌરુષ-રસઃ સ્ત્રીણામ્ કુતઃ સિધ્યતિ ॥

અથ કાન્તમ્ રતિ-ક્લાન્તમ્ અપિ મણ્ડન-વાઞ્છયા ।
નિજગાદ નિરાબાધા રાધા સ્વાધીન-ભર્તૃકા ॥

કુરુ યદુ-નન્દન ચન્દન-શિશિરતરેણ કરેણ પયોધરે ।
મૃગમદ-પત્રકમ્ અત્ર મનોભવ-મઙ્ગલ-કલશ-સહોદરે ॥
નિજગાદ સા યદુ-નન્દને ક્રીડતિ હૃદય-આનન્દને ॥

અલિ-કુલ-ગઞ્જનમ્ અઞ્જનકમ્ રતિ-નાયક-સાયક-મોચને ।
ત્વત્-અધર-ચુમ્બન-લમ્બિત-કજ્જલમ્ ઉજ્જ્વલય પ્રિય લોચને ॥
નિજગાદ સા યદુ-નન્દને ક્રીડતિ હૃદય-આનન્દને ॥

નયન-કુરઙ્ગ-તરઙ્ગ-વિકાસ-નિરાસ-કરે શ્રુતિ-મણ્ડલે ।
મનઅસિજ-પાશ-વિલાસ-ધરે શુભ-વેશ નિવેશય કુણ્ડલે ॥
નિજગાદ સા યદુ-નન્દને ક્રીડતિ હૃદય-આનન્દને ॥

ભ્રમર-ચયમ્ રચયન્તમ્ ઉપરિ રુચિરમ્ સુચિરમ્ મમ સંમુખે ।
જિત-કમલે વિમલે પરિકર્મય નર્મ-જનકમ્ અલકમ્ મુખે ॥
નિજગાદ સા યદુ-નન્દને ક્રીડતિ હૃદય-આનન્દને ॥

મૃગમદ-રસ-વલિતમ્ લલિતમ્ કુરુ તિલકમ્ અલિક-રજનીકરે ।
વિહિત-કલઙ્ક-કલમ્ કમલ-આનન વિશ્રમિત-શ્રમ-શીકરે ॥
નિજગાદ સા યદુ-નન્દને ક્રીડતિ હૃદય-આનન્દને ॥

મમ રુચિરે ચિકુરે કુરુ માનદ માનસજ-ધ્વજ-ચામરે ।
રતિ-ગલિતે લલિતે કુસુમાનિ શિખણ્ડિ-શિખણ્ડક-ડામરે ॥
નિજગાદ સા યદુ-નન્દને ક્રીડતિ હૃદય-આનન્દને ॥

સરસ-ઘને જઘને મમ શમ્બર-દારણ-વારણ-કન્દરે ।
મણિ-રશના-વસન-આભરણાનિ શુભ-આશય વાસય સુન્દરે ॥
નિજગાદ સા યદુ-નન્દને ક્રીડતિ હૃદય-આનન્દને ॥

શ્રીજયદેવ-વચસિ રુચિરે હૃદયમ્ સદયમ્ કુરુ મણ્ડને ।
હરિ-ચરણ-સ્મરણ-અમૃત-કૃત-કલિ-કલુષ-ભવ-જ્વર-ખણ્ડને ॥
નિજગાદ સા યદુ-નન્દને ક્રીડતિ હૃદય-આનન્દને ॥

રચય કુચયોઃ પત્રમ્ ચિત્રમ્ કુરુષ્વ કપોલયોઃ
ઘટય જઘને કાઞ્ચીમ્ અઞ્ચ સ્રજા કબરી-ભરમ્ ।
કલય વલય-શ્રેણીમ્ પાણૌ પદે કુરુ નૂપુરૌ
ઇતિ નિગદિતઃ પ્રીતઃ પીતામ્બરઃ અપિ તથા અકરોત્ ॥

યત્ ગાન્ધર્વ-કલાસુ કૌશલમ્ અનુધ્યાનમ્ ચ યત્ વૈષ્ણવમ્
યત્ શૃઙ્ગાર-વિવેક-તત્ત્વમ્ અપિ યત્ કાવ્યેષુ લીલાયિતમ્ ।
તત્ સર્વમ્ જયદેવ-પણ્ડિત-કવેઃ કૃષ્ણ-એક-તાન-આત્મનઃ
સાનન્દાઃ પરિશોધયન્તુ સુધિયઃ શ્રીગીતગોવિન્દતઃ ॥

શ્રીભોજદેવ-પ્રભવસ્ય રામાદેવી-સુત-શ્રીજયદેવકસ્ય ।
પરાશર-આદિ-પ્રિય-વર્ગ-કણ્ઠે શ્રીગીતગોવિન્દ-કવિત્વમ્ અસ્તુ ॥