ગરુડ પુરાણ · અધ્યાય 2.19

ઇતિ શ્રીગારુડે મહાપુરાણે ઉત્તરખણ્ડે દ્વિતીયાંશે ધર્મદૃપ્રેતદૃશ્રીકૃષ્ણગરુડ સંવાદે વૃષોત્સર્ગનાનાદાનફલયમલોકગમનકર્મજદેહપ્રાપ્તિનિરૂપણં નામાષ્ટાદશો ઽધ્યાયઃ
શ્રીગરુડમહાપુરાણમ્- 19
શ્રીભગવાનુવાચ ।
વાયુભૂતઃ ક્ષધાવિષ્ટઃ કર્મજં દેહમાશ્રિતઃ ।
તે દેહં સ સમાસાદ્ય યમેન સહ ગચ્છતિ

ચિત્રગુપ્તપુરં તત્ર યોજનાનાં તુ વિંશતિઃ ।
કાયસ્થાસ્તત્ર પશ્યન્તિ પાપપુણ્યાનિ સર્વશઃ

મહાદાનેષુદત્તેષુ ગતસ્તત્ર સુખી ભવેત્ ।
યોજનાનાં ચતુર્વિંશત્પુરં વૈવસ્વતં શુભમ્

લોહં લવણકાર્પાસં તિલપાત્રં ચ યૈર્નરૈઃ ।
દત્તં તેનૈવ તૃપ્યન્તિ યમસ્ય પુરચારિણઃ

ગત્વા ચ તત્ર તે સર્વે પ્રતીહારં વદન્તિ હિ ।
ધર્મધ્વજપ્રતીહારસ્તત્ર તિષ્ઠતિ સર્વદા

સપ્તધાન્યસ્ય દાનેન પ્રીતો ધર્મધ્વજો ભવેત્ ।
તત્ર ગત્વા પ્રતીહારો બ્રૂતે તસ્ય શુભાશુભમ્

ધર્મરાજસ્ય યદ્રૂપં સન્તઃ સુકૃતિનો જનાઃ ।
પશ્યન્તિ ચ દુરાત્માનો યમરૂપં સુભીષણમ્

તં દૃષ્ટ્વા ભયભીતસ્તુ હાહેતિ વદતે જનઃ ।
કૃતં દાનં ચ યૈર્મર્ત્યૈસ્તેષાં નાસ્તિ ભયં ક્વચિત્

પ્રાપ્તં સુકૃતિનં દૃષ્ટ્વા સ્થાનાચ્ચ લતિ સૂર્યજઃ ।
એષ મે મણ્ડલં ભિત્ત્વા બ્રહ્મલોકં પ્રયાસ્યતિ

દાનેન સુલભો ધર્મો યમમાર્ગઃ સુખાવહઃ ।
એષ માર્ગો વિશાલો ઽત્ર ન કેનાપ્ય નુગમ્યતે ।
દાનપુણ્યં વિના વત્સ ન ગચ્છેદ્ધર્મમન્દિરમ્

તસ્મિન્માર્ગે તુ રૌદ્રે વૈ ભીષણા યમકિઙ્કરાઃ ।
એકૈકસ્ય પુરસ્યાગ્રે તિષ્ઠત્યેકસહસ્રકમ્

પચન્તિ પાપિનં પ્રાપ્ય ઉદકે યાતનાકરાઃ ।
ગૃહ્ણન્તિ માસમાસાન્તે પાદશેષં તુ તદ્ભવેત્

ઔર્ધ્વદૈહિકદાનાનિ યૈર્ન દત્તાનિ કાશ્યપ ।
મહાકષ્ટેન તે યાન્તિ તસ્માદ્દેયાનિ શક્તિતઃ ।
અદત્ત્વા પશુવદ્યાન્તિ ગૃહીતો વન્ધબન્ધનૈઃ

એવં કૃતેન સમ્પશ્યેત્સ નરઃ ભૂતકર્મણા ।
દૈવિકીં પૈતૃકીં યોનિં માનુષીં વાથ નારકીમ્

ધર્મરાજસ્ય વચનાન્મુક્તિર્ભવતિ વા તતઃ ।
માનુષ્યં તત્ત્વતઃ પ્રાપ્ય સ પુત્ત્રઃ પુત્ત્રતાં વ્રજેત્

યથાયથા કૃતં કર્મ તાન્તાં યોનિં વ્રજેન્નરઃ ।
તત્તથૈવ ચ ભુઞ્જાનો વિચરેત્સર્વલોકગઃ

અશાશ્વતં પરિજ્ઞાય સર્વલોકોત્તરં સુખમ્ ।
યદા ભવતિ માનુષ્યં તદા ધર્મં સમાચરેત્

કૃમયો ભસ્મ વિષ્ઠા વા દેહાનાં પ્રકૃતિઃ સદા ।
અન્ધકૂપે મહારૌદ્રે દીપહસ્તઃ પાતેત્તુ વૈ

મહાપુણ્યપ્રભાવેણ માનુષ્યં જન્મ લભ્યતે ।
યસ્તત્પ્રાપ્ય ચરેદ્ધર્મં સ ગચ્છેત્પરમાં ગતિમ્

અપિ જાનન્વૃથા ધર્મં દુઃ ખમાયાતિ યાતિ ચ

જાતીશતેન લભતે કિલ માનુષત્વં તત્રાપિ દુર્લભતરં ખગ ભો દ્વિજત્વમ્ ।
યસ્તત્ર પાલયતિ લાલયતિ વ્રતાનિ તસ્યામૃતં ભવતિ હસ્તગતં પ્રસાદાત્