ગરુડ પુરાણ · અધ્યાય 1.80

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે સ્ફટિકપરીક્ષણં નામૈકોનાશીતિતમો ઽધ્યાયઃ
શ્રીગરુડમહાપુરાણમ્- 80
સૂત ઉવાચ ।
આદાય શેષસ્તસ્યાન્ત્રં બલસ્ય કેલાદિષુ ।
ચિક્ષેપ તત્ર જાયન્તે વિદ્રુમાઃ સુભહાગુણાઃ

તત્ર પ્રધાનં શશલોહિતાભં ગુઞ્જાજપાપુષ્પનિભં પ્રદિષ્ટમ્ ।
સુનીલકં દેવકરોમકઞ્ચ સ્થાનાનિ તેષુ પ્રભવં સુરાગમ્

અન્યત્ર જાતં ચ ન તત્પ્રધાનં મૂલ્યં ભવેચ્છિલ્પિવિશેષયોગાત્ ।
પ્રસન્નં કોમલં સ્નિગ્ધં સુરાગં વિદ્રુમં હિ તત્

ધનધાન્યકરં લોકે વિષાર્તિભયનાશનમ્ ।
પરીક્ષા પુલકસ્યોક્તા રુધિરાક્ષસ્ય વૈ મણેઃ ।
સ્ફટિકસ્ય વિદ્રુમસ્ય રત્નજ્ઞાનાય શૌનક !