ગરુડ પુરાણ · અધ્યાય 1.8

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે સૂર્યાદીનાં સરસ્વત્યાશ્ચ પૂજનં નામ સપ્તમો ઽધ્યાયઃ
શ્રીગરુડમહાપુરાણમ્- 8
હરિરુવાચ ।
ભૂમિષ્ઠે મણ્ડપે સ્નાત્વા મણ્ડલે વિષ્ણુમર્ચયેત્ ।
પઞ્ચરઙ્ગિકચૂર્ણેન વજ્રનાભં તુ મણ્ડલમ્

ષોડશૈઃ કોષ્ઠકૈસ્તત્ર સંમિતં રુદ્ર? કારયેત્ ।
ચતુર્થપઞ્ચકોણેષુ સૂત્રપાતં તુ કારયેત્

કોણસૂત્રાદુભયતઃ કોણા યે તત્ર સંસ્થિતાઃ ।
તેષુ ચૈવ પ્રકુર્વીત સૂત્રપાતં વિચક્ષણઃ

તદનન્તરકોણેષુ એવમેવ હિ કારયેત્ ।
પ્રથમા નાભિરુદ્દિષ્ટા મધ્યે રેખાપ્રસંગમે

અન્તરેષુ ચ સર્વેષુ અષ્ટૌ ચૈવ તુનાભયઃ ।
પૂર્વમધ્યમનાભિ ભ્યામથં સૂત્રં તુ ભ્રામયેત્

અન્તરા સ દ્વિજશ્રેષ્ઠઃ પાદોનં ભ્રામયેદ્ધર ! ।
અનેન નાભિસૂત્રસ્ય કર્ણિકાં ભ્રામયેચ્છિવ !

કર્ણિકાયા દ્વિભાગેન કેસરાણિ વિચક્ષણઃ ।
તદગ્રેણ સદા વિદ્વાન્દલાન્યેવ સમાલિખેત્

સર્વેષુ નાભિક્ષેત્રષુ માનેનાનેન સુવ્રત ! ।
પદ્માનિ તાનિ કુર્વીત દેશિકઃ પર માર્થવિત્

આદિસૂત્રવિભાગેન દ્વારાણિ પરિકલ્પયેત્ ।
દ્વારશોભાં તથા તત્ર તદર્ધેન તુ કલ્પયેત્

કર્ણિકાં પીતવર્ણેન સિતરક્તાદિકેસરૈઃ ।
અન્તરં નીલવર્ણેન દલાનિ અસિતેન ચ

કૃષ્ણવર્ણેન રજસા ચતુરશ્રં પ્રપૂરયેત્ ।
દ્વારાણિ શુક્લવર્ણેન રેખાઃ પઞ્ચ ચ મણ્ડલે

સિતા રક્તા તથા પીતા કૃષ્ણા ચૈવ યથાક્રમમ્ ।
કૃત્વૈવ મણ્ડલઞ્ચાદૌ ન્યાસં કૃત્વાર્ચયેદ્ધરિમ્

હૃન્મધ્યે તુ ન્યસેદ્વિષ્ણું કણ્ઠે સઙ્કર્ષણં તથા ।
પ્રદ્યુમ્નં શિરસિ ન્યસ્ય શિખાયામનિરુદ્ધકમ્

બ્રહ્માણં સર્વગાત્રેષુ કરયોઃ શ્રીધરં તથા ।
અહં વિષ્ણુરિતિ ધ્યાત્વા કર્ણિકાયાં ન્યસેદ્ધરિમ્

ન્યસેત્સઙ્કર્ષણં પૂર્વે પ્રદ્યુમ્નં ચૈવ દક્ષિણે ।
અનિરુદ્ધં પશ્ચિમે ચ બ્રિહ્માણં ચોત્તરે ન્યસેત્

શ્રીધરં રુદ્રકોણેષુ ઇન્દ્રાદીન્દિક્ષુ વિન્યસેત્ ।
તતો ઽભ્યર્ચ્ય ચ ગન્ધાદ્યૈઃ પ્રાપ્નુયાત્પરમં પદમ્