ગરુડ પુરાણ · અધ્યાય 1.44

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે વિષ્ણુપવિત્રારોપણં નામ ત્રિચત્વારિંશો ઽધ્યાયઃ
શ્રીગરુડમહાપુરાણમ્- 44
હરિરુવાચ ।
પૂજયિત્વા પવિત્રાદ્યૈર્બ્રહ્મ ધ્યાત્વા હરિર્ભવેત્ ।
બ્રહ્મધ્યાનં પ્રવક્ષ્યામિ માયાયન્ત્રપ્રમર્દકમ્

યચ્છેદ્વાઙ્મનસં પ્રાજ્ઞસ્તં યજેજ્જ્ઞાનમાત્મનિ ।
જ્ઞાનં મહતિ સંયચ્છેદ્ય ઇચ્છેજ્જ્ઞાનમાત્માનિ

દેહેન્દ્રિયમનોબુદ્ધિપ્રાણાહઙ્કરાવર્જિતમ્ ।
વર્જિતં ભૂતતન્માત્રૈર્ગુણજન્માશનાદિભિઃ

સ્વપ્રકાશં નિરાકારં સદાનં દમનાદિ યત્ ।
નિત્યં શુદ્ધં બુદ્ધમૃદ્ધં સત્યમાનન્દમદ્વયમ્

તુરીયમક્ષરં બ્રહ્મ અહમસ્મિ પરં પદમ્ ।
અહં બ્રહ્મેત્યવસ્થાનં સમાધિરપિ (રિતિ) ગીયતે

આત્માનં રથિનં વિદ્ધિ શરીરં રથમેવ તુ ।
બુદ્ધિં ચ સારથિં વિદ્ધિ મનઃ પ્રગ્રહમેવ ચ ।
ઇન્દ્રિયાણિ હયાનાહુર્વિષયાસ્તેષુ ગોચરાઃ

આત્મેન્દ્રિયમનોયુક્તો ભોક્તેત્યાર્મનીષિણઃ ।
યસ્તુ વિજ્ઞાન બાહ્મેન યુક્તેન મનસા સદા

સ તુ તત્પદમાપ્નોતિ સ હિ ભૂયો ન જાયતે ।
વિજ્ઞાનસારથિર્યસ્તુ મનઃ પ્રગ્રહવાન્નરઃ

સ્વર્ધુન્યાઃ પારમાપ્નોતિ તદ્વિષ્ણોઃ પરમં પદમ્ ।
અહિંસાદિર્યમઃ પ્રોક્તઃ શૌચાદિર્નિયમઃ સ્મૃતઃ

આસનં પદ્મકાદ્યુક્તં પ્રાણાયામો મરુજ્જયઃ ।
પ્રત્યાહા રો જયઃ પ્રોક્તો ધ્યાનમીશ્વરચિન્તનમ્

મનોધૃતિર્ધારણા સ્થાત્સમાધિર્બ્રહ્મણિ સ્થિતિઃ ।
પૂર્વં ચેતઃ સ્થિરં ન સ્યાત્તતોમૂર્તિં વિચિન્તયેત્

હૃત્પદ્મકર્ણિકામધ્યે શઙ્ખચક્રગદાબ્જવાન્ ।
શ્રીવત્સકૌસ્તુભયુતો વનમાલાશ્રિયા યુતઃ

નિત્યઃ શુદ્ધો ભૂતિયુક્તઃ સત્યાનન્દાહ્વયઃ પરઃ ।
આત્માહં પરમં બ્રહ્મ પરમં જ્યોતિરેવ તુ

ચતુર્વિશતિમૂર્તિઃ સ શાલગ્રામશિલાસ્થિતઃ ।
દ્વારકાદિશિલાસંસ્થો ધ્યેયઃ પૂજ્યો ઽપ્યહં ચ સઃ

મનસો ઽભીપ્સિતં પ્રાપ્ય દેવો વૈમાનિકો ભવેત્ ।
નિષ્કામો મુક્તિમાપ્નોતિ મૂર્તિં ધ્યાયયંસ્તુવઞ્જપન્