ગરુડ પુરાણ · અધ્યાય 1.42

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે વશ્યાદિસાધિકમન્ત્રનિરૂપણં નામૈકચત્વારિંશો ઽધ્યાયઃ
શ્રીગરુડમહાપુરાણમ્- 42
હરિરુવાચ ।
પવિત્રારોપણં વક્ષ્યે સિવસ્યાશિવનાશનમ્ ।
આચાર્યઃ સાધકઃ કુર્યાત્પુત્રકઃ સમયી હર

સંવત્સરકૃતાં પૂજાં વિઘ્નેશો હરતે ઽન્યથા ।
આષાઢે શ્રાવણે માઘે કુર્યાદ્ભાદ્રપદે ઽપિ વા

સૌવર્ણરૌપ્યતામ્રં ચ સૂત્રં કાર્પાસિકં ક્રમાત્ ।
જ્ઞેયં કુજાદૌ સંગ્રાહ્યં કન્યયા કર્તિતં ચ યત્

ત્રિગુણં ત્રિગુણીકૃત્ય તતઃ કુર્યાત્પવિત્રકમ્ ।
ગ્રન્થયો વામદેવેન સત્યેન ક્ષાલયેચ્છિવ

અઘોરેણ તુ સંશોધ્ય બદ્ધસ્તત્પુરુષાદ્ભવેત્ ।
ધૂપયેદીશમન્ત્રેણ તન્તુદેવા ઇતિ (મે) સ્મૃતાઃ

ઓં કારશ્ચન્દ્રમા વહ્નિર્બ્રહ્ના નાગઃ શિખિધ્વજઃ ।
રવિર્વિષ્ણુઃ શિવઃ પ્રોક્તઃ ક્રમાત્તન્તુષુ દેવતાઃ

અષ્ટોત્તરશતં કુર્યાત્પઞ્ચાશત્પઞ્ચવિંશતિમ્ ।
રુદ્રો ઽત્તમાદિ વિજ્ઞેયં માનં ચ ગ્રન્થયો દશ

ચતુરઙ્ગુલાન્તરાઃ સ્યુર્ગ્રન્થિનામાનિ ચ ક્રમાત્ ।
પ્રકૃતિઃ પૌરુષી વીરા ચતુર્થો ચાપરાજિતા

જયા ચ વિજયા રુદ્રા અજિતા ચ સદાશિવા ।
મનોન્મની સર્વમુખી દ્વ્યઙ્ગુલાઙ્ગુલતો ઽથવા

રઞ્જયેત્કુઙ્કુમાદ્યૈસ્તુ કુર્યાદ્રન્ધૈઃ પવિત્રકમ્ ।
સપ્તમ્યાં વા ત્રયોદશ્યાં શુક્લપક્ષે તથેતરે

ક્ષીરાદિભિશ્ચ સંસ્નાપ્ય લિઙ્ગં ગન્ધાદિભિર્યજેત્ ।
દદ્યાદ્રન્ધપવિત્રં તુ આત્મને બ્રહ્મણે હર

પુષ્પં ગન્ધયુતં દદ્યાન્મૂલેનેશાનગોચરે ।
પૂર્વે ચ દણ્ડકાષ્ઠં તુ ઉત્તરે ચામલકીફલમ્

મૃત્તિકાં પશ્ચિમે દદ્યાદ્દક્ષિણે ભસ્મ ભૂતયઃ ।
નૈરૃતેહ્યગુરું દદ્યાચ્છિખામન્ત્રેણ મન્ત્રવિત્

વાયવ્યાં સર્ષપં દદ્યાત્કવચેન વૃષધ્વજ ।
ગૃહં સંવેષ્ટ્ય સૂત્રેણ દદ્યાદ્રન્ધપવિત્રકમ્

હોમં કૃત્વા ગ્નેય દત્ત્વા દદ્યાદ્ભૂતબલિં તથા ।
આમન્ત્રિતો ઽસિ દેવેશ ગણૈઃ સાર્ધં મહેશ્વર

પ્રાતસ્ત્વાં પૂજયિષ્યામિ અત્ર સન્નિહિતો ભવ ।
નિમન્ત્ર્યાનેન તિષ્ઠેત્તુ કુર્વન્ ગીતાદિકં નિશિ

મન્ત્રિતાનિ પવિત્રાણિ સ્થાપયેદ્દેવપાર્શ્વતઃ ।
સ્નાત્વાદિત્યં ચતુર્દશ્યાં પ્રાગ્રુદ્રં ચ પ્રપૂજયેત્

લલાટસ્થં વિશ્વરૂપં ધ્યાત્વાત્માનં પ્રપૂજયેત્ ।
અસ્ત્રેણ પ્રોક્ષિતાન્યેવં હૃદયેનાર્ચિતાન્યથ

સંહિતામન્ત્રિતાન્યેવ ધૂપિતાનિ સમર્પયેત્ ।
શિવતત્ત્વાત્મકં ચાદૌ વિદ્યાતત્ત્વાત્મકં તતઃ

આત્મતત્ત્વાત્મકં પશ્ચાદ્દેવકાખ્યં તતોર્ઽચયેત્ ।
ઓં હૌં હૌં શિવતત્ત્વાય નમઃ ।
ઓં હીં(હીઃ) વિદ્યાતત્ત્વાય નમઃ

ઓં હાં (હૌઃ) આત્મતત્ત્વાય નમઃ ।
ઓં હાં હીં હૂં ક્ષૈં સર્વતત્ત્વાય નમઃ ।
કાલાત્મના ત્વયા દેવ યદ્દૃષ્ટં મામકે વિધૌ

કૃતં ક્લિષ્ટં સમુત્સૃષ્ટં હુતં ગુપ્ત ચ યત્કૃતમ્ ।
સર્વાત્મનાત્મના શમ્ભો પવિત્રેણ ત્વદિચ્છયા

પૂરયપૂરય મખવ્રતં તન્નિયમેશ્વરાય સર્વતત્ત્વાત્મકાય સર્વકારણપાલિતાય ઓં હાં હીં હૂં હૈં હૌં શિવાય નમઃ

પૂર્વૈરનેન યો દદ્યાત્પવિત્રાણાં ચતુષ્ટયમ્ ।
દત્ત્વા વહ્નેઃ (વરે) પવિત્રં ચ ગુરવે દક્ષિણાં દિશેત્

બલિં દત્ત્વા દ્વિજાન્ ભોજ્ય ચણ્ડં પ્રાચ્યૈ વિસર્જયેત્