ગરુડ પુરાણ · અધ્યાય 1.29

મુકુટં વલમાલાં ચ ઐન્દ્રાદ્યાન્ધ્વજમુખ્યકાન્ ।
કુમુદાદ્યાન્વિષ્વક્સેનં શ્રિયા કૃષ્ણં સહાર્ચયેત્ ।
જપ્યાદ્ધ્યાનાત્પૂજનાચ્ચ સર્વાન્કામાનવાન્પુયાત્ ।
ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે શ્રીગોપાલપૂજાનિરૂપણં નામાષ્ટાવિંશો ઽધ્યાયઃ
શ્રીગરુડમહાપુરાણમ્- 29
હરિરુવાચ ।
ત્રૈલોક્યમોહિનીં વક્ષ્યે પુરુષોત્તમમુખ્યકામ્ ।
પૂજામન્ત્રાઞ્છ્રીધરાદ્યાન્ધર્ંમકામાદિદાયકાન્

ઓં હ્રીં શ્રીં ક્લીં હ્રૂં ઓં નમઃ ।
પુરુષોત્તમ અપ્રતિરૂપ લક્ષ્મીનિવાસ જગત્ક્ષોભણ સર્વસ્ત્રીહૃદયદારણ ત્રિભુવનમદોન્માદનકર સુરાસુરમનુજ સુંદરી જનમનાંસિ તાપયતાપય શોષયશોષય મારયમારય સ્તમ્ભયસ્તમ્ભય દ્રાવયદ્રાવય આકર્ષય આકર્ષય,પરમસુભગ સર્વસૌભાગ્યકર સર્વકામપ્રદ અમુકં હનહન ચક્રેણ ગદયા ખડ્ગેન સર્વબાણૈર્ભિધિભિન્ધિ પાશેન કુટ્ટકુટ્ટ અઙ્કુશેન તાડયતાડય તુરુતુરુ કિં તિષ્ઠસિ તારયતારય યાવત્સમીહિતં મે સિદ્ધં ભવતિ હ્રીં (હ્રૂં) ફટ્ નમઃ

ઓં શ્રીં (શ્રીઃ) શ્રીધરાય ત્રૈલોક્યમોહનાય નમઃ ।
ક્લીં પુરુષોત્તમાય ત્રૈલોક્યમોહનાય નમઃ

ઓં વિષ્ણવે ત્રૈલોક્યમોહનાય નમઃ ।
ઓં શ્રીં ક્લીં ત્રૈલોક્યમોહનાય વિપ્ણવે નમઃ

ત્રૈલોક્યમોહના મન્ત્રાઃ સર્વે સર્વાર્થસાધકાઃ ।
સર્વે ચિન્ત્યા પૃથગ્ વાપિ વ્યાસાત્સંક્ષેપતો ઽથ વા

આસનં મૂર્તિમન્ત્રં ચ હોમાદ્યઙ્ગષડઙ્ગકમ્ ।
ચક્રં ગદાં ચ ખડ્ગં ચ મુસલં શંમખશર્ઙ્ગકમ્

શરં પાશં ચાઙ્કુશં ચ લક્ષ્મીગરુડસંયુતમ્ ।
વિષ્વક્સેનં વિસ્તરાદ્વાનરઃ સર્વમવાપ્નુયાત્