ગરુડ પુરાણ · અધ્યાય 1.28

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે નાગાદિવિવિધવિષહર મન્ત્રનિરૂપણં નામ સપ્તવિંશો ઽધ્યાયઃ
શ્રીગરુડમહાપુરાણમ્- 28
સૂત ઉવાચ ।
ગોપાલપૂજાં વક્ષ્યામિ ભુક્તિમુક્તિપ્રદાયિનીમ્ ।
દ્વારે ધાતા વિધાતા ચ ગઙ્ગાયમુનયા સહ

શઙ્ખપદ્મનિધી ચૈવ સારઙ્ગઃ શરભઃ શ્રિયા ।
પૂર્વે ભદ્રઃ સુભદ્રો દ્વૌ દક્ષે ચણ્ડપ્રચણ્ડકૌ

પશ્ચિમે બલપ્રબલૌ જયશ્ચ વિજયો યજેત્ ।
ઉત્તરે શ્રીશ્ચતુર્દ્વારે ગણો દુર્ગા સરસ્વતી

ક્ષેત્રસ્યાગ્ન્યાદિકોણેષુ દિક્ષુ નારદપૂર્વકમ્ ।
સિદ્ધો ગુરુર્નલકૂવરં કોણે ભગવતં યજેત્

પૂર્વે વિષ્ણું વિષ્ણુતપો વિષ્ણુશક્તિં સમર્ચયેત્ ।
તતો વિષ્ણુપરીવારં મધ્યે શક્તિં ચ કૂર્ંમકમ્

અનન્તં પૃથિવીં ધર્મં જ્ઞાનં વૈરાગ્યમગ્નિતઃ ।
ઐશ્વર્યં વાયુપૂર્વં ચ પ્રકાશાત્માનમુત્તરે

સત્ત્વાય પ્રકૃતાત્મને રજસે મોહરૂપિણે ।
તમસે કન્દ પદ્માય યજેત્કં કાકતત્ત્વકમ્

વિદ્યાતત્ત્વં પરં તત્ત્વ સૂર્યેદુવહ્નિમણ્ડલમ્ ।
વિમલાદ્યા આસનં ચ પ્રાચ્યાં શ્રીં હ્રીં પ્રપૂજયેત્

ગોપીજનવલ્લભાય સ્વાહાન્તો મનુરુચ્યતે ।
અઙ્ગાનિ યથા-આચ ક્રં ચ સુચક્રં ચ વિચક્રં ચ તથૈચ

ત્રૈલોક્યરક્ષકં ચક્રમસુરારિસુદર્શનમ્ ।
હૃદાદિપૂર્વકોણષુ અસ્ત્રં શક્તિં ચ પૂર્વતઃ

રુક્મિણી સત્યભામા ચ સુનન્દા નાગ્નજિત્યપિ ।
લક્ષ્મણા મિત્રવિન્દા ચ જામ્બવત્યા શુશીલયા

શઙ્ખચક્રગદાપદ્મં મુસલં શાર્ઙ્ગમર્ચયેત્ ।
ખઙ્ગં પાશાઙ્કુશં પ્રાચ્યાં શ્રીવત્સં કૌસ્તુભં યજેત્