ગરુડ પુરાણ · અધ્યાય 1.24

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે શિવાર્ચનનિરૂપણં નામ ત્રયોવિંશો ઽધ્યાયઃ
(ઇતિ શિવાદિપૂજા સમાપ્તા) ।
શ્રીગરુડમહાપુરાણમ્- 24
સૂત ઉવાચ ।
વક્ષ્યે ગણાદિકાઃ પૂજાઃ સર્વદા સ્વર્ગદાઃ પરાઃ ।
ગણાસનં ગણમૂર્તિ ગણાધિપતિમર્ચયેત્

ગામાદિહૃદયાદ્યઙ્ગં દુર્ગાયા ગુરુપાદુકાઃ ।
દુર્ગાસનં ચ તન્મૂર્તિં હ્રીં દુર્ગે રક્ષણીતિ ચ

ત્દૃદાદિકં નવ શક્ત્યો રુદ્રચણ્ડા પ્રચણ્ડયા ।
ચણ્ડોગ્રા ચણ્ડનાયિકા ચણ્ડા ચણ્ડવતી ક્રમાત્

ચણારૂપા ચણ્ડિકાખ્યા દુર્ગેદુર્ગે ઽથ રક્ષિણિ ।
વજ્રખડ્ગાદિકા મુદ્રાઃ શિવાદ્યા વહ્નિદેશતઃ

સદાશિવમહાપ્રેતપદ્માસન મથાપિ વા ।
ઐં ક્લીં (હ્રીં) સૌસ્ત્રિપુરાયૈ નમઃ ।
ઓં હ્રાં હ્રીં ક્ષેં ક્ષૈં સ્ત્રીં સ્કીં રોં સ્ફેં સ્ફીં શાં પદ્માસનં ચ મૂર્તિં ચ ત્રિપુરાત્દૃદયાદિકમ્

પીઠામ્બુજે તુ બ્રાહયાદીર્બ્રહ્માણી ચ મહેશ્વરી ।
કૌમારી વૈષ્ણવી પૂજ્યા વારાહી ચેન્દ્રદેવતા

ચામુણ્ડા ચણ્ડિકા પૂજ્યા ભૈરવાખ્યાંસ્તતો યજેત્ ।
અસિતાઙ્ગોરુરુશ્ચણ્ડઃ ક્રોધ ઉન્મત્તભૈરવઃ

કપાલી ભીષણશ્ચૈવ સંહારશ્ચાષ્ટ ભૈરવાઃ ।
રતિઃ પ્રીતિઃ કામદેવઃ પઞ્ચ બાણાશ્ચ યોગિની

વટુકં દુર્ગયા વિઘ્નરાજો ગુરુશ્ચ ક્ષેત્રપઃ ।
પદ્મગર્ભે મણ્ડલે ચ ત્રિકોણે ચિન્તયેદ્ધૃદિ

શુક્લાં વરદાક્ષસૂત્રપુસ્તાભયસમન્વિતામ્ ।
લક્ષજપ્યાચ્ચ હોમાચ્ચ ત્રિપુરા સિદ્ધિદા ભવેત્