ગરુડ પુરાણ · અધ્યાય 1.219

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે પાર્વણશ્રાદ્ધકથનં નામાષ્ટ્રદશાધિકદ્વિશતતમો ઽધ્યાયઃ
શ્રીગરુડમહાપુરાણમ્- 219
બ્રહ્મોવાચ ।
નિત્યશ્રાદ્ધં પ્રવક્ષ્યામિ પૂર્વવત્તદ્વિશેષવત્ ।
ઓં અમુકગોત્રાણામસ્મત્પિતૃપિતામહાનાં અમુકશર્મણાં સપત્નીકાનાં શ્રાદ્ધં સિદ્ધાન્નેન યુષ્માસ્વહં કરિષ્યે ।
આસનાદિકમત્ર સ્યાદ્વિશ્વેદેવાવિવર્જિતમ્

વૃદ્ધિશ્રાદ્ધં પ્રવક્ષ્યામિ પૂર્વવત્તદ્વિશેષકમ્ ।
જાતપુત્રમુખદર્શનાદૌ વૃદ્ધિ શ્રાદ્ધં પૂર્વાભિમુખેષુ દક્ષિણોપવીતિષુ સયવબદરકુશૈર્દેવતીર્થેન નમસ્કારાન્તેન દક્ષિણોપચારેણ કર્તવ્યમ્

દક્ષિણજાનુ ગૃહીત્વા અદ્યાસ્મદીયામુકવૃદ્ધૌ અમુકગાત્રાણામસ્મત્પ્રપિતામહીપિતામહીમાતૄણામમુકદેવીનામમુકગોત્રાણાં શ્રાદ્ધે કર્તવ્યે વસુસત્યસંજ્ઞકાનાં વિશ્વેષાં દેવાનાં શ્રાદ્ધં સિદ્ધાન્નેનયુષ્માસુ મયા કર્તવ્યમિતિ દેવબ્રાહ્મણામન્ત્રણમ્ ।
ઓં કરિષ્યસીતિ તેનોક્ત ઇત્થમેવાપરદેવબ્રાહ્મણામન્ત્રણમ્

તતઃ અમુકવૃદ્ધૌ અમુકગોત્રાયા મત્પ્રપિતામહ્યા અમુકદેવ્યા નાન્દીમુખ્યાઃ શ્રાદ્ધં સિદ્ધાન્નેન યુષ્માસુ મયા કર્તવ્યમિતિ પ્રપિતામહીબ્રાહ્મણામન્ત્રણમ્ ।
કરિષ્યામીતિ તેનોક્તે ઇત્થમેવ પ્રમાતામહ્યાદિબ્રાહ્માણમન્ત્રણમ્

દેવપિતૃસર્વદેવબ્રાહ્મણં શ્રાદ્ધકરણાનુજ્ઞાપનમ્ ।
આસને ઓં વિશ્વેદેવાસ આગત શૃણુતામ ઇમંર્ઠ ઇવમ્ ।
તં બર્હિર્નિષીદત ।
ઓં વિશ્વેદેવાઃ શૃણુતેમં ઇવં યે મે અન્તરિક્ષે ય ઉદદ્યવિષ્ટ ।
પે અગ્નિજિહ્વા ઉતવા યદત્રા આસાદ્યાસ્મિન્બર્હિષિ માદયધ્વમ્ ।
ઓં આગચ્છન્તુ ઇતિ વિશ્વેદેવાવાહનં-ગન્ધાદિદાનમ્ ।
અચ્છિદ્રાવધારણવાચનમ્

તતઃ પ્રપિતામહીપ્રભૃતીનામનુજ્ઞાપનમાસનદાનં ગન્ધાદિદાનઞ્ચ અચ્છિદ્રાવધારણવાચનમ્ ।
ઇત્થં પિતામહ્યાઃ માતુઃ ।
તતઃ પ્રપિતામહાદીનાં અનુજ્ઞાપનમ્ ।
આસનમાવાહનઙ્ગન્ધાદિદાનં-વૃદ્ધપ્રમાતામહાદીનામનુજ્ઞાપનાદિકરણમ્ ।
ઓં વસુસત્યસંજ્ઞકેભ્યો દેવેભ્ય એતદન્નં સઘૃતં સપાનીયં સવ્યઞ્જનં સવદરં સદધિ પ્રતિષિદ્ધવર્જિતં નમ ઇતિ અન્નસઙ્કલ્પનમ્ ।
ઓં અમુકગોત્રે ! મત્પિતામહમુકદેવિ નાન્દીમુખિ ! એતદન્નં સબદરં સદધિ નમઃ ।
એવં માતામહપ્રભાતામહેભ્યઃ

એકોદ્દિષ્ટં પુરો ઽવશ્યં તદ્વિશેષં વદે શૃણુ ।
પ્રથમં નિમન્ત્રણં પાદપ્રક્ષાલનમ્ આસનમ્ ।
અદ્ય અમુકગોત્રસ્ય મત્પિતુરમુકદેવશર્મણઃ પ્રતિસાંવત્સરિકમેકોદ્દિષ્ટશ્રાદ્ધં સિદ્ધાન્નેન યુષ્માસ્વહં કરિષ્યે ।
શ્રાદ્ધકરણાનુજ્ઞાપનમ્ આસનં ગન્ધાદિદાનમ્ અન્નાનુકલ્પનમ્ ।
જપ્યં નિવીતી ।
ઉત્તરાભિમુખીભૂયાતિથિશ્રાદ્ધં કુર્યાત્

તતસ્મૃપ્તિં જ્ઞાત્વા દક્ષિણાભિમુખીવામોપવીતી ઉચ્છિષ્ટસમીપે અગ્નિદગ્ધા ઇતિ અન્નવિકિરણમ્ ।
અમુકગોત્રમત્પિતરમુકદેવશર્મન્નેતત્તે જલમવનેનિક્ષ્વ યે ચાત્ર ત્વામનુયાશ્ચ ત્વામનુતસ્મૈ તે સ્વધા ઇતિ રેખોપરિ વારિધારાદાનમ્ ।
શેષં પૂર્વવત્