ગરુડ પુરાણ · અધ્યાય 1.218

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે સન્ધ્યાવિધિનિરૂપણં નામ સપ્તદશોત્તરદ્વિશતતમો ઽધ્યાયઃ
શ્રીગરુડમહાપુરાણમ્- 218
બ્રહ્મોવાચ ।
વ્યાસ ! શ્રાદ્ધમહં વક્ષ્યે ભુક્તિમુક્તિપ્રદં નૃણામ્ ।
પૂર્વં નિમન્ત્રયેદ્વિપ્રાન્વિશેષાદ્બ્રહ્મચારિણઃ

પ્રદક્ષિણોપવીતેન દેવાન્વામોપવીતિના ।
પિતૄન્નિમન્ત્રયેત્પાદૌ ક્ષાલયેદ્વાક્યમન્ત્રતઃ

ઓં સ્વાગતં ભવદ્ભિરિતિ પ્રશ્રઃ ।
ઓં સુસ્વાગતામિતિ તૈરુક્તે ઓં વિશ્વેભ્યો દેવેભ્ય એતત્પાદોદકમર્ઘ્યં સ્વાહેતિ દેવબ્રાહ્મણપાદયોર્દેવતીર્થેનાભુગ્નકુશસહિતજલદાનમ્

તતો દક્ષિણા ભિમુખેન વામોપવીતેનામુકગોત્રેભ્યો અસ્મત્પિતૃપિતામહપ્રપિતામહેભ્યો યથાનામશર્મભ્ય એતત્પાદોદકમર્ઘ્યં સ્વધેતિ પિત્રાદિબ્રાહ્મણપાદયોઃ પિતૃતીર્થેન આભુગ્નકુશકુસુમસહિતજલદાનમ્

એવં માતામહાદિભ્યઃ ।
એતદાચમનીયં સ્વાહા સ્વધેતિ બ્રાહ્મણહસ્તે એષવોર્ઽઘ્ય ઇતિ બ્રાહ્મણહસ્તે પુષ્પદાનમ્

ઓં સિદ્ધમિદમાસનમ્ ઇહ સિદ્ધમિત્યભિધાય ઓં ભૂઃ ઓં ભુવઃ ઓં સ્વઃ ઓં મહઃ ઓં જનઃ ઓં તપઃ ઓં સત્યમિતિ સપ્તવ્યાહૃતિભિઃ પૂર્વમુખન્દેવબ્રાહ્મણોપવેશનમ્ ।
ઉત્તરદિઙ્મુખંપિતૃબ્રાહ્મયોણોપવેશનમ્ ।
ઓં દેવતાભ્યઃ પિતૃભ્યશ્ચ મહાયોગિભ્ય એવ ચ ।
નમઃ સ્વધાયૈ સ્વાહાયૈ નિત્યમેવ ભવન્તુતે ઇતિ ત્રિર્જપેત્

ઓં અદ્યાસ્મિન્દેશે અમુકમાસે અમુકરાશિઙ્ગતે સવિતર્યમુકતિથાવમુકગોત્રાણામસ્મત્પિતૃપિતામહપ્રપિતામહાનાં યથાનામશર્મણાં વિશ્વેદેવપૂર્વકન્દૃશ્રાદ્ધં કરિષ્યે । ઓં વિશ્વેભ્યો દેવભ્યઃ સ્વાહા ઓં વિશ્વેદેવાનાવાહયિષ્યે ।
આવાહયેત્યુક્તે ઓં વિશ્વેદેવાઃ સ આગત શૃણુતામ્ ઇમં હવમ્ ।
એદં બર્હિર્નિષીદત ઓં વિશ્વેદેવાઃ શૃણુતેમં ઇવં મે યે અન્તરિક્ષે ય ઉપદ્યવિષ્ટ ।
યે અગ્નિજિહ્વા ઉત વા યજત્રા આસદ્યાસ્મિન્બર્હિષિ માદયધ્વમ્ ।
ઓં ઓષધયઃ સંવદન્તે સોમેન સહ રાજ્ઞા ।
યસ્મૈ કૃણોતિ બ્રાહ્મણસ્તં રાજન્પારયામસિ ।
ઓં આગચ્છન્તુ મહાભાગા વિશ્વેદેવા મહાબલાઃ ।
યે અત્ર વિહિતાઃ શ્રાદ્ધે સાવધાના ભવન્તુ તે ।
ઓં અપહતાસુરા રક્ષાંસિ વેદિષદ ઇતિ ત્રિત્રિર્યવવિકિરણમ્

ઓં પાત્રમહં કરિષ્યે ।
ઓં કરુષ્વેત્યનુજ્ઞાતઃ કૃત્વા પાત્રે પવિત્રનિષેવણમ્

ઓં શન્નો દેવીરભિષ્ટય આપો ભવન્તુ પીતયે ।
શંયોરભિસ્ત્રવન્તુ ન ઇતિ પાત્રે જલદાનમ્ ।
ઓં યવો ઽસિ યવયાસ્મદ્વેષો યવયારાતીરિતિ યવદાનમ્ ।
ગન્ધદ્વારાં દુરાધર્ષાં નિત્યપુષ્ટાં કરીષિણીમ્ ।
ઈશ્વરીં સર્વભૂતાનાં તા (ત્વા) મિહોપહ્વયે શ્રિયમિતિ ગન્ધદાનમ્ ।
ઓં યા દિવ્યા આપઃ પયસા સંબભૂવુર્યા અન્તરિક્ષૌત પાર્થવીર્યાઃ ।
હિરણ્યવર્ણા યજ્ઞિયાસ્તાન આપઃ શિવાઃ શં સ્યોના સુહવા ભવન્તુ ।
એષોર્ઽઘો નમ ઇતિ બ્રાહ્મણહસ્તે જલં દત્ત્વાનેનૈવ પાત્રેણ પવિત્રગ્રહણં કૃત્વા સંસ્ત્રવં પવિત્રં ચ બ્રાહ્મણપાર્શ્વે દદ્યાત્ ।
તતઃ પ્રથમપાત્રે સંસ્ત્રવજલં સંસ્થાપ્ય કુશોપરિ ઊર્ધ્વમુખં સ્થાપનં કુર્યત્ ।
તદુપરિ કુશદાનમ્

વિશ્વેભ્યો દેવેભ્યઃ એતાનિ ગન્ધપુષ્પધૂપદીપવાસો યુગયજ્ઞો પવીતાનિ નમઃ ।
ગન્ધાદિદાનમચ્છિદ્રમસ્તુ ।
અસ્ત્વિતિ બ્રાહ્મણપ્રતિવચનમ્

તતઃ પિતૃપિતામહપ્રપિતામહાનાં માતામહપ્રમાતામહવૃદ્ધપ્રમાતામહાનાં સપત્નીકાનાં શ્રાદ્ધમહં કરિષ્યે ઇતિ અનુજ્ઞાવચનમ્ ।
કુરુષ્વેતિ બ્રાહ્મણૈરુક્તે ।
ઓં દેવતાભ્યઃ પિતૃભ્યશ્ચ- ઇતિત્રિર્જપેત્

ઓં અમુકગોત્રેબ્યો ઽસ્મત્પિતૃપિતામહેભ્યો યથાનામશર્મભ્યઃ સપત્નીકેભ્યઃ ઇદમાસનં સ્વધા ઇતિ બ્રાહ્મણવામે આસનદાનમ્ ।
ઓં પિતૄનાવાહયિષ્યે ।
ઓં ।
આવાહયેત્યુક્તે ઓં ઉશન્તસ્ત્વા નિધીમહ્યુશન્તઃ સમિધીમહિ ।
ઉશન્નુ શત આવહ પિતૄન્હવિષે ઉત્તવે ।
ઓં આયન્તુ નઃ પિતરઃ સૌમ્યાસો ઽગ્નિષ્વાત્તાઃ પથિભિર્દેવયાનૈઃ ।
અસ્મિન્યજ્ઞે સ્વધયા મદન્તો ઽધિબ્રુવન્તુ તેવન્ત્વસ્માન્ ઇત્યાવાહનમ્ ।
ઓં અપહતા સુરા રક્ષાંસિ વેદિષદઃ ઇતિ તિલવિકિરણમ્ ।
પૂર્વવક્ત્રમેણ સ્થાપિતપાત્રેષૂદકદાનમ્ ।
ઓં તિલો ઽસિ સોમદેવત્યો ગોસવો દેવનિર્મિતઃ ।
પ્રત્નમદ્ભિઃ પૃક્તઃ સ્વધયા પિતૄંલ્લોકાન્પ્રીણીહિ નઃ સ્વાહા ઇતિ તિલદાનમ્

ગન્ધપુષ્પે હસ્તાભ્યાં દત્ત્વા પિતૃપાત્રમુત્થાપ્ય યા દિવ્યેતિ પઠિત્વા અમુકગોત્રાસ્મત્પિતઃ ! અમુકદેવશર્મન્ ! સપત્નીક ! એષ તે ઽર્ઘ્યઃ સ્વધા ।
અપવિત્રં પાત્રં ગૃહીત્વા વામપાર્શ્વે દક્ષિણે કુશોપરિ ઓં પિતૃભ્યઃ સ્થાનમસીત્યધોમુખપાત્રસ્થાપનમ્

ઓં શુન્ધન્તાં લોકાઃ પિતૃસદનાઃ પિતૃસદનમસિ ।
અધોમુખપાત્ત્રસ્પર્શનમ્ ।
અમુકગોત્રેભ્યો ઽસ્મત્પિતૃપિતામહ પ્રપિતામહેભ્યઃ સપત્નીકેભ્ય એતાનિ ગન્ધપુષ્પધૂપદીપવાસોગુણસોત્તરીયયજ્ઞોપવીતાનિ વઃ સ્વધા પિતૃતીર્થેન ગન્ધાદિદાનમ્ ।
ગન્ધાદિદાનમક્ષય્યમસ્તુ ।
સંકલ્પસિદ્ધિરસ્તુ ।
બ્રાહ્મણવચનમ્ ।
એવં માતામહાદીનામનુજ્ઞાપનાદિકર્મ ।
ઓં યાદિવ્યેતિભૂમિસંમાર્જનમ્ ।
તતો ઘૃતાક્તમન્નં ગૃહીત્વા દક્ષિણોપવીતી પિતૃબ્રાહ્મણમ્ ઓં અગ્નૌ કરણમહં કરિષ્યે ।
ઓં કુરુષ્વેતિ તેનોક્તે ઓં અગ્નયે કવ્યવાહનાય સ્વાહા ઇતિ આહુતિદ્વયં દેવબ્રાહ્મણહસ્તે દત્ત્વા અવશિષ્ટાન્નં પિણ્ડાર્થં સ્થાપયિત્વા અપરમર્ધં પિત્રાદિપાત્રે માતામહાદિપાત્રે ચ નિઃ ક્ષિપેત્

પાત્રમુદ્રાદિ નિધાય કુશં દત્ત્વા અધોમુખાભ્યાં પાણિભ્યાં પાત્રં ગૃહીત્વા ઓં પૃથિવીતે પાત્રં દ્યૌરપિધાનં બ્રાહ્મણસ્ય મુખે અમૃતે અમૃતં જુહોમિ સ્વાહા પાત્રાભિમન્ત્રણમ્ ।
ઇદં વિષ્ણુર્વિચક્રમે ત્રેધા નિદધે પદમ્ ।
સમૂઢમસ્ય પાંસુરે ।
વિષ્ણો હવ્યંરક્ષસ્વ ઇત્યન્નમધ્યે અધોમુખદ્વિજાઙ્ગુષ્ઠનિવેશનમ્

અપહતેતિ ત્રિર્યવવિકિરણમ્ ।
ઓં નિહન્મિ સર્વં યદમેધ્યવદ્ભવેદ્ધતાશ્ચ સર્વે ઽસુરદાનવા મયા ।
રક્ષાંસિ યક્ષાઃ સપિશાચસઙ્ઘા હતા મયા યાતુધાનાશ્ચ સર્વે ઇતિ સિદ્ધાર્થવિકિરણમ્

તતો ધૂરિલોચનસંજ્ઞકેભ્યોદવેભ્ય એતદન્નં સઘૃતં સપાનીયં સવ્યઞ્જનં સ્વાહેતિ વારિકુશાદ્યૈરનુસઙ્કલ્પનમ્ ।
ઓં અન્નમિદમક્ષય્યમસ્તુ ઓં સંઙ્કલ્પસિદ્ધિરસ્તુ

તતો વિપરીતોપવીતેન સવ્યઞ્જનં સઘૃતમન્નં પિત્રાદિ બ્રાહ્મણપાત્રે નિધાય તદુપરિ ભૂમિસંલગ્નકુશં દત્ત્વા ઓં પૃથિવી તે પાત્રં ઇતિ મન્ત્રેણ ઉત્તાનાભ્યાં પાત્રં ગૃહીત્વા ઓં ઇદં વિષ્ણોરિત્યન્નોપરિ ઉત્તાનં દ્વિજાઙ્ગુષ્ઠં નિવેશયેત્ ।
ઓં અપહતેતિ તિલવિકિરણમ્ ।
ભૂમિપાતિતવામજાનુઃ અમુકગોત્રેભ્યઃ અસ્મત્પિતૃપિતામહેભ્યઃ સપત્નીકેભ્યઃ એતદન્નં સઘૃતં સપાનીયં સવ્યઞ્જનં પ્રતિષિદ્ધવર્જિતં સ્વધા ।
અન્નં સઙ્કલ્પ્ય ઓં ઊર્જં વહન્તીરમૃતં ઘૃત પયઃ કીલાલં પરિસ્ત્રુતં સ્વધાસ્તુ તર્પયત મે પિતરમ્ ।
દક્ષિણામુખવરિધારત્યાગઃ

ઓં શ્રાદ્ધમિદમચ્છિદ્રમસ્તુ ઓં સઙ્કલ્પસિદ્ધરસ્તુ ।
ઓં ભૂર્ભુવઃ સ્વસ્તત્સવિતુર્વરેણ્યં ભર્ગોદેવસ્ય ધીમહિ ધિયો યો નઃ પ્રચોદયાત્ ઇતિ વિસજયિત્વા ઓં મધુવાતા ઋતાયતે મધુક્ષરન્તુ સિન્ધવઃ માધ્વીર્નઃ સન્ત્વોષધીર્મધુનક્તમુતોષસો મધુત્પાર્થિવં રજઃ ।
મધુદ્યૌરસ્તુ નઃ પિતા મધુમાન્નો વનસ્પતિઃ મધુમાનસ્તુ સૂર્યો માધ્વીર્ગાવો ભવન્તુ નઃ ।
મધુ મધુ મધુ ઇતિ જપઃ

યથાસુખં વાગ્યતા જુષધ્વમ્ ઇતિ બ્રૂયાત્ ।
બુક્તવત્સુ સપ્તવ્યાધાદિકં પિતૃસ્તોત્રં જપેત્ ।
તચ્ચ-સપ્તવ્યાધા દશાર્ણેષુ મૃગાઃ કાલઞ્જરે ગિરૌ ।
ચક્રવાકાઃ શરાદ્વીપે હંસાઃ સરસિ માનસે

તે ઽભિજાતાઃ કુરુક્ષેત્રે બ્રાહ્મણા વેદપારગાઃ ।
પ્રસ્થિતા દૂરમધ્વાનં યૂયં કિમવસીદથ

તતસ્તૃપ્યસ્વ દક્ષિણાભિમુખો વામોપવીતી તદુત્સૃષ્ટાગ્રતઃ ।
ઓં અગ્નિદગ્ધાશ્ચ યે જીવા યે ઽપ્યદગ્ધાઃ કુલે મમ ।
ભૂમૌ દત્તેન તૃપ્યન્તુ તૃપ્તા યાન્તુ પરાઙ્ગતિમ્ ।
ઇતિ ભૂમૌ કુશોપરિ સઘૃતમન્નં જલપ્લુતં વિકિરેત્

તતો બ્રાહ્મણક્રમેણ જલગણ્ડૂષં દત્ત્વા પૂર્વવત્સવ્યાહૃતિકાં ગાયત્ત્રીં મધુવાતેતિત્ર્યૃચં જપ્ત્વા ઓં રુચિતં ભવદ્ભિરિતિ દેવબ્રાહ્મણપ્રશ્રઃ ।
સુરુચિતમિતિ તેનોક્તે ઓં શેષમન્નમિતિ પ્રશ્રઃ ।
ઇષ્ટૈઃ સહ ભોજનમ્ ।
પિત્રાદિબ્રાહ્મણં વામોપવીતેન ઓં તૃપ્તાઃ સ્થ ઇતિ પ્રશ્રઃ ।
ઓં તૃપ્તાઃ સ્મ ઇતિ તેનોક્તે ભૂમ્યભ્યુક્ષણં મણ્ડલચતુષ્કોણં તિ લવિકિરણમ્

ઓં અમુકગોત્ર ! અસ્મત્પિતઃ ! અમુકદેવદર્શન્ ! સપત્નીક ! એતત્તે પિણ્ડાસનં સ્વધા ।
ઇત્થં રેખામધ્યે પિતામહાય ખવ્યાહૃતિકાં ગાયત્ત્રીં મધુવાતેતિ ત્રર્જપન્નન્નં સાજ્યં પિણ્ડં કૃત્વા કુશોપરિ અમુકગોત્ર અસ્મત્પિતઃ ! અમુકદેવશ્રમન્ ! સપત્નીક એષ પિણ્ડસ્તે સ્વધા ।
ઇત્થં રેખામધ્યે પિતામહાય ।
તતઃ સવ્યાહૃતિકાં ગાયત્ત્રીં મધુવાતેતિ ત્રિર્જંપન્પિણ્ડવિકિરણં પિણ્ડાન્તિકે ।
ઓં લેપભુજઃ પ્રીયન્તમિતિ સ્તરણ્કુશેષુ હસ્તમાર્જનં પ્રક્ષાલિતપિણ્ડોદકેન ઓં અમુકગોત્ર ! અસ્મત્પિતઃ ! અમુકશર્મન્ સપત્નીક એતત્તે જલમવનેક્ષ્વ યે ચાત્રત્વામનુજાશ્ચ ત્વામનુ તસ્મૈ તેસ્વધેતિ પિતૃપિણ્ડસેચનમ્ ।
પિણ્ડપાત્રમધોમુખં કૃત્વા બદ્ધાઞ્જલિઃ ઓં પિતરો માદયધ્વં યથાભાગમાવૃષાયધ્વમિતિ જપેત્ ।
અપઃ સ્પૃષ્ટ્વા વામેન પરાવૃત્ત્ય ઉદઙ્મુખઃ પ્રાણાંસ્ત્રિઃ સંયમ્ય ષડ્ભ્ય ઋતુભ્યો નમઃ ઇતિ જપઃ

વામેનૈવ પરાવૃત્ય પુષ્પદાનમ્ ।
અક્ષતઞ્ચારિષ્ટઞ્ચાસ્તુ મે પુણ્યં શાન્તિપુષ્ટિદૃ ।
દક્ષિણામુખઃ અમી મદન્તઃ પિતરો યથાભાગમાવૃષાયિષત ઇતિ જપઃ ।
વાસઃ શિથિલીકૃત્વાઞ્જલિં કૃત્વા ઓં નમો વઃ પિતરો નમો વઃ ઇતિ જપઃ ।
ગૃહાન્નઃ પિતરો દત્ત ઇતિ ગૃહવીક્ષણમ્ ।
તતઃ સદા વઃ પિતરો દ્વેષ્મ ઇતિ વીક્ષ્ય એતદ્વઃ પિતરો વાસ ઇત્યુચ્ચાર્ય અમુકગોત્ર એતત્તે વાસઃ સ્વધા ઇતિ સૂત્રદાનમ્ ।
વામેન પાણિના ઉદકપાત્રં ગૃહીત્વા ઊર્જં વહન્તીરમૃતં ઘૃતં પયઃ ઇત્યાદિ પિણ્ડોપરિ ધારાત્યાગઃ

પૂર્વસ્થાપિતપાત્રશેષોદકૈઃ પ્રત્યેકં પિણ્ડસેચનં-પિણ્ડમાવાહ્ય ગન્ધાદિદાનં-પિણ્ડોપરિ કુશપત્રઞ્ચ દત્ત્વા ઓં અક્ષન્નમીમદન્તહ્ય વ પ્રિયા અધૂષત અસ્તોષતસ્વભાનવો વિપ્રા નવિષ્ઠયામતી ।
યો જાન્વિન્દ્ર તે હરીતિ ત્રિર્જપઃ

ઓં ઇત્થં માતામહાદિબ્રાહ્મણાનામાચમનમ્ ।
ઓં સુસુપ્રોક્ષિતમસ્ત્વિતિ ભૂમ્યભ્યુક્ષણં કૃત્વા ।
ઓં અપાં મધ્યે સ્થિતા દેવાઃ સર્વમપ્સુ પ્રતિષ્ઠિતમ્ ।
બ્રાહ્મણસ્ય કરે ન્યસ્તાઃ શિવા આપો ભવન્તુ નઃ ।
શિવા આપઃ સન્ત્વિતિ બ્રાહ્મણહસ્તે જલદાનમ્ ।
લક્ષ્મીર્વસતિપુષ્પેષુ લક્ષ્મીર્વસતિ પુષ્કરે ।
લક્ષ્મીર્વસતિ ગોષ્ઠેષુ સૌમનસ્યં સદાસ્તુ તે ।
સૌમનસ્યમસ્ત્વિતિ પુષ્પદાનમ્ ।
અક્ષતં ચાસ્તુ મે પુણ્યં શાન્તિઃ પુષ્ટિર્ધૃતિશ્ચ મે ।
યદ્યચ્છ્રેયસ્કરં લોકે તત્તદસ્તુ સદા મમ ।
ઓં અક્ષતઞ્ચારિષ્ટઞ્ચાસ્તુ ઇતિ યવતણ્ડુલદાનમ્

અમુકગોત્રાણામસ્મત્પિતૃપિતામહપ્રપિતામહાનાં સપત્નીકાનામિદમન્નપાનાદિકમક્ષય્યમસ્ત્વિતિ પિત્રાદિબ્રાહ્મણહસ્તે તિલજલદાનમ્ ।
અસ્ત્વિતિ બ્રાહ્મણો વદેત્ ।
એતન્માતામહાદીનામક્ષય્યમાશિષઃ ।
ઓં અઘોરાઃ પિતરઃ સન્તુ ગોત્રં નો વર્ધતાં--દાતારો નો ઽભિવર્ધન્તાં વેદાઃ સન્તતિરેવ ચ ।
શ્રદ્ધા ચ નો મા વ્યગમદ્બહુદેયઞ્ચ નો ઽસ્ત્વિતિ ।
અન્નઞ્ચ નો બહુ ભવેદતિથીંશ્ચ લભેમહિ ।
યાચિતારશ્ચ નઃ સન્તુ મા ચ યાચિષ્મ કઞ્ચન ।
એતાઃ સત્યાશિષઃ સન્તુ

સૌમનસ્યમસ્તુ ।
અસ્ત્વિત્યુક્તે પ્રદત્તપિણ્ડસ્થાને અર્ઘ્યાર્થપવિત્રમોચનમ્ ।
કુશપવિત્રં ગૃહીત્વાતેન કુશેન પિત્રાદિબ્રાહ્મણં સ્પૃષ્ટ્વા સ્વધાં વાચયિષ્યે-ઓં વાચ્યતાં-ઓં પિતૃપિતામહેભ્યો યથાનામશર્મભ્યઃ સપત્નીકેભ્યઃ સ્વધોચ્યતામ્ ।
અસ્તુસ્વધા ઇત્યુક્તે ઊર્જં વહન્તીરમૃતં ઘૃતમિતિ પિણ્ડોપરિ વારિધારાં દદ્યાત્

તતઃ ઓં વિશ્વેદેવા અસ્મિન્યજ્ઞે પ્રીયન્તા--દેવબ્રાહ્મણહસ્તે યવોદકદાનમ્ ।
ઓં પ્રીયન્તામિતિ તેનોક્તે ઓં દેવતાભ્ય ઇતિ ત્રિર્જપેત્

અધોમુખઃ પિણ્ડપાત્રાણિ ચાલયિત્વા આચમ્ય દક્ષિણોપવીતી પૂર્વાભિમુખઃ ઓં અમુકગોત્રાય અમુકદેવશર્મણે બ્રાહ્મણાય સપત્નીકાય શ્રાદ્ધપ્રતિષ્ઠાર્થદક્ષિણામેતદ્રજતં તુભ્યમહં સમ્પ્રદદે ઇતિ દક્ષિણાં દદ્યાત્ ।
ઇતિ દેવૂબ્રાહ્મણાય દક્ષિણાદાનમ્

તતઃ પિતૃબ્રાહ્મણે પિણ્ડાઃ સમ્પન્ના ઇતિ પ્રશ્રઃ ।
સુસમ્પન્ના ઇતિ પિણ્ડે ક્ષીરધારાં દત્ત્વા પિણ્ડચાલનં અતિથિબ્રાહ્મણે પિણ્ડપાત્રમુત્તાનં કૃત્વા ઓં વાજે વાજે વત વાજિનો નો ધનેષુ વિપ્રા અમૃતા ઋતજ્ઞાઃ ।
અસ્યમધ્વઃ પિબત માદયધ્વં તૃપ્તા યાત પથિભિર્દેવયાનૈરિતિ પિણ્ડા દિવિસર્જનં-આમાવાજસ્ય પ્રસવો જગમ્યાદેમે દ્યાવાપૃથિવી વિશ્વરૂપે આમાગન્તાં પિતરા ચામા સોમો ઽમૃતત્વેન ગમ્યાત્ ।
ઇતિ દેવવિસર્જનમ્ ।
ઓં અભિગમ્યતામિતિ પિતૃબ્રાહ્મણવિસર્જનમ્ ।
બ્રાહ્મણૈરનુદ્ગતસ્ય નિવર્તનમ્ ।
ગવાદિષુ પિણ્ડપ્રતિપાદનમિતિ શેષઃ

અયં શ્રાદ્ધવિધિઃ પ્રોક્તઃ પઠિતઃ પાપનાશનઃ ।
અનેન વિધિના શ્રાદ્ધં કૃતં વૈ યત્ર કુત્રચિત્

અક્ષયા સ્યાત્પિતૄણાઞ્ચ સ્વર્ગપ્રાપ્તિર્ધ્રુવા તથા ।
ઇત્યુક્તં પાર્વણં શ્રાદ્ધં પિતૄણાં બ્રહ્મલોકદમ્