ગરુડ પુરાણ · અધ્યાય 1.217

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે વૈશ્વદેવનિરૂપણં નામ ષોડશોત્તરદ્વિશતતમો ઽધ્યાયઃ
શ્રીગરુડમહાપુરાણમ્- 217
બ્રહ્મોવાચ ।
અથ સન્ધ્યાવિધં વક્ષ્યે દ્વિજાતીનાં સમાસતઃ ।
અપવિત્રઃ પવિત્રો વા સર્વાવસ્થાં ગતો ઽપિ વા

યઃ સ્મરેત્પુણ્ડરીકાક્ષં સ બાહ્યાભ્યન્તરઃ શુચિઃ

ગાયત્ત્રીચ્છન્દો વિશ્વામિત્ર ઋષિસ્ત્રિપાત્ ।
સમુદ્રાઃ કુક્ષિશ્ચન્દ્રાદિત્યૌ લોચનૌ ।
અગ્નિર્મુખમ્ ।
વિષ્ણુર્હૃદયમ્ ।
બ્રહ્મરુદ્રૌ શિરઃ ।
રુદ્રઃ શિખા ।
ઉપનય ને વિનિયોગઃ ।
ઓં ભૂઃ પાદે ।
ભુવઃ જાનુતિ ।
સ્વઃ હૃદયે ।
મહઃ શિરસિ ।
જનઃ શિખાયામ્ ।
તપઃ કણ્ઠે ।
સત્યં લલાટે ।
ઓં હૃદયાય નમઃ ।
ઓં ભૂઃ શિરસે સ્વાહા ।
ઓં ભુવઃ શિખાયૈ વૌષટ્ ।
ઓં સ્વઃ કવચાય હું ।
ઓં ભૂર્ભુવઃ સ્વઃ અસ્ત્રાય ફટ્

ઓં ભૂઃ ઓં ભુવઃ ઓં સ્વઃ ઓં મહઃ ઓં જનઃ ઓં તપઃ ઓં સત્યં તત્સ્ત્રિપદા ।
ઓં આપો જ્યો ઽતી રસો ઽમૃતં બ્રહ્મ ભૂર્ભુવઃ સ્વરોમ્ ।
ઓં સૂર્યશ્ચેત્યાદિ ।
ઓં આપઃ પુનન્ત્વિત્યાદિ ।
ઓં અગ્નિશ્ચેત્યાદિ

ઓં આયાતુ વરદે દેવિ ! પૂર્વાહ્ને બ્રહ્મદેવતા ।
ગાયત્ત્રી નામ યા સન્ધ્યા રક્તાઙ્ગી રક્તવાસસા ।
વરહંસસમારૂઢા શ્રીમત્પુષ્કરસંસ્થિતા

કમણ્ડલુધરા શાન્તા અક્ષમાલાવિધારિણી ।
આયાતુ વરદા દેવી મધ્યાહ્ને શ્વેતરૂપિણી

માહેશ્વરી ચ સાવિત્રી શુક્લવસ્ત્રાદિમણ્ડિતા ।
વૃષસ્કન્ધસમારૂઢા ત્રિશૂલવરધારિણી

આયાતુ વરદા દેવી અપરાહ્ને સરસ્વતી ।
અતસીકુસુમપ્રખ્યા વૈષ્ણવી ગરુડાસના

પીતવસ્ત્રા શઙ્ખચક્રગદાપદ્મસમન્વિતા ।
શ્વેતવર્ણા સમુદ્દિષ્ટા રવિમણ્ડલસંસ્થિતા

શ્વેતપદ્મસનાસીના શ્વેતપુષ્પોપશોભિતા ।
ઓં આપો હિષ્ઠા મયો ભુવસ્તા ન ઉર્જે દધાત નઃ

મહેરણાય ચક્ષુસે ।
ઓં યો વઃ શિવતમો રસઃ ।
તસ્ય ભાજયેતેહ નઃ ।
અશતીરિવ માતરઃ ।
ઓં તસ્મા અરઙ્ગમામ વો યસ્ય ક્ષયાય જિન્વથ ।
આપો જન યથા ચ નઃ ।
ઓં સુમિત્રિયા ન આપ ઓષધયઃ સન્તુ ઓં દુર્મિત્રિયાસ્તસ્મૈ સન્તુ યો ઽસ્માન્ દ્વેષ્ટિ યઞ્ચ વયં દ્વિષ્મઃ ।
ઓં દ્રુપદાદિવમુમુચાનઃ સ્વિન્નઃ સ્નાતો મલાદિવ ।
પૂતં પવિત્રેણેવાજ્યમાપઃ શુન્ધન્તુ મૈનસઃ ।
ઓં ઋતં ચ સત્યં ચાભીદ્ધાત્તપસો ઽધ્યજાયત ।
તતોરાત્ર્યજાયત ।
તતઃ સમુદ્રોર્ઽણવઃ સમુદ્રાદર્ણવાદધિસંવત્સરો અજાયત ।
અહૌરાત્રાણિ વિદધદ્વિશ્વસ્ય મિષતો વશી ।
સૂર્યાચન્દ્રમસૌ ધાતા યથાપૂર્વમકલ્પયત્ ।
દિવં ચ પૃથિવીં ચાન્તરિક્ષમથો સ્વઃ

ગાયત્ત્ર્યા વિશ્વામિત્ર ઋષિર્ગાયત્ત્રીછન્દઃ ।
સવિતા દેવતા જપે વિનિયોગઃ ।
ઓં ઉદુત્યં જાતવેદસં દેવં વહન્તિ કેતવઃ ।
દૃશે વિશ્વાય સૂર્યમ્ ।
ઓં ચિત્રં દેવાનામુદગાદનીકં ચક્ષુર્મિત્રસ્ય વરુણસ્યાગ્નેઃ ।
આપ્રા દ્યાવાપૃથિવી અન્તરિક્ષં સૂર્ય આત્મા જગતસ્તસ્થુષશ્ચ ।
ઓં તચ્ચક્ષર્દેવહિતં પુરસ્તાચ્છુક્રમુચ્ચરત્ ।
પશ્યેમ શરદઃ શતં જીવેમ શરદઃ શતમ્ ।
શૃણુયામ શરદઃ શતમ્ ।
ઓં વિશ્વતશ્ચક્ષુરુત વિશ્વતોમુખોવિશ્વતો બાહુરુત વિશ્વતસ્પાત્ ।
સંબાહુભ્યાં ધમતિ સંપત્રૈદ્યાર્વાભૂમી જનયન્દેવ એકઃ ।
દેવા ગાતુવિદો નાઙ્ગવિદ્વાનાદ્ભમિતમનસસ્પત ઇમં દેવયજ્ઞં સ્વાહા વાતેધાઃ જપેત્

ઉત્તરે શિખરે જાતે ભૂમ્યાં પર્વતવાસિની ।
બ્રહ્મણા સમનુજ્ઞાતા ગચ્છ દેવિ ! યથાસુખમ્