ગરુડ પુરાણ · અધ્યાય 1.196

ઇતિ શ્રીગારુડે મહાપુરાણે પૂર્વખણ્ડે પ્રથમાંશાક્યે આચારકાણ્ડે પઞ્ચનવત્યધિકશતતમો ઽધ્યાયઃ
શ્રીગરુડમહાપુરાણમ્- 196
હરિરુવાચ ।
અવાપ જપ્ત્વા ચેન્દ્રત્વં વિષ્ણુધર્માખ્યવિદ્યયા ।
સર્વાઞ્છત્રૂન્વિનિર્જિત્ય તાઞ્ચ વક્ષ્યે મહેશ્વર

પાદયોર્જાનુનોરૂર્વોરુદરે હૃદ્યથોરસિ ।
મુખે શિરસ્યાનુપૂર્વમોઙ્કા રાદીનિ વિન્યસેત્

નમો નારાયણાયેતિ વિપર્યાસમથાપિ ચ ।
કરન્યાસં તતઃ કુર્યાદ્દ્વાદક્ષરવિદ્યયા

પ્રણવાદિયકારાન્તમઙ્ગુલ્યં ગુષ્ઠપર્વસુ ।
ન્યસેદ્ધૃદય ઓઙ્કારં મનું મૂર્ધ્નિ સમસ્તકમ્

ઓઙ્કારન્તુ ભ્રુવોર્મધ્યે શિકાનેત્રાદિમૂર્ધતઃ ।
ઓં વિષ્ણવે ઇતિ ઇમં મન્ત્રન્યાસમુદીરયેત્

આત્માનં પરમં ધ્યાયેચ્છેષં યચ્છક્તિભિર્યુતમ્ ।
મમ રક્ષાં હરિઃ કુર્યાન્મત્સ્યમૂર્તિર્જલે ઽવતુ

ત્રિવિક્રમસ્તથાકાશે સ્થલે રક્ષતુ વામનઃ ।
અટવ્યાં નરસિંહસ્તુ રામો રક્ષતુ પર્વતે

ભૂમૌ રક્ષતુ વારાહૌ વ્યોમ્નિ નારાયણો ઽવતુ ।
કર્મબન્ધાચ્ચ કપિલો દત્તો રોગાચ્ચ રક્ષતુ

હયગ્રીવો દેવતાભ્યઃ કુમારો મકરધ્વજાત્ ।
નારદો ઽન્યાર્ચનાદ્દેવઃ કૂર્મો વૈ નૈરૃતે સદા

ધન્વન્તીરશ્ચાપથ્યાચ્ચ નાગઃ ક્રોધવશાત્કિલ ।
યજ્ઞો રોગાત્સમસ્તાચ્ચ વ્યાસો ઽજ્ઞાનાચ્ચ રક્ષતુ

બુદ્ધઃ પાષણ્ડસંઘાતાત્કલ્કી રક્ષતુ કલ્મષાત્ ।
પાયાન્મધ્યન્દિને વિષ્ણુઃ પ્રાતર્નારાયણો ઽવતુ

મધુહા ચાપરાહ્ને ચ સાયં રક્ષતુ માધવઃ ।
હૃષીકેશઃ પ્રદોષે ઽવ્યાત્પ્રત્યૂષે ઽવ્યાજ્જનાર્દનઃ

શ્રીધરો ઽવ્યાદર્ધરાત્રે પદ્મનાભો નિશીથકે ।
ચક્રકૌમોદકીબાણા ઘ્નન્તુ શત્રૂંશ્ચ રાક્ષસાન્

શઙ્ખઃ પદ્મં ચ શત્રુભ્યઃ શાર્ઙ્ગં વૈ ગરુડસ્તથા ।
બુદ્ધીન્દ્રિયમનઃ પ્રાણાન્પાન્તુ પાર્શ્વવિભૂષણઃ

શેષઃ સર્પસ્વરૂપશ્ચ સદા સર્વત્ર પાતુ મામ્ ।
વિદિક્ષુ દિક્ષુ ચ સદા નારસિંહશ્ચ રક્ષતુ

એતદ્ધારયમાણશ્ચ યં યં પશ્યતિ ચક્ષુષા ।
સ વશી સ્યાદ્વિપાપ્મા ચ રોગમુક્તો દિવં વ્રજેત્