ગરુડ પુરાણ · અધ્યાય 1.116

ઇતિ શ્રીગારુડે મહાપુરાણે પૂર્વખણ્ડે પ્રથમાંશાખ્યે આચારકાણ્ડે શૌનકોક્તનીતિસારાદિવર્ણનં નામ પઞ્ચદશોત્તરશતતમો ઽધ્યાયઃ
શ્રીગરુડમહાપુરાણમ્- 116
બ્રહ્મોવાચ ।
વ્રતાનિ વ્યાસ વક્ષ્યામિ હરિર્યૈઃ સર્વદો ભવેત્ ।
સર્વમાસર્ક્ષતિથિષુ વારેષુ હરિરર્ચિતઃ

એકભક્તેન નક્તેન ઉપવાસફલાદિના ।
દદાતિ ધનધાન્યાદિ પુત્રરાજ્યજયાદિકમ્

વૈશ્વાનરઃ પ્રતિપદિ કુબેરઃ પૂજિતોર્ઽથદઃ ।
પોષ્ય બ્રહ્મો પ્રતિપદ્યર્ચિતઃ શ્રિસ્તથાશ્વિની

દ્વિતીયાયાં યમો લક્ષ્મીનારાયણ ઇહાર્થદઃ ।
તૃતીયાયાં ત્રિદેવાશ્ચ ગૌરીવિઘ્નેશશઙ્કરાઃ

ચતુર્થ્યાં ચ ચતુર્વ્યૂહઃ પઞ્ચમ્યામર્ચિતો હરિઃ ।
કાર્તિકેયો રવિઃ ષષ્ઠ્યાં સપ્તમ્યાં ભાસ્કરોર્ઽથદઃ

દુર્ગાષ્ટમ્યાં નવમ્યાં ચ માતરો ઽથ દિશોર્ઽથદાઃ ।
દશમ્યાં ચ યમશ્ચન્દ્ર એકાદશ્યામૃષીન્યજેત્

દ્વાદશ્યાં ચ હરિઃ કામસ્ત્રયોદશ્યાં મહેશ્વરઃ ।
ચતુર્દશ્યાં પઞ્ચદશ્યાં બ્રહ્મા ચ પિતરોર્ઽથદાઃ

અમાવાસ્યાં પૂજનીયા વારા વૈ ભાસ્કરાદયઃ ।
નક્ષત્રાણિ ચ યોગાશ્ચ પૂજિતાઃ સર્વદાયકાઃ