ગર્ગસંહિતા · અધ્યાય 6.9

બહુલાશ્વ ઉવાચ ॥
ત્રિષુ લોકેષુ વિખ્યાતા ધન્યા વૈ દ્વારકાપુરી ॥
પરિપૂર્ણતમઃ સાક્ષાચ્છ્રીકૃષ્ણો યત્ર વાસકૃત્

શ્રીકૃષ્ણસ્યાંગસંભૂતા પુરી દ્વારાવતી શ્રુતા ॥
કસ્માદિહાગતા બ્રહ્મન્કસ્મિન્કાલે વદ પ્રભો

શ્રીનારદ ઉવાચ ॥ ।
સાધુસાધુ ત્વયા પૃષ્ટં દ્વારકાગમકારણમ્ ॥
યચ્છ્રુત્વા શુદ્ધતાં યાતિ લોકઘાત્યપિ પાતકી

શર્યાતિર્નામ રાજાભૂચ્ચક્રવર્તી મનોઃ સુતઃ ॥
ચકાર રાજ્યં ધર્મેણ વર્ષાણામયુતં ભુવિ

ઉત્તાનબર્હિરાનર્તો ભૂરિષેણ ઇતિ ત્રયઃ ॥
શર્યાતેરભવન્પુત્રાઃ સર્વધર્મભૃતાં વરાઃ

ઉત્તાનબર્હિષે પૂર્વાં ભૂરિષેણા- યદક્ષિણામ્ ॥
પશ્ચિમાં ચ દિશં સર્વામાનર્તાય દદૌ નૃપઃ

મમેયં હિમહીકૃત્સ્ના મયા ધર્મેણ પાલિતા ॥
બલાર્જિતા બલિષ્ઠેન યૂયં તાં પાલયિષ્યથ

પિતુર્વચઃ સમાકર્ણ્ય આનર્ત્તો મધ્યમઃ સુતઃ ॥
જ્ઞાની જ્ઞાનમયં વાક્યમુવાચ પ્રહસન્નિવ

આનર્ત ઉવાચ ॥
તવેયં ન મહી કૃત્સ્ના ત્વયા પાલિતા ક્વચિત્ ॥
ન ત્વદ્બલાર્જિતા રાજન્બલિષ્ઠો ભગવાન્વિભુઃ

મહી શ્રીકૃષ્ણદેવસ્ય તેનૈવ પરિપાલિતા ॥
તત્તેજસા જિતા કૃત્સ્ના બલિષ્ઠો ન હરેઃ સમઃ

સ એવ વિશ્વં સ્વકૃતંસૃજત્યત્તિ ચ પાતિ ચ ॥
સ એવ બ્રહ્મપરમં કાલઃ કલયતાં પ્રભુઃ

યોંતઃ પ્રવિશ્ય ભૂતાનિ ભૂતૈરપ્યખિલાશ્રયઃ ॥
સ વિશ્વાખ્યોધિયજ્ઞોસૌ પરિપૂર્ણતમઃ સ્વયમ્

યદ્ભયાદ્વાતિવાતોયં સૂર્ય્યસ્તપતિ યદ્ભયાત્॥
યદ્ભયાદ્વર્ષતે દેવો મૃત્યુશ્ચરતિ યદ્ભયાત્

પરિપૂર્ણતમં સાક્ષાછ્રીકૃષ્ણં પરમેશ્વરમ્ ॥
ભજ સર્વાત્મના રાજન્નહંકારવિવર્જિતઃ

નારદ ઉવાચ ॥
જ્ઞાનં પ્રાપ્તોપિ શર્ય્યાતિરાક્ષિપ્તઃ પુત્રવાક્છરૈઃ ॥
આનર્ત્તં સ્વસુતં પ્રાહ રુષાપ્રસ્ફુરિતાધરઃ

શર્ય્યાતિરુવાચ ॥
દૂરં ગચ્છ અસદ્બુદ્ધે ગુરુવદ્ભાષસે કથમ્॥
યાવદ્ભૂતં તુ મે રાજ્યં તાવત્ત્વં મા મહીં વસ

યસ્ત્વયારાધિતઃ કૃષ્ણઃ સોપિ સર્વસહાયકૃત્ ॥
નવીનાં કિં મહીં તે વૈ ભગવાનેવ દાસ્યતિ

નારદ ઉવાચ ॥
ઇત્યુક્તસ્તુ તદાનર્તો રાજાનં પ્રાહ માનદઃ ॥
યત્ર તે ચ મહી રાજ્યં તત્ર વાસો ન મે ભવેત્

પિત્રા નિઃસારિતો રાજ્ઞાપ્યાનર્તોબ્ધિતટં ગતઃ ॥
વેલામેત્ય તપસ્તેપે વર્ષાણામયુતં જલે

પ્રેમલક્ષણયા ભક્ત્યા સંતુષ્ટો ભગવાન્હરિઃ ॥
તસ્મૈ સ્વં દર્શનં દત્ત્વા વરં બ્રૂહીત્યુ- વાચ હ

કૃતાંજલિપુટોભૂત્વાઽઽનર્ત ઉત્થાય શીઘ્રતઃ ॥
નનામ કૃષ્ણપાદબ્જં રોમાંચી પ્રેમવિહ્વલઃ

આનર્ત્ત ઉવાચ ॥
નમસ્તે વાસુદેવાય નમઃ સંકર્ષણાય ચ ॥
પ્રદ્યુમ્નાયાનિરુદ્ધાય સાત્વતાંપતયે નમઃ

પિત્રા નિષ્કાસિતો દેવ ત્વામહં શરણાગતઃ ॥
દેહિ મહ્યં ભૂમિમન્યાં યત્ર વાસો હિ મે ભવેત્

ધુવોપિ યત્પ્રસાદેન યયૌ સર્વોત્તમં પદમ્ ॥
તસ્મૈ નમો ભગવતે પ્રણતક્લેશહારિણે

શ્રીનારદ ઉવાચ ॥
આનર્તમાનતં દીનં ભગવાન્દીનવત્સલઃ ॥
પ્રસન્નઃ શ્રીમુખેનાહ મેઘગંભીરયા ગિરા

॥ શ્રીભગવાનુવાચ ॥
અન્યાનમેદિનીલોકે કિં કર્તવ્યં મયા નૃપ ॥
સ્વવચસ્તદૃતં કર્તું ત્વદ્ભક્ત્યા પરિતોષિતઃ

તસ્માદ્દૈવસ્ય લોકસ્ય વૈકુણ્ઠસ્ય પરંતપ ॥
ભૂખણ્ડં યોજનશતં દદામિ વિલં શુભમ્

શ્રીનારદ ઉવાચ ॥
ઇત્યુક્ત્વાનર્તનૃપતિં ભગવાન્ભક્તવત્સલઃ ॥
વૈકુણ્ઠાચ્ચ સુમુત્પાટ્ય ભૂખણ્ડશતયોજનમ્

ચક્રં સુદર્શનં ધૃત્વા સમુદ્રે ભીમનાદિનિ ॥
દધાર ભગવાન્દેવસ્તસ્યોપરિ વિદેહરાટ્

આનર્તો લક્ષવર્ષાંતં તત્ર રાજ્યં ચકાર હ ॥
પુત્રપૌત્રસમાયુક્તો રાજન્વૈકુણ્ઠસંપદમ્

ઇદં શ્રુત્વાથ શર્યાતિઃ પિતા વૈ વિસ્મતોઽભવત્ ॥
આનર્તો નામ દેશોભૂદાનર્તસ્ય પ્રસાદતઃ

રેવતસ્તસ્ય પુત્રોભૂચ્છ્રીશૈલસ્યગિરેઃ સુતમ્॥
સમુત્પાટ્ય સ્વહસ્તાભ્યામાનર્તેષુ ન્યપાતયત્।૩૨।
સોભૂદ્રેવતનામ્નાપિ રૈવતોનામ પર્વતઃ ॥
કુશસ્થલીં વિનિર્માય રાજ્યં કૃત્વાથ રૈવતઃ

સમાદાય સ્વકાં કન્યાં બ્રહ્મલોકં જગામ હ॥
બલદેવવિવાહેપિ તત્કથા કથિતા મયા

તસ્માદ્દ્વારાવતીં પુણ્યાં મોક્ષદ્વારં વિદુઃ સુરાઃ

ઇતિ શ્રીમદ્ગર્ગસંહિતાયાં શ્રીદ્વારકાખણ્ડે નારદબહુલાશ્વસંવાદે દ્વારકાગમનકારણંનામ નવમોઽધ્યાયઃ