દિવ્યાવદાન · અધ્યાય 5

044.007. અથ સ બ્રાહ્મણો ઽભિપ્રસન્નઃ।
044.007. તતો ઽસ્ય ભગવતા આશયાનુશયં ધાતું પ્રકૃતિં ચ જ્ઞાત્વા તાદૃશી ચતુરાર્યસત્યસમ્પ્રતિવેધિકી ધર્મદેશના કૃતા, યાં શ્રુત્વા બ્રાહ્મણેન વિંશતિશિખરસમુદ્ગતં સત્કાયદૃષ્ટિશૈલં જ્ઞાનવજ્રેણ ભિત્ત્વા સ્રોતાપત્તિફલં સાક્ષાત્કૃતમ્--અતિક્રાન્તો ઽહં ભદન્ત અતિક્રાન્તઃ।
044.010. એષો ઽહં ભગવન્તં શરણં ગચ્છામિ ધર્મં ચ ભિક્ષુસંઘં ચ।
044.010. ઉપાસકં ચ માં ધારય અદ્યાગ્રેણ યાવજ્જીવં પ્રાણોપેતં શરણં ગતમભિપ્રસન્નમ્।
044.011. અથ સ બ્રાહ્મણો ભગવતો ભાષિતમભિનન્દ્યાનુમોદ્ય ભગવતઃ પાદૌ શિરસા વન્દિત્વા ઉત્થાયાસનાત્ પ્રક્રાન્તઃ॥
044.013. ઇદમવોચદ્ભગવાન્।
044.013. આત્તમનસસ્તે ભિક્ષવો ભગવતો ભાષિતમભ્યનન્દન્॥
044.014. ઇતિ શ્રીદિવ્યાવદાને બ્રાહ્મણદારિકાવદાનં ચતુર્થમ્॥
********** અવદાન 5 **********
045.001. દિવ્5 સ્તુતિબ્રાહ્મણાવદાનમ્।
045.002. અથ ભગવાન્ હસ્તિનાપુરમનુપ્રાપ્તઃ।
045.002. અન્યતમો બ્રાહ્મણો ભગવન્તં દૂરાદેવ દ્વાત્રિંશતા મહાપુરુષલક્ષણૈઃ સમલંકૃતમશીત્યાનુવ્યઞ્જનૈર્વિરાજિતગાત્રં વ્યામપ્રભાલંકૃતં સૂર્યસહસ્રાતિરેકપ્રભં જઙ્ગમમિવ પર્વતં સમન્તતો ભદ્રકં દૃષ્ટ્વા ચ પુનર્ભગવન્તમભિગમ્ય ગાથાભિઃ સ્તોતુમારબ્ધહ્--
045.004. સુવર્ણવર્ણો નયનાભિરામઃ પ્રીત્યાકરઃ સર્વગુણૈરુપેતઃ।
045.006. દેવાતિદેવો નરદમ્યસારથિસ્ તીર્ણો ઽસિ પારં ભવસાગરસ્ય

ઇતિ॥
045.009. તતો ભગવતા સ્મિતમુપદર્શિતમ્।
045.009. ધર્મતા ખલુ યસ્મિન્ સમયે બુદ્ધા ભગવન્તઃ સ્મિતં પ્રાવિષ્કુર્વન્તિ, પૂર્વવદ્ યાવદ્ ભગવત ઊર્ણાયામન્તર્હિતાઃ।
045.010. અથાયુષ્માનાનન્દઃ કૃતકરપુટો ભગવન્તં પપ્રચ્છ--
045.012. નાનાવિધો રઙ્ગસહસ્રચિત્રો વક્ત્રાન્તરાન્ન્ષ્ક્રમિતઃ કલાપઃ।
045.014. અવભાસિતા યેન દિશઃ સમન્તાદ્દિવાકરેણોદયતા યથૈવ

045.016. ગાથાં ચ ભાષતે--
045.017. વિગતોદ્ભવા દૈન્યમદપ્રહીણા બુદ્ધા જગત્યુત્તમહેતુભૂતાઃ।
045.019. નાકારણં શઙ્ખમૃણાલગૌરં સ્મિતમુપદર્શયન્તિ જિના જિતારયઃ

045.021. તત્કાલં સ્વયમધિગમ્ય ધીર બુદ્ધ્યા શ્રોતૃર્ણાં શ્રમણ જિનેન્દ્ર કાઙ્ક્ષિતાનામ્।
045.023. ધીરાભિર્મુનિવૃષ વાગ્ભિરુત્તમાભિરુત્પન્નં વ્યપનય સંશયં શુભાભિઃ

045.025. નાકસ્માલ્લવણજલાદ્રિરાજધૈર્યાઃ સંબુદ્ધાઃ સ્મિતમુપદર્શયન્તિ નાથાઃ।
045.027. યસ્યાર્થે સ્મિતમુપદર્શયન્તિ ધીરાસ્તં શ્રોતું સમભિલષન્તિ તે જનૌઘાઃ

ઇતિ॥
045.029. ભગવાનાહ--એવમેતદાનન્દ, એવમેતત્।
045.029. નાહેતુપ્રત્યયમાનન્દ તથાગતા અર્હન્તઃ સમ્યક્સમ્બુદ્ધાઃ સ્મિતં પ્રાવિષ્કુર્વન્તિ।
045.030. દૃષ્ટસ્તે આનન્દ બ્રાહ્મણો યેન તથાગતો ગાથયા અભિષ્ટુતહ્?<46> દૃષ્ટો ભદન્ત।
046.001. અસૌ અનેન કુશલમૂલેન વિંશતિકલ્પં વિનિપાતં ન ગમિષ્યતિ।
046.002. કિં તુ દેવાંશ્ચ મનુષ્યાંશ્ચ ગત્વા સંસૃત્ય પશ્ચિમે નિકેતે પશ્ચિમે સમુચ્છ્રયે પશ્ચિમે આત્મભાવપ્રતિલમ્ભે સ્તવાર્હો નામ પ્રત્યેકબુદ્ધો ભવિષ્યતિ।
046.003. ભિક્ષવઃ સંશયજાતાઃ સર્વસંશયચ્છેત્તારં બુદ્ધં ભગવન્તં પૃચ્છન્તિ--પશ્ય ભદન્ત અનેન બ્રાહ્મણેન ભગવાનેકયા ગાથયા સ્તુતો ભગવતા ચ પ્રત્યેકાયાં બોધૌ વ્યાકૃત ઇતિ।
046.005. ભગવાનાહ--ન ભિક્ષવ એતર્હિ, યથા અતીતે ઽધ્વનિ અનેનાહમેકયા ગાથયા સ્તુતઃ, મયા ચ પઞ્ચસુ ગ્રામવરેષુ પ્રતિષ્ઠાપિતઃ।
046.006. તચ્છૃણુ{ત}, સાધુ ચ સુષ્ઠુ ચ મનસિ કુરુ{ત}, ભાષિષ્યે॥
046.008. ભૂતપૂર્વં ભિક્ષવો ઽતીતે ઽધ્વનિ વારાણસ્યાં નગર્યાં બ્રહ્મદત્તો નામ રાજા રાજ્યં કારયતિ ઋદ્ધં ચ સ્ફીતં ચ સુભિક્ષં ચ આકીર્ણબહુજનમનુષ્યં ચ।
046.009. સ ચાતીવ કવિપ્રિયઃ।
046.009. વારાણસ્યામન્યતમો બ્રાહ્મણઃ કવિઃ।
046.010. સ બ્રાહ્મણ્યોચ્યતે--બ્રાહ્મણ શીતકાલો વર્તતે।
046.010. ગચ્છ, અસ્ય રાજ્ઞઃ કચ્ચિદનુકૂલં ભાષિતં કૃત્વા કદાચિત્ કિંચિત્ શીતત્રાણં સંપદ્યત ઇતિ।
046.011. સ સંપ્રસ્થિતઃ।
046.012. યાવદ્રાજા હસ્તિસ્કન્ધારૂઢો નિર્ગચ્છતિ।
046.012. સ બ્રાહ્મણઃ સંલક્ષયતિ--કિં તાવદ્રાજાનં સ્તુનોમિ આહોસ્વિદ્ હસ્તિનાગમિતિ।
046.013. તસ્યૈતદભવત્--અયં હસ્તિનાગઃ સર્વલોકસ્ય પ્રિયો મનાપશ્ચ।
046.014. તિષ્ઠતુ તાવદ્રાજા, હસ્તિનાગં તાવદભિષ્ટૌમીતિ।
046.014. ગાથાં ચ ભાષતે--
046.015. એરાવણસ્યાકૃતિતુલ્યદેહો રૂપોપપન્નો વરલક્ષણૈશ્ચ।
046.017. લક્ષે પ્રશસ્તો ઽસિ મહાગજેન્દ્ર વર્ણપ્રમાણેન સુરૂપરૂપ

ઇતિ॥
046.019. તતો રાજા અભિપ્રસન્નો ગાથાં ભાષતે--
046.020. યો મે ગજેન્દ્રો દયિતો મનાપઃ પ્રીતિપ્રદો દૃષ્ટિહરો નરાણામ્।
046.022. તં ભાષસે વર્ણપદાનિ તસ્ય દદામિ તે ગ્રામવરાણિ પઞ્ચ