દિવ્યાવદાન · અધ્યાય 29

ઇતિ।
306.014. તતો ભગવતા તસ્ય મહાજનકાયસ્ય તથાવિધા ધર્મદેશના કૃતા, યામ્ અનેકૈઃ પ્રાણિશતસહસ્રૈર્મહાન્ વિશેષો ઽધિગતઃ।
306.015. કૈશ્ચિચ્છ્રાવકબોધૌ ચિત્તાન્યુત્પાદિતાનિ, કૈશ્ચિત્ પ્રત્યેકબોધૌ, કૈશ્ચિદુષ્મગતાનિ પ્રતિલબ્ધાનિ, કૈશ્ચિદ્ મૂર્ધાનઃ, કૈશ્ચિત્સત્યાનુલોમઃ ક્ષાન્ત્યઃ, કૈશ્ચિચ્છ્રોતાઅપત્તિફલં સાક્ષાત્કૃતમ્, કૈશ્ચિત્સકૃદાગામિફલમ્, કૈશ્ચિદનાગામિફલમ્, કૈશ્ચિત્સર્વક્લેશપ્રહાણાદર્હત્ત્વં સાક્ષાત્કૃતમ્।
306.018. યદ્ભૂયસા સા પર્ષદ્બુદ્ધનિંના ધર્મપ્રવણા સંઘપ્રાગ્ભારા વ્યવસ્થિતા।
306.019. સાર્ધં તત્ર બ્રાહ્મણગૃહપતિભિસ્તસ્મિન્ પ્રદેશે મહઃ સ્થાપિતહ્--તોયિકામહસ્તોયિકામહ ઇતિ સંજ્ઞા સંવૃત્તા॥
306.021. ઇતિ તોયિકામહાવદાનમેકત્રિંશત્તમમ્॥
********** અવદાન 32 **********
307.001. દિવ્32 રૂપાવત્યવદાનમ્।
307.002. એવં મયા શ્રુતમ્।
307.002. એકસ્મિન્ સમયે ભગવાઞ્ શ્રાવસ્ત્યાં વિહરતિ સ્મ જેતવને ઽનાથપિણ્ડદસ્યારામે મહતા ભિક્ષુસંઘેન સાર્ધમર્ધત્રયોદશભિર્ભિક્ષુશતૈઃ।
307.003. સત્કૃતો ભગવાન્ ગુરુકૃતો માનિતઃ પૂજિતો ભિક્ષુભિભિક્ણ્યુપાસકોપાસિકૈ રાજ્ઞા રાજમાત્રૈર્ નાનાવણિક્છ્રમણબ્રાહ્મણપરિવ્રાજકનૈગમજનપદૈર્ નાગૈર્યક્ષૈર્ગન્ધર્વૈરસુરગતુડકિન્નરમહોરગૈઃ।
307.005. લાભી ચ ભગવાન્ પ્રભુતાનાં પ્રણીતાનાં ચીવરપિણ્ડપાતશયનાસનગ્લાનપ્રત્યયભૈષજ્યપરિષ્કારાણાં દિવ્યાનાં ચ મનુષ્યાણાં ચ, તૈશ્ચ ભગવાનનુપલિપ્તઃ પદ્મમિવ વારિણા।
307.007. તેન ખલુ પુનઃ સમયેન અયમેવ ભગવતો ઽનુરૂપ ઉદારઃ કલ્યાણકીર્તિશબ્દ શ્લોકો ઽભ્યુદ્ગતહ્--ઇત્યપિ સ ભગવાંસ્તથાગતો ઽર્હન્ સમ્યક્સમ્બુદ્ધો વિદ્યાચરણસમ્પન્નઃ સુગતો લોકવિદનુત્તરઃ પુરુષદમ્યસારથિઃ શાસ્તા દેવાનાં ચ બુદ્ધો ભગવાન્।
307.010. સ ઇમાં સદેવકં સમારકં સબ્રહ્મકં સશ્રમણબ્રાહ્મણીં પ્રજાં સદેવમનુષીં સ્વયમભિજ્ઞાય સાક્ષાત્કૃત્વોપસમ્પદ્ય વિહરતિ।
307.011. સ ધર્મં દેશયત્યાદૌ કલ્યાણં મધ્યે કલ્યાણાં પર્યવસાને કલ્યાણમ્।
307.012. સ્વર્થં સુવ્યઞ્જનં કેવલં પરિપૂર્ણં પરિશુદ્ધં પર્યવદાતં બ્રહ્મચર્યં સંપ્રકાશયતિ સ્મ।
307.013. તત્ર ભગવાન્ ભિક્ષૂનામન્ત્રયતે સ્મ--એવં ચ ભિક્ષવઃ સત્ત્વા જાનીયુહ્--દાનં દાનફલં દાનસંવિભાગસ્ય ચ વિપાકમ્, અપીદાનીમ્ યો ઽસૌ ચરમઃ કવલઃ પશ્ચિમ આલોપઃ, તમપિ નાસંવિભજ્ય પરિષ્વાત્મના વા પરિભુઞ્જીરન્, ન ચોત્પન્નં માત્સર્યં ચિત્તં પર્યાદાય તિષ્ઠેયુઃ।
307.016. યસ્માત્તર્હિ ભિક્ષવઃ સત્ત્વા ન જાનન્તિ દાનસ્ય ફલં દાનસંવિભાગસ્ય ચ ફલવિપાકમ્ યથાહં જાને દાનસ્ય ફલં દાનસંવિભાગસ્ય ચ ફલવિપાકમ્, તસ્માત્સત્ત્વા યો ઽસૌ ચરમઃ કવલઃ પશ્ચિમ આલોપઃ, તમેવાદત્ત્વા ઇમમસંવિભજ્ય પરેષ્વાત્મના વા પરિભુઞ્જતે, ઉત્પન્નં ચૌષાં માત્સર્યમલં ચિત્તં પર્યાદાય તિષ્ઠતિ॥
307.020. ભિક્ષવઃ સર્વસંશયજાતાઃ સર્વસંશયાનાં છેત્તારં બુદ્ધં ભગવન્તમપૃચ્છન્--આશ્ચર્યં ભદન્ત યાવચ્ચ ભગવત એતર્હિ યાચકાઃ પ્રિયાઃ।
307.021. ન ભિક્ષવ એતર્હિ મમ, યથા અતીતે ઽપ્યધ્વનિ યાચનકાઃ પ્રિયાઃ।
307.022. તચ્ચ્રૂયતામ્॥
307.023. ભૂતપૂર્વં ભિક્ષવો ઽતીતે ઽધ્વન્યુત્તરાપથેષુ જનપદેષુ ઉત્પલાવતી નાં નગરી રાજધાની બભૂવ ઋદ્ધા ચ સ્ફઈતા ચ ક્ષેમા ચ આકીર્ણબહુજનમનુષ્યા ચ।
307.024. અથાપરેણ સમયેન ઉત્પલાવત્યાં નગરરાજધાન્યાં દુર્ભિક્ષમભૂદ્ દુર્જીવં દુર્લભપિણ્ડં નસુકરમપતાને પ્રગ્રહણે યાપયિતુમ્।
307.026. તેન ખલુ સમયેનોત્પલાવત્યાં રાજધાન્યાં રૂપાવતી નામ સ્ત્રી બભૂવ અભિરૂપા દર્શનીયા પ્રાસાદિકા શુભવર્ણપુષ્કલનયા સમન્વાગતા।
307.027. અથ રૂપાવતી સ્ત્રી સ્વાન્નિવેશનાન્નિષ્ક્રમ્ય ઉત્પલાવત્યાં રાજધાન્યાં જઙ્ઘાવિહારમનુક્રામતિ।
307.028. અન્યતરદપવરકં પ્રાવિશત્।
307.028. તસ્મિન્ ખલુ સમયે તસ્મિન્નપવરકે સ્ત્રી પ્રસૂતા, દારકં પ્રજાતા અભિરૂપં પ્રાસાદિકં શુભવર્ણપુષ્કલતયા સમન્વાગતમ્।
307.030. તં સા સ્ત્રી ક્ષુત્ક્ષામપરીતા રૈક્ષચિત્તા દારકં ગૃહ્ણાતિ, ઇચ્છતિ ચ સ્વાનિ પુત્રમાંસાનિ ભિક્ષયિતુમ્।
307.031. તાં દૃષ્ટ્વા રૂપાવતી સ્ત્રી એતદવોવત્--કિમિદં ભગિનિ કર્તુકામાસિ? સા આહ--જિઘત્સિતાસ્મિ ભગિનિ।
307.032. ઇચ્છામિ સ્વકાનિ પુત્રમાંસાનિ <308>ભક્ષયિતુમ્।
308.001. રૂપાવતી આહ--તેનભગિનિ નિવેશને કિંચિત્સંવિદ્યતે ઽન્નં વા પાનં વા ભોજનં વા સ્વાદનીયં વા? દુર્લભઃ પુત્રશબ્દો લોકસ્ય।
308.002. ન મે ભગિનિ કિંચિત્સંવિદ્યતે નિવેશને અન્નં વા પાનં વા ખાદ્યં વા ભોજનં વા સ્વાદનીયં વા લેહ્યં વા।
308.003. દુર્લભં જીવિતં લોકસ્ય।
308.004. રૂપાવત્યાહ--તેન હિ ભગિનિ મુહૂર્તમાગમય, યાવદહં નિવેશનં ગત્વા તવાર્થાય ભોજનમાનયિષ્યામિ।
308.005. સા આહ--યત્ખલુ ભગિનિ જાનીયાહ્--કુક્ષિર્મે લુપ્યતિ, પૃથિવી મે સ્ફુટતિ, હૃદયં મે ધૂમાયતિ, દિશો મે ન પ્રતિભાન્તિ।
308.006. ન તાવત્ત્વં દ્વારશાલાયા નિર્ગતા ભવિષ્યસિ યાવન્મે વાયવ આક્રમિષ્યન્તિ।
308.007. યથા રૂપાવત્યા એતદભવત્--યદિ દારકં ગૃહીત્વા ગમિષ્યામિ, એષા સ્ત્રી ક્ષુત્ક્ષામપરીતા કાલં કરિષ્યતિ।
308.008. અથ દારકમપહાય યાસ્યામિ, નિયતં દારકં ભક્ષયિષ્યતિ।
308.009. યથાકથં પુનર્મમ કુર્વન્ત્યા દ્વયોર્જીવિતલાભઃ સ્યાત્? તસ્યા એતદભવત્--અનપરાધ્યાશયવતિ સંસારે બહૂનિ દુઃખાન્યનુભૂતાનિ અસકૃ ન્નરકેષ્વસકૃત્તિર્યક્ષ્વસકૃદ્ યમલોકે ઽસકૃ ન્મનુષ્યલોકેષુ હસ્તચ્છેદાઃ પાદચ્છેદાઃ કર્ણચ્છેદા કર્ણનાસાચ્છેદા અઙ્ગપ્રત્યઙ્ગચ્છેદાસ્તથાન્યાનિ વિવિધાનિ બહૂનિ દુઃખન્યનુભૂતાનિ।
308.012. કો મયા તેનાર્થો ઽનુપ્રાપ્તો યદા આહમાત્મનઃ સ્થામં ચ બલં ચ વીર્યં ચ સંજનયિત્વા ઇમાં સ્ત્રિયં સ્વેન રુધિરેણ માંસેન સંતર્પ્ય ઇમં દારકં પરિમોચયેયમ્।
308.014. રૂપાવતી પૃચ્છતિ--અસ્તિ તે ભગિનિ નિવેશને શસ્ત્રમ્? સા સ્ત્રી આહ--અસ્તીતિ।
308.015. તેન હિ યત્ર ભવતિ, તદુપદર્શય।
308.015. સા તં પ્રદેશમુપદર્શયામાસ।
308.016. તતો રૂપાવત્યા સ્વયમેવ શસ્ત્રં તીક્ષ્ણં ગૃહીત્વા તૌ સ્તનૌ ચ્છિત્ત્વા તાં સ્ત્રિયં સ્વકેન માંસરુધિરેણ સંતર્પયતિ સ્મ।
308.017. સંતર્પ્ય ચ તાં સ્ત્રિયમેતદવોચત્--યત્ખલુ ભગિનિ જાનીયાહ્--અયં દારકો મયા સ્વકેન માંસરુધિરેણ ક્રીતઃ।
308.018. સાહં તવ નિક્ષેપમનુપ્રયચ્છામિ--મા ભૂયો દારકં ભક્ષયિષ્યસિ, યાવદહં નિવેશનં ગત્વા તવાર્થાય ભોજનમાનયિષ્યામિ।
308.019. સા આહ--અદ્ય તાવન્ ભૂયઃ।
308.020. અથ રૂપાવતી સ્ત્રી રુધિરેણોદ્ધરતા યેન સ્વં નિવેશનં તેનોપસંક્રાન્તા।
308.021. અદ્રાક્ષીદ્રૂપાવત્યાઃ સ્ત્રિયાઃ સ્વામી રૂપાવતીમ્, સ્ત્રીં રુધિરેણોદ્ધરતા પ્રધરતા દૂરત એવ અગચ્છન્તીમ્।
308.022. દૃષ્ટ્વા ચ પુના રૂપાવતીમેતદવોચત્--કેનેદમેવમ્રૂપં રૂપાવતિ વિપ્રકારં કૃતમ્? સૌતાં પ્રકૃતિં વિસ્તરેણારોચયતિ સ્મ।

308.023. આરોચયિત્વા એતદવોચત્--પ્રજ્ઞપય આર્યપુત્ર તસ્યા સ્ત્રિયા ભક્તમ્।
308.024. સ આહ--પ્રજ્ઞપય આર્યદુહિતસ્તસ્યા ભક્તમ્।
308.024. અપિ તુ સત્યવચનં તાવત્કરિષ્યામિ।
308.024. યેનાર્યદુહિતઃ સત્યેન સત્યવચનેન અયમેવમ્રૂપ આશ્ચર્યાદ્ભુતો ધર્મો ન કદાચિદ્ દૃષ્ટો વા શ્રુતો વા, તેન સત્યેન સત્યવચનેન ઉભૌ તવ સ્તનૌ યથાપૌરાણૌ પ્રાદુર્ભવેતામ્।
308.026. સહકૃતેનાસ્મિન્નેવમ્રૂપે સત્યવચને તસ્યા અસ્મિન્નેવ ક્ષણે ઉભૌ સ્તનૌ યથાપૌરાણૌ પ્રાદુર્ભૂતૌ॥
308.028. અથ શક્રસ્ય દેવાનામિન્દ્રસ્યૈતદભવત્--અતિત્યાગો ઽતિત્યાગગૌરવતા યા રૂપાવત્યા સ્ત્રિયા કૃતઃ।
308.029. મા હૈવ સા રૂપાવતી સ્ત્રી અતઃ શક્રભવનાચ્ચ્યાવયેત્।
308.029. યન્ન્વહમેનાં મીમાંસેયમ્।
308.030. અથ શક્રો દેવેન્દ્ર ઉદારબ્રાહ્મણરૂપમાત્માનમભિનિર્માય સૌવર્ણદણ્ડકમણ્ડલુમાદાય સુવર્ણદણ્ડેન મણિવાલવ્યજનેન વીજ્યમાનસ્તદ્યથા બલવાન્ પુરુષઃ સંમિઞ્જિતં બાહું પ્રસારયેત્ પ્રસારિતં સંમિઞ્જયેત્, એવમેવ શક્રો દેવાનામિન્દ્રો દેવેષુ ત્રાયસ્ત્રિંશેષ્વન્તર્હિત ઉત્પલાવત્યામ્ <309>રાજધાન્યાં પ્રત્યસ્થાત્।
309.001. અથ શક્રો દેવાનામિન્દ્ર ઉત્પલાવત્યાં રાજધાન્યાં ભૈક્ષ્યમન્વાહિણ્ડન્ યન રૂપાવત્યાઃ સ્ત્રિયા નિવેશનં તેનોપસંક્રમ્ય દ્વારિ સ્થિત્વા ભૈક્ષ્યમુત્ક્રોશતે।
309.002. તતો રૂપાવતી સ્ત્રી ભૈક્ષમાદાય યેન સ બ્રાહ્મણવેષધરઃ શક્રઃ, તેનોપસંક્રમ્ય ભૈક્ષમુપનામયતે।
309.003. અથ સ શક્રો દેવાનામિન્દ્રો રૂપાવતીં સ્ત્રિયમેતદ્વોચત્--સત્યં તે રૂપાવરિ દારકસ્યાર્થાયોભૌ સ્તનૌ પરિત્યક્તૌ? સા આહ--આર્ય બ્રાહ્મણ સત્યમ્।
309.005. સ તામાહ્--એવં તે રૂપાવતી ઉભૌ સ્તનૌ પરિત્યજામીતિ પરિત્યજન્ત્યાઃ પરિત્યજ્ય વા અભૂચ્ચિત્તસ્ય વિપ્રતિસારહ્? સા આહ--ન મે ઉભૌ સ્તનૌ પરિત્યજન્ત્યા અભૂચ્ચિત્તસ્ય વિપ્રતિસારઃ।
309.007. શક્ર અહ--અત્ર કઃ શ્રદ્ધાસ્યતિ? રૂપાવત્યાહ--તેન હિ બ્રાહ્મણ સત્યવચનં કરિષ્યામિ।
309.008. યેન સત્યેન બ્રહ્મન્ સત્યવચનેનોભૌ સ્તનૌ પરિત્યજામીતિ પરિત્યજન્ત્યાઃ પરિત્યજ્ય વા નાભૂચ્ચિત્તસ્યાન્યથાત્વમ્, નાભૂચ્ચિત્તસ્ય વિપ્રતિસારઃ, અપિ ચ બ્રહ્મન્ યેન સત્યેન મયા દારકસ્યાર્થાયોભૌ સ્તનૌ પરિત્યક્તૌ, ન રાજ્યાર્થં ન ભોગાર્થં ન શક્રાર્થં ન રાજ્ઞાં ચક્રવર્તિનાં વિષયાર્થં નાન્યત્રાહમનુત્તરાં સમ્યક્સમ્બોધિમભિસમ્બુધ્ય અદાન્તાન્ દમયેયમ્, અમુક્તાન્ મોચયેયમ્, અનાશ્વસ્તાનાશ્વાસયેયમ્, અપરિનિર્વૃતાન્ પરિનિર્વાપયેયમ્, તેન સત્યેન સત્યવચનેન મમ સ્ત્રીન્દ્રિયમન્તર્ધાય પુરુષેન્દ્રિયં પ્રાદુર્ભવેત્।
309.014. તસ્યાસ્તસ્મિન્નેવ ક્ષણે સ્ત્રીન્દ્રિયમન્તર્હિતમ્, પુરુષેન્દ્રિયં પ્રાદુર્ભૂતમ્।
309.014. અથ ખલુ શક્રો દેવેન્દ્રસ્તુષ્ટ ઉદગ્ર આત્તમનાઃ પ્રમુદિતઃ પ્રીતિસૌમનસ્યજાતસ્ તત એવ ઋદ્ધ્યા વૈહાયસમભ્યુદ્ગમ્યોદાનમુદાનયતિ--રૂપાવત્યાઃ સ્ત્રીન્દ્રિયમન્તર્હિતમ્, પુરુષેન્દ્રિયં પ્રાદુર્ભૂતમ્।
309.016. રૂપાવત્યાઃ સ્ત્રિયો રૂપાવતઃ કુમાર ઇતિ સંજ્ઞા ઉત્પાદિતા॥
309.018. અથાપરેણ સમયેનોપલાવત્યાં રાજધાન્યાં નગર્યાં રાજા અપુત્રઃ કાલગતઃ।
309.018. તત્ર પિણ્ડતજાતીયાનાં મહામાત્રાણામેતદભૂત્--યન્નુ વયમુત્પલાવત્યાં રાહધાન્યાં રાહાનં સ્થાપયેમ।
309.020. તેષામેતદભૂત્--નાન્યત્ર રૂપાવતકુમારાત્કૃતપુણ્યાત્કૃતકુશલાત્।
309.020. તે રૂપાવતં કુમારમુત્પલાવત્યાં રાજધાન્યાં રાજાનં સ્થાપયન્તિ।
309.021. અથ સ ષષ્ટિવર્ષાણિ રાજ્યં કારયતિ।
309.021. ધર્મેણ રાજ્યં કારયિત્વા કાલમકાર્ષીત્।
309.022. કાયસ્ય ભેદાત્તસ્યામેવોત્પલાવત્યાં રાજધાન્યામન્યતમસ્ય શ્રોષ્ઠિનો ગૃહપતેરગ્રમહિષ્યાઃ કુક્ષાવુપપન્નઃ।
309.023. સા પૂર્ણાનામષ્ટાનાં વા નવાનાં વા માસાનામત્યયાદ્દારકં જનયતિ અભિરૂપં દર્શનીયં પ્રાસાદિકં શુભવર્ણપુષ્કલતયા સમન્વાગતમ્।
309.024. તસ્ય જાતમાત્રસ્ય તાદૃશી કાયાત્પ્રભા મુક્તા, યયા પ્રભયા ચન્દ્રસ્ય પ્રભા નિષ્પ્રભીકૃતા।
309.025. અથાન્યતરા સ્ત્રી યેન સ શ્રેષ્ઠી ગૃહપતિસ્તેનોપસંક્રાન્તા।
309.026. ઉપસંક્રમ્ય શ્રેષ્ઠિનં ગૃહપતિમેતદવોચત્--યત્ખલુ ગૃહપતે જાનીયાહ્--તે દારકો જાતો ઽભિરૂપો દર્શનીયઃ પ્રાસાદિકઃ શુભયા વર્ણપુષ્કલતયા સમન્વાગતઃ।
309.027. તસ્ય જાતમાત્રસ્ય તાદૃશી કાયાત્પ્રભા પ્રમુક્તા, યયા ચન્દ્રસ્ય પ્રભા નિષ્પ્રભીકૃતા।
309.028. અથ સ શ્રેષ્ઠી ગૃહપતિસ્તુષ્ટ ઉદગ્ર આત્તમનાઃ પ્રીતસૌમનસ્યજાતસ્ તસ્યા એવ રાત્ર્યા અત્યયાદ્યે જાનન્તિ બ્રહ્મણા લક્ષણ્યા નૈભિત્તિકા વૈપઞ્ચિકા ભૂમ્યન્તરિક્ષમન્ત્રકુશલા નક્ષત્રશુક્રગ્રહચરિતજ્ઞાઃ, સ તાન્ સંનિપાત્ય દારકમુપદર્શયતિ--યત્ખલુ બ્રાહ્મણા જાનીધ્વમ્--અયમગ્રમહિષ્યા દારકો જાતો ઽભિરૂપો દર્શનીયઃ પ્રસાદિકાઃ શુભયા વર્ણપુષ્કલતયા સમન્વાગતઃ।
309.032. એતસ્ય જાતમાત્રસ્ય તાદૃશી કાયાત્પ્રભા મુક્તા, યયા ચન્દ્રસ્ય પ્રભા નિષ્પ્રભીકૃતા।
309.033. તદસ્ય બ્રાહ્મણા દારકસ્ય લક્ષણાનિ પ્રેક્ષ્ય <310>નામ અવસ્થાપયતિ।
310.001. તસ્યે ત બ્રાહ્મણા લક્ષણનૈમિત્તિકા વિપઞ્ચિકા ભૂમ્યન્તરીક્ષમન્ત્રકુશલા નક્ષત્રશુક્રગ્રહચતિતેષુ કોવિદા દારકમુપગતાઃ।
310.002ટે સંલક્ષ્ય વદન્તિ--તે ગૃહપતે દારકો જાતો ઽભિરૂપો દર્શનીયઃ પ્રસાદિકઃ શુભયા વર્ણપુષ્કલતયા સમન્વાગરઃ।
310.003. અસ્ય જાતમાત્રસ્ય તાદૃશી કાયાત્પ્રભા મુક્તા યયા ચન્દ્રપ્રભા નિષ્પ્રભીકૃતા।
310.004. તદ્ભવત્વસ્ય ચન્દ્રપ્રભ ઇતિ નામ।
310.005. અથ શ્રેષ્ઠી ગૃહપતિસ્તાન્ બ્રાહ્મણાન્ ભોજયિત્વા વિસર્જ્ય ચન્દ્રપ્રભસ્ય દારકસ્ય ચતસ્રો ધાત્રીરનુપ્રયચ્છતિ અઙ્કધાત્રી મલધાત્રી સ્તનધાત્રી કરીડાપણિલા ધાત્રી।
310.006. અઙ્કધાત્રીત્યુચ્યતે યા દારકમઙ્કેન પરિકર્ષયતિ, અઙ્કપ્રત્યઙ્ગાનિ ચ સંસ્થાપયતિ।
310.007. મલધાત્રીત્યુચ્યતે યા દારકં સ્નાઅપયતિ, ચીવરકાન્મલં પ્રપાતયતિ।
310.008. સ્તન્યધાત્ર્યુચ્યતે યા દારકં સ્તન્યં પાયયતિ।
310.009. ક્રૂડાપનિકા ધાત્ર્યુચ્યતે યાનિ તાનિ દારકાણાં દક્ષકાણાં તરુણકાનાં ક્તીડાપનિકાનિ ભવન્તિ, યદ્યથા--અકાયિકા સકાયિકા વિત્કોડિકા(?) સ્યપેટારિકા વંશઘટિકા સંધાવણિકા હસ્તિવિગ્રહા અશ્વવિગ્રહા બલીવર્દવિગ્રહાઃ કથયન્તિ ધનુર્ગ્રહાઃ કાણ્ડકટચ્છુપૂરકૂર્ચભૈષજ્યસ્થવિકાશ્ચ પુરતઃ પતિકૃષ્યન્તે।
310.012. સ આભિશ્ચતસૃભિરુન્નીયતે વર્ધ્યતે મહતા શ્રીસૌભાગ્યેન।
310.012. યદા ચન્દ્રપ્રભો દારકો ઽષ્ટવર્ષો જાત્યા સંવૃત્તઃ, તદૈનં માતાપિતરૌ સુસ્નાતં સુવિલિપ્તં સર્વાલંકારવિભૂષિતં કૃત્વા સંબહુલૈર્દારકૈઃ પરિવૃત્તં લિપિં પ્રાપયન્તે।
310.014. તેન ખલુ સમયેન તસ્યાં લિપિશાલાયાં પઞ્ચમાત્રકદારકશતાનિ લિપિં શિક્ષન્તિ।
310.015. અથ ચન્દ્રપ્રભો દારકસ્તાન્ દારકાનેતદવોચત્--એતદ્દારકા વયં સર્વે ઽનુત્તરાં સમ્યક્સમ્બોધિમભિસમ્બોધૌ ચિત્તમુત્પાદયેમ।
310.016. તે આહુહ્--કિં ચન્દ્રપ્રભ બોધિસત્ત્વેન કરણીયમ્? સ આહ--ષટ્ પારમિતાઃ પરિપૂરયિતવ્યાઃ।

310.017. કતમાઃ ષટ્? તદ્યથા--દાનપારમિતા શીલપારમિતા ક્ષાન્તિપારમિતા વીર્યપારમિતા ધ્યાનપારમિતા પ્રજ્ઞાપારમિતા।
310.018. તદહં દાનં દદામિ, યન્ન્વહં તિર્યગ્યોનિગતેભ્યો ઽપિ દાનં દદ્યામ્।310.19. સ તીક્ષ્ણં શસ્ત્રમાદાય મધુસર્પિશ્ચ યેનાન્યતરં મહાશ્મશાનં તેનોપસંક્રાન્તઃ।
310.020. શસ્ત્રેણાત્મનઃ કાયં ક્ષણિત્વા મધુસર્પિષા મ્રક્ષયિત્વા તસ્મિન્ સ મહાશ્મશાને આત્માનં વધાયોત્સૃજતિ।
310.021. તેન ચ સમયેન તસ્મિન્ મહાશ્મશાને ઉચ્ચંગમઃ પક્ષી પ્રતિવસતિ।
310.022. સ ચન્દ્રપ્રભસ્ય દારકસ્યાઙ્ગે સ્થિત્વા દક્ષિણં નયનં ગૃહીત્વા ઉત્પાટયતિ, પુનર્મુઞ્ચતિ।
310.023. દ્વિરપિ ત્રિરપિ ઉચ્ચંગમઃ પ્રાણી ચન્દ્રપ્રભસ્ય દારકસ્ય દક્ષિણં નયનં ગૃહીત્વા ઉત્પાટયિત્વા પુનર્મુઞ્ચતિ।
310.024. અથ ચન્દ્રપ્રભો દારક ઉચ્ચંગમં પક્ષિણમિદમવોચત્--કિમિદં પક્ષિ મમ નયનં ગૃહીત્વા ઉત્પાટયિત્વા ઉત્પાટયિત્વા પુનઃ પ્રમુઞ્ચસિ? સ આહ--ન મમ ચન્દ્રપ્રભ કિંચિદેવામિષ્યે(?) યથા મનુષ્યાક્ષિ।
310.026. તં મન્યે ચન્દ્રપ્રભ વારયિષ્યસિ? ચન્દ્રપ્રભ આહ--સચેન્મમ પક્ષી સહસ્રકૃત્વો નયનં ગૃહીત્વા ઉત્પાટયતુ, પુનર્મુઞ્ચ (તુ), ન ત્વેવાહં વારયેયમ્।
310.028. ઇત્યુક્ત્વા તાવન્તઃ પક્ષિણઃ સંનિપતિતાઃ।
310.028. યેન ચન્દ્રપ્રભો નિર્માંસો ઽસ્થિશકલીકૃતઃ।
310.029. સ કાલમકાર્ષીત્।
310.029. તસ્યામેવોત્પલાવત્યાં રાજધાન્યામન્યતરસ્ય બ્રાહ્મણમહાશાલસ્યાગ્રમહિષ્યાઃ કુક્ષૌ ઉપપન્નઃ।
310.030. સા પૂર્ણાનાં નવાનાં માસાનામત્યયાદ્દારકં જનયતિ, અભિરૂપં દર્શનીયં પ્રાસાદિકાં શુભયા વર્ણપુષ્કલતયા સમન્વાગતમ્।
310.032. તસ્ય માતાપિતરૌ બ્રાહ્મપ્રભ ઇતિ નામ સ્થાપિતવન્તૌ।
310.033. યદા બ્રાહ્મપ્રભો નામ માણવકો ઽષ્ટવર્ષજાતીયઃ સંવૃત્તઃ, તેન સર્વે બ્રાહ્મણકા <311>મન્ત્રા અધીતાઃ।
311.001. યદા બ્રહ્મપ્રભો માણવકો દ્વાદશવર્ષજાતીયઃ સંવૃત્તઃ, સ પઞ્ચમાત્રાણિ માણવકાનિ સ્વયમેવ મન્ત્રાન્ વાચયતિ।
311.002. યદા બ્રહ્મપ્રભો માણવકઃ ષોડશવર્ષો જાત્યા સંવૃત્તઃ, તદૈનં માતાપિતરૌ આહતુહ્--બ્રહ્મપ્રભ, તવાર્થાય નિવેશનં કરિષ્યાવઃ।
311.003. સ આહ--અમ્બ તાત, ન તાવન્મમ નિવેશનેન પ્રયોજનમ્।
311.004. તૌ આહતુહ્--કિં પુનસ્ત્વં બ્રહ્મપ્રભ કરિષ્યસિ? સ આહ--ઇચ્છામ્યહં સત્ત્વાનામર્થાય તપસ્તપ્તું દુષ્કરં ચરિતુમ્।
311.005. તૌ આહતુહ્--યસ્યેદાનીં બ્રહ્મપ્રભ કાલં મન્યસે।
311.006. બ્રહ્મપ્રભમાણવકો માતાપિત્રોઃ પાદૌ શિરસા વન્દિત્વા ત્રિષ્કૃત્વઃ પ્રદક્ષિણીકૃત્ય ઉત્પલાવત્યા રાજધાન્યા નિષ્ક્રમ્ય યેનાન્યતરદ્વનષણ્ડં તેનોપસંક્રાન્તઃ।
311.007. તેન ખલુ સમયેન તસ્મિન્ વનષણ્ડે દ્વૌ બ્રાહ્મણર્ષી પ્રતિવસતઃ।
311.008. અપશ્યતાં બ્રાહ્મણર્ષીં બ્રહ્મપ્રભં માણવકં દૂરત એવાગચ્છન્તમ્।
311.009. દૃષ્ટ્વા ચ બ્રહ્મપ્રભં માણવકમેતદવોચત્--એહિ બ્રહ્મપ્રભ, સ્વાગતમ્, મા શ્રાન્તો ઽસિ, મા ક્લાન્તઃ।
311.010. કિમર્થમિદં વનષણ્ટમભ્યાગતહ્? સ આહ--ઇચ્છામ્યહં સર્વસત્ત્વાનામર્થાય તપસ્તપ્તું દુષ્કરં ચરિતુમ્।
311.011. તૌ આહતુહ્--એવમસ્તુ, ભવતુ, ઋદ્ધ્યન્તાં સંકલ્પાઃ, પરિપૂર્યન્તાં મનોરથાઃ॥
311.012. અથ બ્રહ્મપ્રભો માણવકો ઽન્યતરસ્મિન્ પ્રદેશે કુટીં કારયિત્વા ચંક્રમં પ્રતિષ્ઠાપ્ય સત્ત્વાનામર્થાય તપસ્તપ્તવાન્।
311.013. અથાપરેણ સમયેન બ્રહ્મપ્રભસ્ય કુટ્યા નાતિદૂરે વ્યાઘ્રી ગુર્વિણી વાસમુપગતા।
તાં બ્રહ્મપ્રભો માણવકો ઽદ્રાક્ષીત્।
311.014. તાં દૃષ્ટ્વા ચ યેન પુનસ્તૌ દ્વૌ બ્રહ્મર્ષી તેનોપસંક્રાન્તઃ।
311.014. ઉપસંક્રમ્ય તૌ ચ બ્રહ્મર્ષી એતદવોચત્--યત્ખલુ ઋષી જાનીતામ્--ઇહ મે કુટ્યા નાતિદૂરે વ્યાઘ્રી ગુર્વિણી વાસમુપગતા।
311.016. તસ્યાઃ ક ઉત્સહતે ભક્તં દાતુમ્? તૌ આહતુહ્--આવાં તસ્યા ભક્તં દાસ્યાવઃ।
311.017. અથાપરેણ સમયેન વ્યાઘ્રી પ્રસૂતા ક્ષુત્ક્ષામપરીતા ઇચ્છતિ સ્વકૌ પોતકૌ ભક્ષયિતુમ્।
311.017. એકં પોતકં ગૃહ્ણાતિ દ્વિતીયં મુઞ્ચતિ, ન ભક્ષયતિ।
311.018. તાં બ્રહ્મપ્રભો માણવકો ઽપશ્યત્।
311.018. દૃષ્ટ્વા ચ પુનર્યેન તૌ બ્રહ્મર્ષી તેનોપસંક્રાન્તઃ।
311.019. ઉપસંક્રમ્ય પુનર્યેન તૌ દ્વૌ બ્રહ્મર્ષી તેનોપસંક્રાન્તઃ।
311.020. ઉપસંક્રમ્ય દ્વૌ બ્રહ્મર્ષી એતદવોચત્--યત્ખલુ બ્રાહ્મણૌ જાનીતામ્--સા વ્યાઘ્રી પ્રસૂતા ક્ષુત્ક્ષામપરીતા સ્વકૌ પોતકૌ ભક્ષયિતુમિચ્છતિ।
311.021. એકં પોતકં ગૃહીત્વા દ્વિતીયં મુઞ્ચતિ ન ભક્ષયતિ।
311.022. તસ્યાઃ ક ઉત્સહતે ભક્તં દાતુમ્? તૌ આહતુહ્--આવાં તસ્યા ભક્તં દાસ્યાવઃ।
311.022. અથ તૌ બ્રહ્મર્ષી યેન સા વ્યાઘ્રી તેનોપસંક્રાન્તૌ।
311.023. અપશ્યત્સા વ્યાઘ્રી બ્રહ્મર્ષી દૂરત એવાગચ્છન્તૌ।
311.024. દૃષ્ટ્વા ચ ક્ષુત્ક્ષામપરીતા અભિદ્રવિતુકામા।
311.024. તયોરેતદભૂત્--ક ઉત્સહતે તિર્યગ્યોનિગરસ્યાર્થાય જીવિતં પરિત્યક્તુમિતિ? તૌ તત એવ ઋદ્ધ્યા વૈહાયસમભિનિર્ગતૌ।
311.025. બ્રહ્મપ્રભો માણવકો ઽદ્રાક્ષીત્।
311.026. દૃષ્ટ્વા ચ પુનસ્તૌ બ્રહ્મર્ષી એતદવોચત્--નનુ બ્રાહ્મણૌ, યુવાભ્યામેતદુક્તમ્--આવામસ્યા ભક્તં દાસ્યાવ ઇતિ।
311.027. એતત્ખલુ બ્રાહ્મણૌ યુવયોર્બ્રાહ્મણજાત્યોઃ સત્યમ્? તૌ આહતુહ્--ક ઉત્સહતે તિર્યગ્યોનિગતસ્યાર્થાય જીવિતં પરિત્યક્તુમ્? બ્રહ્મપ્રભો માણવક આહ--અહમુત્સહેતિર્યગ્યોનિગતસ્યાર્થાય જીવિતં પરિત્યક્તુમ્।
311.029. અથ સ બ્રહ્મપ્રભો માણવકો યેન સા વ્યાઘ્રી તેનોપસંક્રાન્તઃ।
311.030. તસ્યા વ્યાઘ્ર્યાઃ પુરત આત્માનમવસૃજતિ સ્મ।
311.030. બ્રહ્મપ્રભો માણવો ભૈત્રીવિહારી બભૂવ।
311.031. સા તં ન શક્તાભિદ્રોતુ(ગ્ધુ)મ્।
311.031. અથ બ્રહ્મપ્રભસ્ય માણવસ્યૈતદભવત્--ઇયં મમ વ્યાઘ્રી સાવિજ્ઞાનકં કાયં ન ભક્ષયતિ।
311.032. સ ઇતશ્ચેતશ્ચ વિલોકિતવાન્।
311.032. તતસ્તીક્ષ્ણં ચ વેણુપેશીં તીક્ષ્ણાં ગૃહીત્વા ઇદમેવં રૂપં સત્યવચનમકરોત્--સમન્વાહરન્તુ મે યે ઽસ્મિન્ વનષણ્ડે ઽધ્યુષિતા <312>ઉદારા દેવા નાગા યક્ષા અસુરા ગરુડાઃ કિન્નરા મહોરગાઃ, તે ઽપિ સર્વે સમન્વાહરન્તુ।
312.002. અયમહં ત્યાગં કરિષ્યામિ, અતિત્યાગં ત્યાગાતિત્યાગં સ્વયં ગલપરિત્યાગમ્।
312.002. અપિ તુ યેનાહં સત્યેન સત્યવચનેન પરિત્યજામિ, ન રાજ્યાર્થં ન ભોગાર્થં ન શક્રાથં ન રાજચક્રવર્તિવિષયાર્થમ્, અન્યત્ર કથમહમનુત્તરાં સમ્યક્સમ્બોધિધિમભિસમ્બુધ્ય અદાન્તાન્ દમયેયમ્, અતિર્ણાંસ્ તારયેયમ્, અમુક્તાન્ મોચયેયમ્, અનાશ્વસ્તાનાશ્વાસયેયમ્, અપરિનિર્વૃતાન્ પરિનિર્વાપયેયમ્, તેન સત્યેન સત્યવચનેન મા મે પરિત્યાગો નિષ્ફલો ભૂદિતિ કૃત્વા સ્વયમેવ ગલં છિત્ત્વા તસ્યા વ્યાઘ્ર્યા પુરત ઉપનિક્ષિપતિ।
312.008. વ્યાઘ્રીનખાવલિવિલાસવિલુપ્યમાના વક્ષઃસ્થલી ક્ષણમલક્ષ્યત વીક્ષયારા(?)।
312.010. રોમાઞ્ચચર્ચિતતનોસ્તુહિનાંશુશુભ્રસત્ત્વા પ્રકાશકિરણાઙ્કુરપૂરિતેવ

312.012ટસ્યામિષાહરણશોણિતપાનમત્તાં વ્યાઘ્રીં સહસ્રમવલોકયતશ્ચકાર।
દીર્ઘપ્રવાસસમયાકુલિતા મુહૂર્તં કણ્ઠાવલમ્બનધૃતિં નિજજીવવૃત્તિઃ

312.016. સહપરિત્યક્તે ખલુ ભિક્ષવો બ્રહ્મપ્રભેણ માણવેન સ્વકે ગલે, અયં ર્તિસાહસ્રમહાસાહસ્રો લોકધાતુઃ કમ્પતિ સંકમ્પતિ સંપ્રકમ્પતિ, ચલતિ સંચલતિ, વેધતિ સંવેધતિ સંપ્રવેધતિ, પૂર્વા દિગુન્નમતિ પશ્ચિમા અવનમતિ, પશ્ચિમા દિગુન્નમતિ પૂર્વા દિગુન્નમતિ, દક્ષિણા દિગુન્નમતિ ઉત્તરા દિગવનમતિ, ઉત્તરા દિગુન્નમતિ દક્ષિણા દિગવનમતિ, મધ્યમુન્નમતિ, અન્તો ઽવનમતિ, અન્ત ઉન્નમતિ, મધ્યમવનમતિ, સૂર્યચન્દ્રમસૌ ન તપતો ન ભાસતો ન વિરાજતઃ॥
312.021. સ્યાદ્યુષ્માકં ભિક્ષવો ઽન્યા સા તેન સમયેનોત્તરાપથેષુ જનપદેષૂત્પલાવતીનાં નગરીરાજધાની બભૂવ।
312.022. ન હ્યેવં દ્રષ્ટવ્યમ્।
312.022. પુષ્કલાવતં તેન કાલેન તેન સમયેનોત્પલાવતં નામ નગરં રાજધાની બભૂવ।
312.023. સ્યાદ્ભિક્ષવો યુષ્માકં કાઙ્ક્ષા વિમતિર્વા--અન્યઃ સ તેન કાલેન તેન સમયેનોત્પલાવતે નગરે રાજધાન્યાં રૂપાવતી સ્ત્રી બભૂવ।
312.024. ન હ્યેવં દ્રષ્ટવ્યમ્।
312.024. અહં સ તેન કાલેન તેન સમયેન રૂપાવતી નામ સ્ત્રી બભૂવ।
312.025. સ્યાદ્ભિક્ષવો યુષ્માકં કાઙ્ક્ષા વા વિમતિર્વા--અન્યા સા તેન કાલેન તેન સમયેનાપવરકે સ્ત્રી પ્રસૂતા।
312.026. ન ચૈવં દ્રષ્ટવ્યમ્।
312.026. ચન્દ્રપ્રભમાણવિકા તેન કાલેન તેન સમયેનાપવરકે સ્ત્રી પ્રસૂતા।
312.027. સ્યાદ્યુષ્માકં ભિક્ષવઃ કાઙ્ક્ષા વા વિમતિર્વા--અન્યસ્તેન કાલેન તેન સમયેન દારકો બભૂવ।
312.028. ન હ્યેવં દ્રષ્ટવ્યમ્।
312.028. રાહુલઃ કુમારઃ સ તેન કાલેન તેન સમયેન દારકો ઽભૂત્।
312.029. સ્યાદ્યુષ્માકં ભિક્ષવઃ કાઙ્ક્ષા વા વિમતિર્વા--અન્યઃ સ તેન કાલેન તેન સમયેન ચન્દ્રપ્રભો નામ દારકો બભૂવ।
312.030. ન હ્યેવં દ્રષ્ટવ્યમ્।
312.030. અહમેવ સ તેન કાલેન તેન સમયેન ચન્દ્રપ્રભો નામ દારકો બભૂવ।
312.031. સ્યાદ્યુષ્માકં ભિક્ષવઃ કાઙ્ક્ષા વા વિમતિર્વા--અન્યઃ સ તેન કાલેન તેન સમયેન પઞ્ચમાત્રાણિ દારકશતાન્યભૂવન્।
312.032. ન હ્યેવં દ્રષ્ટવ્યમ્।
312.033. ઇમાનિ તાનિ પઞ્ચ એતદ્ભદ્રિકશતાનિ તેન કાલેન તેન સમયેન પઞ્ચમાત્રાણિ દારકશતાનિ <313>અભૂવન્।
313.001. સ્યાદ્યુષ્માકં ભિક્ષવઃ કાઙ્ક્ષા વા વિમતિર્વા--અન્યઃ સ તેન કાલેન તેન સમયેન તસ્મિન્ મહાશ્મશાને ઉચ્ચંગમો નામ પક્ષી બભૂવ।
313.002. ન હ્યેવં દ્રષ્ટવ્યમ્।
313.002. કૌણ્ડિન્યો ભિક્ષુસ્તેન કાલેન તેન સમયેનોઞ્ચંગમો નામ પક્ષી બભૂવ।
313.003. સ્યાદ્યુષ્માકં ભિક્ષવઃ કાઙ્ક્ષા વા વિમતિર્વા--અન્યઃ સ તેન કાલેન તેન સમયેન બ્રહ્મપ્રભો નામ માણવો ઽભૂત્।
313.004. ન હૈવં દ્રષ્ટવ્યમ્।
313.005. અહમેવ સ તેન કાલેન તેન સમયેન બ્રહ્મપ્રભો નામ માણવો ઽભૂત્।
313.005. સ્યાદ્યુષ્માકં ભિક્ષવઃ કાઙ્ક્ષા વા વિમતિર્વા--અન્યૌ તૌ તેન કાલેન તેન સમયેન બ્રહ્મપ્રભસ્ય માણવસ્ય માતાપિતરૌ અભૂતામ્।
313.007. ન હૈવં દ્રષ્ટવ્યમ્।
313.007. રાજા શુદ્ધોદનો માયાદેવી તેન કાલેન તેન સમયેન બ્રહ્મપ્રભસ્ય માણવસ્ય માતાપિતરૌ અભૂવતામ્।
313.008. સ્યાદ્યુષ્માકં ભિક્ષવઃ કાઙ્ક્ષા વા વિમતિર્વા--અન્યઃ સ તેન કાલેન તેન સમયેન વનમભૂત્।
313.009. .... સ્યાદ્ભિક્ષવો યુષ્માકં કાઙ્ક્ષા વા વિમતિર્વા--અન્યૌ તૌ તેન કાલેન તેન સમયેન દ્વૌ બ્રહ્મર્ષી અભૂતામ્।
313.010. ન હૈવં દ્રષ્ટવ્યમ્।
313.010. મૈત્રેયો બોધિસત્ત્વઃ સુપ્રભશ્ચ બુદ્ધસ્તેન કાલેન તેન સમયેન તસ્મિન્ વનષણ્ડે દ્વૌ બ્રહ્મર્ષી અભૂતામ્।
313.011. સ્યાદ્યુષ્માકં ભિક્ષવઃ કાઙ્ક્ષા વા વિમતિર્વા--અન્યઃ સ તેન કાલેન તેન સમયેન વ્યાઘ્રી બભૂવ।
313.012. ન હૈવં દ્રષ્ટવ્યમ્।
313.012. કૌણ્ડિન્યો ભિક્ષુઃ સ તેન કાલેન તેન સમયેન દ્વૌ વ્યાઘ્રપોતૌ બભૂવતુઃ।
313.015. ન હૈવં દ્રષવ્યમ્।
313.015. નન્દો ભિક્ષૂ રાહુલશ્ચ તેન કાલેન તેન સમયેન વ્યાઘ્રપોતકૌ અભૂતામ્।
313.016. તદા મે ભિક્ષવશ્ચત્વારિંશત્કલ્પસમ્પ્રસ્થિતો મૈત્રેયો બોધિસત્ત્વ એકેન ગલપરિત્યાગેન પશ્ચાન્મુખીકૃતઃ।
313.017. તદનેન ભિક્ષવઃ પર્યાયેણ વેદિતવ્યમ્।
313.017. એવં સચેત્ સર્વે સત્ત્વા જાનીયુહ્--દાનસ્ય ફલં દાનસંવિભાગસ્ય ચ વિપાકમ્ યથા અહં જાનાભિ દાનસ્ય ફલં દાનસંવિભાગસ્ય ચ વિપાકમ્, યો ઽસૌ ચરમઃ કવલઃ પશ્ચિમ આલોપઃ, તમાપિ નાદત્ત્વા નાસંવિભજ્યાપરેષ્વાત્મના નોપભુઞ્જીરન્, નાપ્યુત્પન્નં માત્સર્યં ચિત્તં પર્યાદાય તિષ્ઠેત્।
313.020. યસ્માત્તર્હિ ભિક્ષવઃ સત્ત્વા ન જાનન્તિ દાનસ્ય ફલં દાનસંવિભાગસ્ય ચ વિપાકમ્, તસ્માત્સત્ત્વા યો ઽસૌ ચરમઃ કવલઃ પશ્ચિમ આલોપઃ, તમપ્યદત્ત્વા અસંવિભજ્ય અપરેષામાત્મના પરિભુઞ્જતે, ઉત્પન્નશ્ચૈષાં માત્સર્યમલશ્ચિત્તં પર્યાદાય તિષ્ઠતિ॥
313.023. પુનાકૃતં ન પશ્યતિ નો શુભાશુભં ન સેવિતમ્।
313.024. ન પશ્યતિ પણ્ડિતે જને ન નાશમેત્યાર્યગણે

313.025. શુભાશુભં કૃતં કૃતજ્ઞેષુ ન જાતુ નશ્યતિ।
313.026. સુકૃતં શોભનં કર્મ દુષ્કૃતં ચાપ્યશોભનમ્।
313.027. ઉભયસ્ય વિપાકો ઽસ્તિ હ્યવશ્યં દાસ્યતે ફલમ્