ધર્મસૂત્ર · અધ્યાય 8

દ્વૌ લોકે ધૃતવ્રતૌ રાજા બ્રાહ્મણશ્ ચ બહુશ્રુતઃ ।

તયોશ્ ચતુર્વિધસ્ય મનુષ્યજાતસ્યાન્તઃસંજ્ઞાનામ્ચલનપતનસર્પણાનામ્ આયત્તં જીવનમ્ ।

પ્રસૂતિરક્ષણમ્ અસંકરો ધર્મઃ ।

સ એવ બહુશ્રુતો ભવતિ ।

લોકવેદવેદાઙ્ગવિત્ ।

વાકોવાક્યેતિહાસપુરાણકુશલઃ ।

તદપેક્ષસ્ તદ્વૃત્તિઃ ।

ચત્વારિંશત્ સંસ્કારૈઃ સંસ્કૃતઃ ।

ત્રિષુ કર્મસ્વ્ અભિરતઃ ।

ષટ્સુ વા ।

સામયાચારિકેષ્વ્ અભિવિનીતઃ ।

ષડ્ભિઃ પરિહાર્યો રાજ્ઞા ।

અવધ્યશ્ ચાબન્ધ્યશ્ ચાદણ્ડ્યશ્ ચાબહિષ્કાર્યશ્ચાપરિવાદ્યશ્ ચાપરિહાર્યશ્ ચેતિ ।

ગર્ભાધાનપુંસવનસીમન્તોન્નયનજાતકર્મનામકરણાન્નપ્રાશનચૌલોપનયનમ્ ।

ચત્વારિ વેદવ્રતાનિ ।

સ્નાનં સહધર્મચારિણીસંયોગઃ ।

પઞ્ચાનાં યજ્ઞાનામ્ અનુષ્ઠાનંદેવપિતૃમનુષ્યભૂતબ્રાહ્મણામ્ ।

એતેષાં ચ ।

અષ્ટકા પાર્વણઃ શ્રાદ્ધમ્ શ્રાવણ્યાગ્રહાયણીચૈત્ર્યાશ્વયુજીતિ સપ્ત પાકયજ્ઞસમ્સ્થાઃ ।

અગ્ન્યાધેયમ્ અગ્નિહોત્રં દર્શપૂર્ણમાસાવાગ્રયણં ચાતુર્માસ્યાનિ નિરૂઢપશુબન્ધઃ સૌત્રામણીતિ સપ્તહવિર્યજ્ઞસમ્સ્થાઃ ।

અગ્નિષ્ટોમો ઽત્યગ્નિષ્ટોમ ઉક્થ્યઃ ષોડશીવાજપેયો ઽતિરાત્રો ઽપ્તોર્યામ ઇતિ સપ્ત સોમસંસ્થાઃ ।

ઇત્ય્ એતે ચત્વારિંશત્સંસ્કારાઃ ।

અથાષ્ટાવ્ આત્મગુણાઃ ।

દયા સર્વભૂતેષુ ક્ષાન્તિર્ અનસૂયા શૌચમ્ અનાયાસોમઙ્ગલમ્ અકાર્પણ્યમ્ અસ્પૃહેતિ ।

યસ્યૈતે ચત્વારિંશત્સંસ્કારા ન ચાષ્ટાવ્ આત્મગુણાન સ બ્રહ્મણઃ સાયુજ્યં સાલોક્યં ગચ્છતિ ।

યસ્ય તુ ખલુ સંસ્કારાણામ્ એકદેશો ઽપ્ય્ અષ્ટાવ્ આત્મગુણા અથ સ બ્રહ્મણઃ સાયુજ્યં સાલોક્યં ચગચ્છતિ ।