ધર્મસૂત્ર · અધ્યાય 7
આપત્કલ્પો બ્રાહ્મનસ્યાબ્રાહ્મણાદ્ વિદ્યોપયોગઃ ।
અનુગમનં શુશ્રૂષા ।
સમાપ્તે બ્રાહ્મણો ગુરુઃ ।
યાજનાધ્યાપનપ્રતિગ્રહાઃ સર્વેષામ્ ।
પૂર્વઃ પૂર્વો ગુરુઃ ।
તદલાભે ક્ષત્રવૃત્તિઃ ।
તદલાભે વૈશ્યવૃત્તિઃ ।
તસ્યાપણ્યમ્ ।
ગન્ધરસકૃતાન્નતિલશાનક્ષૌમાજિનાનિ ।
ક્ષીરં સવિકારમ્ ।
મૂલફલપુષ્પૌષધમધુમાંસતૃણોદકાપથ્યાનિ ।
પશવશ્ ચ હિંસાસંયોગે ।
પુરુશવશાકુમારીવેહતશ્ ચ નિત્યમ્ ।
ભૂમિવ્રીહિયવાજાવ્યશ્વઋષભધેન્વનડુહશ્ ચૈકે ।
નિયમસ્ તુ ।
રસાનાં રસૈઃ ।
પશૂનાં ચ ।
ન લવણકૃતાન્નયોઃ ।
તિલાનાં ચ ।
સમેનામેન તુ પક્વસ્ય સંપ્રત્યર્થે ।
સર્વથા વૃત્તિર્ અશક્તાવ્ અશૌદ્રેણ ।
તદ્ અપ્ય્ એકે પ્રાણસંશયે ।
તદ્વર્ણસંકરાભક્ષ્યનિયમસ્ તુ ।
પ્રાણસંશયે બ્રાહ્મણો ઽપિ શસ્ત્રમ્ આદદીત ।
રાજન્યો વૈશ્યકર્મ ।
મૂળ પાઠ: Dharmasūtra · Edition: Ganesa Sastrin Gokhale, Pune 1910, (Anandasrama Sanskrit Series, 61); with variants from: The Institutes of Gautama, ed.by A.F. Stenzler, London 1876. · Data entry Nobuyuki Watase · GRETIL (Göttingen) · CC BY-NC-SA 4.0