છાંદોગ્યોપનિષદ (ટીકા સહિત) · અધ્યાય 8.13

છુપ્ભ્_8,12.6 યસ્માદેષ ઇન્દ્રાય પ્રજાપતિનોક્ત આત્મા તસ્માત્તતઃ શ્રુત્વા તમાત્માનમદ્યત્વે ઽપિ દેવા ઉપાસતે ।
તદુપાસનાચ્ચ તેષાં સર્વે ચ લોકા આત્તાઃ પ્રાપ્તાઃ સર્વે ચ કામાઃ ।
યદર્થં હીન્દ્ર એકશતં વર્ષાણિ પ્રજાપતૌ બ્રહ્મચર્યમુવાસ તત્ફલં પ્રાપ્તં દેવૈરિત્યભિપ્રાયઃ ।
તદ્યુક્તં દેવાનાં મહાભાગ્યત્વાન્ન ત્વિદાનીં મનુષ્યાણામલ્પજીવિતત્વાન્મન્દતરપ્રજ્ઞત્વાચ્ચ સંભવતીતિ પ્રાપ્ત ઇદમુચ્યતે-સ સર્વાંશ્ચ લોકાનાપ્નોતિ સર્વાંશ્ચ કામાનિદાનીન્તનો ઽપિ ।
કો ઽસૌ ।
ઇન્દ્રાદિવદ્યસ્તમાત્માનમનુવિદ્ય વિજાનાતીતિ હ સામાન્યેન કિલ પ્રજાપતિરુવાચ ।
અતઃ સર્વેષામાત્મજ્ઞાનં તત્ફલપ્રાપ્તિશ્ચ તુલ્યૈવ ભવતીત્યર્થઃ ।
દ્વિર્વચનં પ્રકરણસમાપ્ત્યર્થમ્ ॥6॥
ઇતિ ચ્છાન્દોગ્યોપનિષદિ અષ્ટમાધ્યાયસ્ય દ્વાદશઃ ખણ્ડઃ
=======================================================================
સ્તર્ત્ છુપ્ 8,13.1
શ્યામાચ્ છબલં પ્રપદ્યે ।
શબલાચ્ છ્યામં પ્રપદ્યે ।
અશ્વ ઇવ રોમાણિ વિધૂય પાપં ચન્દ્ર ઇવ રાહોર્ મુખાત્ પ્રમુચ્ય ધૂત્વા શરીરમ્ અકૃતં કૃતાત્મા બ્રહ્મલોકમ્ અભિસંભવામીત્ય્ અભિસંભવામીતિ