છાંદોગ્યોપનિષદ (ટીકા સહિત) · અધ્યાય 5.14

છુપ્ભ્_5,13.2 કિઞ્ચ ત્વામનુ પ્રવૃત્તો ઽશ્વતરીભ્યાં યુક્તો રથો ઽશ્વતરીરથો દાસીનિષ્કો દાસીભિર્યુક્તો નિષ્કો હારો દાસીનિષ્કઃ ।
અત્સ્યન્નમિત્યાદિ સમાનમ્ ।
ચક્ષુર્વૈશ્વાનરસ્ય તુ સવિતા ।
તસ્ય સમસ્તબુદ્ધ્યોપાસનાદન્ધો ઽભવિષ્યશ્ચક્ષુર્હીનો ઽભવિ ષ્યો યન્માં નાઽગમિષ્ય ઇતિ પૂર્વવત્ ॥2॥
ઇતિ ચ્છાન્દોગ્યોપનિષદિ પઞ્ચમાધ્યાયસ્ય ત્રયોદશઃ ખણ્ડઃ
=======================================================================
સ્તર્ત્ છુપ્ 5,14.1
અથ હોવાચેન્દ્રદ્યુમ્નં ભાલ્લવેયમ્ ।
વૈયાઘ્રપદ્ય કં ત્વમ્ આત્માનમ્ ઉપાસ્સ ઇતિ ।
વાયુમ્ એવ ભગવો રાજન્ન્ ઇતિ હોવાચ ।
એષ વૈ પૃથગ્વર્ત્માત્મા વૈશ્વાનરો યં ત્વમ્ આત્માનમ્ ઉપાસ્સે ।
તસ્માત્ ત્વાં પૃથગ્ બલય આયન્તિ પૃથગ્ રથશ્રેણયો ઽનુયન્તિ

છુપ્ભ્_5,14.1 અથ હોવાચેન્દ્રદ્યુમ્નં ભાલ્લવેયં વૈયાઘ્રપદ્ય કં ત્વમાત્માનમુપાઃસ ઇત્યાદિ સમાનમ્ ।
પૃથગ્વર્ત્મા નાના વર્ત્માનિ યસ્ય વાયોરાવહોદ્વહાદિભિર્ભેદૈર્વર્તમાનસ્ય સો ઽયં પૃથગ્વર્ત્મા વાયુઃ ।
તસ્માત્પૃથગ્વર્ત્માત્મનો વૈશ્વાનરસ્યોપાસનાત્પૃથઙ્નાનાદિક્કાસ્ત્વાં બલયો વસ્રાન્નાદિલક્ષણા બલય આયન્ત્યાગચ્છન્તિ ।
પૃથગ્રથશ્રેણયો રથપઙ્ક્તયો ઽપિ ત્વામનુયન્તિ ॥1 ॥
સ્તર્ત્ છુપ્ 5,14.2
અત્સ્ય્ અન્નં પશ્યસિ પ્રિયમ્ ।
અત્ત્ય્ અન્નં પશ્યતિ પ્રિયં ભવત્ય્ અસ્ય બ્રહ્મવર્ચસં કુલે ય એતમ્ એવમ્ આત્માનં વૈશ્વાનરમ્ ઉપાસ્તે ।
પ્રાણસ્ ત્વ્ એષ આત્મન ઇતિ હોવાચ ।
પ્રાણસ્ ત ઉદક્રમિષ્યદ્ યન્ માં નાગમિષ્ય ઇતિ