છાંદોગ્યોપનિષદ (ટીકા સહિત) · અધ્યાય 4.6

છુપ્ભ્_4,5.3 સ યઃ કશ્ચિદેવં યથોક્તમેતં બ્રહ્મણશ્ચતુષ્કલં પાદં વિદ્વાન્પ્રકાશવાનિત્યનેન ગુણેન વિશિષ્ટમુપાસ્તે તસ્યેદં ફલં પ્રકાશવાનસ્મિન્ લોકે ભવતિ પ્રખ્યાતો ભવતીત્યર્થઃ ।
તથાદૃષ્ટં ફલં પ્રકાશવતો હ લોકાન્દેવાદિસંબન્ધિનો મૃતઃ સઞ્જયતિ પ્રાપ્નોતિ ।
ય એતમેવ વિદ્વાંશ્ચતુષ્કલં પાદં બ્રહ્મણઃ પ્રકાશવાનિત્યુપાસ્તે ॥3॥
ઇતિ ચ્છાન્દોગ્યોપનિષદિ ચતુર્થાધ્યાયસ્ય પઞ્ચમઃ ખણ્ડઃ
સ્તર્ત્ છુપ્ 4,6.1
અગ્નિષ્ટે પાદં વક્તેતિ ।
સ હ શ્વો ભૂતે ગા અભિપ્રસ્થાપયાં ચકાર ।
તા યત્રાભિસાયં બભૂવુસ્ તત્રાગ્નિમ્ ઉપસમાધાય ગા ઉપરુધ્ય સમિધમ્ આધાય પશ્ચાદ્ અગ્નેઃ પ્રાઙ્ ઉપોપવિવેશ

છુપ્ભ્_4,6.1 સો ઽગ્નિસ્તે પાદં વક્તેત્યુપરરામર્ષભઃ ।
સ સત્યાકામો હ શ્વોભૂતે પરેદ્યુર્નૈત્યકં નિત્યં કર્મ કૃત્વા ગા અભિપ્રસ્થાપયાઞ્ચકારાઽચાર્યકુલં પ્રતિ ।
તાઃ શનૈશ્ચરન્ત્ય આચાર્યકુલાભિમુખ્યઃ પ્રસ્થિતા યત્ર યસ્મિન્કાલે દેશે ઽભિ સાયં નિશાયામભિસંબભૂવુરેકત્રાભિમુખ્યઃ સંભૂતાઃ, તત્રાગ્નિમુપસમાધાય ગા ઉપરુધ્ય સમિધમાધાય પશ્ચાદગ્નેઃ પ્રઙુપોપવિવેશ ઋષભવચો ધ્યાયન્ ॥1 ॥
સ્તર્ત્ છુપ્ 4,6.2
તમ્ અગ્નિર્ અભ્યુવાદ સત્યકામ 3 ઇતિ ।
ભગવ ઇતિ હ પ્રતિશુશ્રાવ

છુપ્ભ્_4,6.2 તમગ્નિરભ્યુવાદ સત્યકામ 3 ઇતિ સંબોધ્ય, તમસૌ સત્યકામો ભગવ ઇતિ હ પ્રતિશુશ્રાવ પ્રતિવચનં દદૌ ॥2 ॥
સ્તર્ત્ છુપ્ 4,6.3
બ્રહ્મણઃ સોમ્ય તે પાદં બ્રવાણીતિ ।
બ્રવીતુ મે ભગવાન્ ઇતિ ।
તસ્મૈ હ ઉવાચ ।
પૃથિવી કલા ।
અન્તરિક્ષં કલા ।
દ્યૌઃ કલા ।
સમુદ્રઃ કલા ।
એષ વૈ સોમ્ય ચતુષ્કલઃ પાદો બ્રહ્મણો ઽનન્તવાન્ નામ

છુપ્ભ્_4,6.3 બ્રહ્મણઃ સોમ્ય તે પાદં બ્રવાણીતિ બ્રવીતુ મે ભગવાનીતિ તસ્મૈ હોવાચ પૃથિવી કલાન્તરિક્ષં કલા દ્યૌઃ કલા સમુદ્રઃ કલેત્યાત્મગોચરમેવ દર્શનમગ્નિરબ્રવીત્ ।
એષ વૈ સોમ્ય ચતુષ્કલઃ પાદો બ્રહ્મણો ઽનન્તવાન્નામ ॥3 ॥
સ્તર્ત્ છુપ્ 4,6.4
સ ય એતમ્ એવં વિદ્વાંશ્ ચતુષ્કલં પાદં બ્રહ્મણો ઽનન્તવાન્ ઇત્ય્ ઉપાસ્તે ઽનન્તવાન્ અસ્મિંલ્ લોકે ભવતિ ।
અનન્તવતો હ લોકાઞ્ જયતિ ય એતમ્ એવં વિદ્વાંશ્ ચતુષ્કલં પાદં બ્રહ્મણો ઽનન્તવાન્ ઇત્ય્ ઉપાસ્તે