છાંદોગ્યોપનિષદ (ટીકા સહિત) · અધ્યાય 4.14

છુપ્ભ્_4,13.1,2 અથ હૈનમાહવનીયો ઽનુશશાસ પ્રાણ આકાશો દ્યૌર્વિદ્યુદિતિ મમાપ્યેતાશ્ચતસ્રસ્તનવઃ ।
ય એવ વિદ્યુતિ પુરુષો દૃશ્યતે સો ઽહમસ્મીત્યાદિ પૂર્વવત્સામાન્યાત્ ।
દિવા(દ્ય્વા) કાશયોસ્ત્વાશ્રયત્વાદ્વિદ્યુદાહવનીયયોર્ભોગ્યત્વેનૈવ સમ્બન્ધઃ ।
સમાનમન્યત્ ॥1-2 ॥
ઇતિ ચ્છાન્દોગ્યોપનિષદિ ચતુર્થાધ્યાયસ્ય ત્રયોદશઃ ખણ્ડઃ
=======================================================================
સ્તર્ત્ છુપ્ 4,14.1
તે હોચુઃ ।
ઉપકોસલૈષા સોમ્ય તે ઽસ્મદ્વિદ્યાત્મવિદ્યા ચ ।
આચાર્યસ્ તુ તે ગતિં વક્તેતિ ।
આજગામ હાસ્યાચાર્યઃ ।
તમ્ આચાર્યો ઽભ્યુવાદોપકોસલ 3 ઇતિ

છુપ્ભ્_4,14.1 તે પુનઃ સમ્ભૂયોચુર્હેપકોસલૈષા સોમ્ય તે તવાસ્મદ્વિદ્યાગ્નિવિદ્યેત્યર્થઃ ।
આત્મવિદ્યા પૂર્વોક્તા પ્રાણો બ્રહ્મ કં બ્રહ્મ ખં બ્રહ્મેતિ ચ ।
આચાર્યસ્તુ તે ગતિં વક્તા વિદ્યાફલપ્રાપ્તય ઇત્યુક્ત્વોપરેમુરગ્નયઃ ।
આજગામ હાસ્યાઽચાર્યઃ કાલેન ।
તં ચ શિષ્યમાચાર્યો ઽભ્યુવાદોપકોસલ3 ઇતિ ॥1 ॥
સ્તર્ત્ છુપ્ 4,14.2-3
ભગવ ઇતિ હ પ્રતિશુશ્રાવ ।
બ્રહ્મવિદ ઇવ સોમ્ય મુખં ભાતિ ।
કો નુ ત્વાનુશશાસેતિ ।
કો નુ માનુશિશ્યાદ્ ભો ઇતીહાપેવ નિહ્નુતે ।
ઇમે નૂનમ્ ઈદૃશા અન્યાદૃશા ઇતીહાગ્નીન્ અભ્યૂદે ।
કિં નુ સોમ્ય કિલ તે ઽવોચન્ન્ ઇતિ

ઇદમ્ ઇતિ હ પ્રતિજજ્ઞે ।
લોકાન્ વાવ કિલ સોમ્ય તે ઽવોચન્ ।
અહં તુ તે તદ્ વક્ષ્યામિ યથા પુષ્કરપલાશ આપો ન શ્લિષ્યન્ત એવમ્ એવંવિદિ પાપં કર્મ ન શ્લિષ્યત ઇતિ ।
બ્રવીતુ મે ભગવાન્ ઇતિ ।
તસ્મૈ હોવાચ