છાંદોગ્યોપનિષદ (ટીકા સહિત) · અધ્યાય 4.12

છુપ્ભ્_4,11.2 સ યઃ કશ્ચિદેવં યથોક્તં ગાર્હપત્યમગ્નિમન્નાન્નાદત્વેન ચતુર્ધા પ્રવિભક્તમુપાસ્તે સો ઽપહતે વિનાશયતિ પાપકૃત્યાં પાપં કર્મ ।
લોકી લોકવાંશ્ચાસ્મદાયેન લોકેનાઽગ્નેયેન તદ્વાન્ભવતિ યથા વયમિહ ચ લોકે ।
સર્વં વર્ષશતમાયુરેતિ પ્રાપ્નોતિ જ્યોગુજ્જવલં જીવતિ નાપ્રખ્યાત ઇત્યેતત્ ।
ન ચાસ્યાવરાશ્ચ તે પુરુષાશ્ચાસ્ય વિદુષઃ સન્તતિજા ઇત્યર્થઃ ।
ન ક્ષીયન્તે સન્તત્યુચ્છેદો ન ભવતીત્યર્થઃ ।
કિં ચ તં વયમુપભુઞ્જામઃ પાલયામો ઽસ્મિંશ્ચ લોકે જીવન્તમમુષ્મિંશ્ચ પરલોકે ।
ય એતમેવં વિદ્વાનુપાસ્તે યથેક્તં તસ્યૈતત્ફલમિત્યર્થઃ ॥2॥
ઇતિ ચ્છાન્દોગ્યોપનિષદિ ચતુર્થાધ્યાયસ્યૈકાદશઃ ખણ્ડઃ
=======================================================================
સ્તર્ત્ છુપ્ 4,12.1
અથ હ એનમ્ અન્વાહાર્યપચનો ઽનુશશાસ આપો દિશો નક્ષત્રાણિ ચન્દ્રમા ઇતિ ।
ય એષ ચન્દ્રમસિ પુરુષો દૃષ્યતે સો ઽહમ્ અસ્મિ સ એવ અહમ્ અસ્મિ ઇતિ

સ ય એતમ્ એવં વિદ્વાન્ ઉપાસ્તે ।
અપહતે પાપકૃત્યામ્ ।
લોકી ભવતિ ।
સર્વમ્ આયુર્ એતિ ।
જ્યોગ્ જીવતિ ।
ન અસ્ય અવરપુરુષાઃ ક્ષીયન્તે ।
ઉપ વયં તં ભુઞ્જામો ઽસ્મિંશ્ ચ લોકે ઽમુષ્મિંશ્ ચ ।
ય એતમ્ એવં વિદ્વાન્ ઉપાસ્તે