છાંદોગ્યોપનિષદ (ટીકા સહિત) · અધ્યાય 3.5

છુપ્ભ્_3,4.1-3 અથ યે ઽસ્યોદઞ્ચો રશ્મય ઇત્યાદિ સમાનમ્ ।
અથર્વાઙ્ગિરસો ઽથર્વણાઙ્ગિરસા ચ દૃષ્ટા મન્ત્રા અથર્વાઙ્ગિરસઃ કર્મણિ પ્રયુક્તા મધુકૃતઃ ।
ઇતિહાસપુરાણં પુષ્પમ્ ।
તયોશ્ચેતિહાસપુરાણયોરશ્વમેધે પારિપ્લવાસુ રાત્રિષુ કર્માઙ્ગત્વેન વિનિયોગઃ સિદ્ધઃ ।
મધ્વેતદાદિત્યસ્ય પરઃ કૃષ્ણં રૂપમતિશયેન કૃષ્ણમિત્યર્થઃ ॥1-3 ॥
ઇતિ છાન્દોગ્યોપનિષદિ તૃતીયાધ્યાયસ્ય ચતુર્થઃ ખણ્ડઃ
=======================================================================
સ્તર્ત્ છુપ્ 3,5.1-3
અથ યે ઽસ્યોર્ધ્વા રશ્મયસ્ તા એવાસ્યોર્ધ્વા મધુનાડ્યઃ ।
ગુહ્યા એવાદેશા મધુકૃતઃ ।
બ્રહ્મૈવ પુષ્પં ।
તા અમૃતા આપઃ

તે વા એતે ગુહ્યા આદેશા એતદ્ બ્રહ્માભ્યતપન્ ।
તસ્યાભિતપ્તસ્ય યશસ્ તેજ ઇન્દ્રિયં વીર્યમ્ અન્નાદ્યં રસો ઽજાયત

તદ્ વ્યક્ષરત્ ।
તદ્ આદિત્યમ્ અભિતો ઽશ્રયત્ ।
તદ્ વા એતદ્ યદ્ એતદ્ આદિત્યસ્ય મધ્યે ક્ષોભત ઇવ

છુપ્ભ્_3,5.1,2,3 અથ યે ઽસ્યોર્ધ્વા રશ્મય ઇત્યાદિ પૂર્વવત્ ।
ગુહ્યા ગોપ્યા રહસ્યા એવાઽદેશા લોકદ્વારીયાદિવિધય ઉપાસનાનિ ચ કર્માઙ્ગવિષયાણિ મધુકૃતો બ્રહ્મૈવ શબ્દાધિકારાત્પ્રાણવાખ્યં પુષ્પમ્ ।
સમાનમન્યત્ ।
મધ્વેતદાદિત્યસ્ય મધ્યે ક્ષોભત ઇવ સમાહિતદૃષ્ટેર્દૃશ્યતે સઞ્ચલતીવ ॥1-3 ॥
સ્તર્ત્ છુપ્ 3,5.4
તે વા એતે રસાનાં રસાઃ ।
વેદા હિ રસાઃ ।
તેષામ્ એતે રસાઃ ।
તાનિ વા એતાન્ય્ અમૃતાનામ્ અમૃતાનિ ।
વેદા હ્ય્ અમૃતાઃ ।
તેષામ્ એતાન્ય્ અમૃતાનિ