છાંદોગ્યોપનિષદ (ટીકા સહિત) · અધ્યાય 3.2

છુપ્ભ્_3,1.4 યશ આદ્યન્નાદ્યપર્યન્તં તદ્વ્યક્ષરદ્વિશેષેણાક્ષરદગમત્ ।
ગત્વા ચ તદાદિત્યમભિતઃ પાર્શ્વતઃ પૂર્વભાગં સવિતુરશ્રયદાશ્રિતવદિત્યર્થઃ ।
અમુષ્મિન્નાદિત્યે સઞ્ચિતં કર્મફલાખ્યં મધુ ભોક્ષ્યામહ ઇત્યેવં હિ યશ-આદિલક્ષણફલપ્રાપ્તયે કર્માણિ ક્રિયન્તે મનુષ્યૈઃ કેદારનિષ્પાદનમિવ કર્ષકૈઃ ।
તત્પ્રત્યક્ષં પ્રદર્શ્યતે શ્રદ્ધાહેતોસ્તદ્વા એતત્ ।
કિં તદ્યદેતદાદિત્યસ્યોદ્યતો દૃશ્યતે રોહિતં રૂપમ્ ॥4॥
ઇતિ છાન્દોગ્યોપનિષદિ તૃતીયાધ્યાયસ્ય પ્રથમઃ ખણ્ડઃ
=======================================================================
સ્તર્ત્ છુપ્ 3,2.1
અથ યે ઽસ્ય દક્ષિણા રશ્મયસ્ તા એવાસ્ય દક્ષિણા મધુનાડ્યઃ ।
યજૂંષ્ય્ એવ મધુકૃતઃ ।
યજુર્વેદ એવ પુષ્પમ્ ।
તા અમૃતા આપઃ

છુપ્ભ્_3,2.1 અથ યે ઽસ્ય દક્ષિણા રશ્મય ઇત્યાદિ સમાનમ્ ।
યજૂં#યેવ મધુકૃતો યજુર્વેદવિહિતે કર્મણિ પ્રયુક્તાનિ ।
પૂર્વવન્મધુકૃત ઇવ ।
યજુર્વેદવિહિતં કર્મ પુષ્પસ્થાનીયં પુષ્પમિત્યુચ્યતે ।
તા એવ સોમાદ્યા અમૃતા આપઃ ॥1 ॥
સ્તર્ત્ છુપ્ 3,2.2-3
તાનિ વા એતાનિ યજૂંષ્ય્ એતં યજુર્વેદમ્ અભ્યતપન્ ।
તસ્ય અભિતપ્તસ્ય યશસ્ તેજ ઇન્દ્રિયં વીર્યમ્ અન્નાદ્યં રસો ઽજાયત

તદ્ વ્યક્ષરત્ ।
તદ્ આદિત્યમ્ અભિતો ઽશ્રયત્ ।
તદ્ વા એતદ્ યદ્ એતદ્ આદિત્યસ્ય શુક્લં રૂપમ્