છાંદોગ્યોપનિષદ (ટીકા સહિત) · અધ્યાય 2.3

છુપ્ભ્_2,2.3 ઉપાસનફલં-કલ્પન્તે સમર્થા ભવન્તિ હાસ્મૈ લોકા ઊર્ધ્વાશ્ચાઽવૃત્તાશ્ચ ગત્યાગતિવિશિષ્ટા ભોગ્યત્વેન વ્યવતિષ્ઠન્ત ઇત્યર્થઃ ।
ય એતદેવં વિદ્વાંલ્લોકેષુ પઞ્ચવિધં સમસ્તં સાધુ સામેત્યુપાસ્ત ઇતિ સર્વત્ર યોજના પઞ્ચવિધે સપ્તવિધે ચ ॥3॥
ઇતિ છાન્દોગ્યોપનિષદિ દ્વિતીયાધ્યાયસ્ય દ્વિતીયઃ ખણ્ડઃ
=======================================================================
સ્તર્ત્ છુપ્ 2,3.1
વૃષ્ટૌ પઞ્ચવિધં સામોપાસીત ।
પુરોવાતો હિઙ્કારઃ ।
મેઘો જાયતે સ પ્રસ્તાવઃ ।
વર્ષતિ સ ઉદ્ગીથઃ ।
વિદ્યોતતે સ્તનયતિ સ પ્રતિહારઃ

છુપ્ભ્_2,3.1 વૃષ્ટૌ પઞ્ચવિધં સામોપાસીત ।
લોકસ્થિતેર્વૃષ્ટિનિમિત્તત્વાદાનન્તર્યમ્ ।
પુરોવાતો હિઙ્કારઃ ।
પુરોવાતાદ્યુદ્ગ્રહણાન્તા હિ વૃષ્ટિઃ ।
યથા સામ હિઙ્કારાદિનિધનાન્તમ્ ।
અતઃ પુરોવાતો હિઙ્કારઃ ।
પ્રાથમ્યાત્ ।
મેઘો જાયતે સ પ્રસ્તાવઃ ।
પ્રાવૃષિ મેઘજનને વૃષ્ટેઃ પ્રસ્તાવ ઇતિ હિ પ્રસિદ્ધિઃ ।
વર્ષતિ સ ઉદ્ગીથઃ શ્રૈષ્ઠ્યાત્ ।
વિદ્યોતતે સ્તનયતિ સ પ્રતિહારઃ ।
પ્રતિહૃતત્વાત્ ॥1 ॥
સ્તર્ત્ છુપ્ 2,3.2
ઉદ્ગૃહ્ણાતિ તન્ નિધનં વર્ષયતિ હ ય એતદ્ એવં વિદ્વાન્ વૃષ્ટૌ પઞ્ચવિધં સામોપાસ્તે