છાંદોગ્યોપનિષદ (ટીકા સહિત) · અધ્યાય 2.20

છુપ્ભ્_2,19.2 અઙ્ગી ભવતિ સમગ્રાઙ્ગો ભવતીત્યર્થઃ ।
નાઙ્ગેન હસ્તપાદાદિના વિહૂર્છતિ ન કુટિલી ભવતિ પઙ્ગુઃ કુણી વેત્યર્થઃ ।
સંવત્સરં સંવત્સરમાત્રં મજ્જ્ઞો માંસાનિ નાશ્નીયાન્ન ભક્ષયેત્ ।
બહુવચનં મત્સ્યોપલક્ષણાર્થમ્ ।
મજ્જ્ઞો નાશ્નીયાત્સર્વદૈવ નાશ્નીયાદિતિ વા તદ્વ્રતમ્ ॥2॥
ઇતિ છાન્દોગ્યોપનિષદિ દ્વિતીયાધ્યાયસ્યૈકોનવિંશઃ ખણ્ડઃ
=======================================================================
સ્તર્ત્ છુપ્ 2,20.1
અગ્નિર્ હિઙ્કારઃ ।
વાયુઃ પ્રસ્તાવઃ ।
આદિત્ય ઉદ્ગીથઃ ।
નક્ષત્રાણિ પ્રતિહારઃ ।
ચન્દ્રમા નિધનમ્ ।
એતદ્ રાજનં દેવતાસુ પ્રોતમ્

છુપ્ભ્_2,20.1 અગ્નિર્હિઙ્કારઃ પ્રથમસ્થાનત્વાત્ ।
વાયુઃ પ્રસ્તાવ આનન્તર્યસામાન્યાત્ ।
આદિત્ય ઉદ્ગીથઃ શ્રૈષ્ઠ્યાત્ ।
નક્ષત્રાણિ પ્રતિહારઃ પ્રતિહૃતત્વાત્ ।
ચન્દ્રમા નિધનં કર્મિણાં તન્નિધનાત્ ।
એતદ્રાજનં દેવતાસુ પ્રોતં દેવતાનાં દીપ્તિમત્ત્વાત્ ॥1 ॥
સ્તર્ત્ છુપ્ 2,20.2
સ ય એવમ્ એતદ્ રાજનં દેવતાસુ પ્રોતં વેદ ।
એતાસામ્ એવ દેવતાનાં સલોકતાં સર્ષ્ટિતાં સાયુજ્યં ગચ્છતિ ।
સર્વમ્ આયુર્ એતિ ।
જ્યોગ્ જીવતિ ।
મહાન્ પ્રજયા પશુભિર્ ભવતિ ।
મહાન્ કીર્ત્યા ।
બ્રાહ્મણાન્ ન નિન્દેત્ ।
તદ્ વ્રતમ્