બ્રહ્મવૈવર્ત પુરાણ · અધ્યાય 4.99

અથ નવનવતિતમોઽધ્યાયઃ
નારાયણ ઉવાચ
એતસ્મિન્નન્તરે ગર્ગો વસુદેવાશ્રમં યયૌ ।
દણ્ડી છત્રી ચ જટિલો દીપ્તશ્ચ બ્રહ્મતેજસા

શુક્લયજ્ઞોપવીતી ચ તપસ્વી સંયતઃ સદા ।
શુક્લદન્તઃ શુક્લવાસા યદોઃ કુલપુરોહિતઃ

તં દૃષ્ટ્વા સહસોત્થાય દેવકી પ્રણનામ ચ ।
વસુદેવશ્ચ ભક્ત્યા ચ રત્નસિહાસનં દદૌ

મધુપર્કં કામધેનું વહ્નિશુદ્ધાંશુકં તથા ।
દત્ત્વા ગન્ધં પુષ્પમાલ્યં પૂજયામાસ ભક્તિતઃ

મિષ્ટાન્નં પરમાન્નં ચ પિણ્ટકં મધુરં મધુ ।
ભોજયામાસ યત્નેન તામ્બૂલં વાસિતં દદૌ

પ્રણમ્ય કૃષ્ણં મનસા સબલં તં વિલોક્ય ચ ।
ઉવાચ વસુદેવં ચ દેવકીં ચ પતિવ્રતામ્

ગર્ગ ઉવાચ
વસુદેવ નિબોધેનં સવલં પશ્ય પુત્રકમ્ ।
ઉવનીતોચિતં શુદ્ધં વયમા સાંપ્રતં વરમ્

વસુદેવ ઉવાચ
શુભક્ષણં કુરુ ગૃરો યદૂનાં પૂજ્યદૈવત ।
ઉપનીતોચિતં શુદ્ધં પ્રશંસ્યં ચ સતામપિ

ગર્ગ ઉવાચ
સર્વેમ્યો બાન્ધવેમ્યોઽપિ દેહ્યામન્ત્રણપત્રિકામ્ ।
સંભારં કુરુ યત્નેન વસુદેવ વસુપમ

પરશ્વઃ સુભમેવાસ્તિ ચોપેનતુમિહાર્હસિ ।
દિનં સતામપિ મતં વિશુદ્ધં ચન્દ્રતારયોઃ

ગર્ગસ્ય વચનં શ્રુત્વા વસુદેવો વસૂપમઃ ।
પ્રસ્થાપયામાસ સર્વાન્બન્ધૂન્મઙ્ગલપત્રિકામ્

ઘૃતકુલ્યાં દુગ્ધકુલ્યાં દધિકુલ્યાં મનોહરામ્ ।
મધુકુલ્યાં ગુડકુલ્યાં પ્રચકાર સમન્વિતઃ

રાશિં નાનોપહારાણાં મણિરત્નં સુવર્ણકમ્ ।
નાનાલંકારવસ્ત્રં ચ મુક્તામાણિક્યહીરકમ્

શ્રીકૃષ્ણો દેવવર્ગાશ્ચ મુનીન્દ્રસિદ્ધપુંગવાન્ ।
સસ્માર મનસા ભક્ત્યા ભક્તાશ્ચ ભક્તવત્સલઃ

શુભે દિને ચ સંપ્રાપ્તે તે ચ સર્વે સમાયયુઃ ।
મુનીન્દ્રા બાન્ધવા દેવા રાજાનો બહુશસ્તથા

દેવકન્યા નાગકન્યા રાજકન્યાશ્ચ સર્વશઃ ।
વિદ્યાધર્યશ્ચ ગન્ધર્વાશ્ચાઽઽયયુર્વાદ્યભાણ્ડકાઃ

બ્રાહ્મણા ભિક્ષુકા ભટ્ટા યતયો બ્રહ્મચારિણઃ ।
સંન્યાસિનશ્ચાવધૂતા યોગિનશ્ચ સમાયયુઃ

સ્ત્રીબાન્ધવાઃ સ્વબન્ધૂનાં વર્ગા માતામહસ્ય ચ ।
બન્ધૂનાં બાન્ધવાઃ સર્વે સ્વાયયુઃ શુભકર્મણિ

ભીષ્મો દ્રોણશ્ચ કર્ણશ્ચાપ્યશ્વત્થામા કૃપો દ્વિજઃ ।
સુપુત્રો ધૃતરાષ્ટ્રશ્ચ સભાર્યશ્ચ સમાયયૌ

કુન્તી સપુત્રા વિધવા હર્ષશોકસમાપ્લુતા ।
નાનાદેશોદ્ભવા યોગ્યા રાજાનો રાજપુત્રકાઃ

અત્રિર્વસિષ્ઠશ્ચ્યવનો ભરદ્વાજો મહાતપાઃ ।
યાજ્ઞવલ્ક્યશ્ચ ભીમશ્ચ ગાર્ગ્યો ગર્ગો મહાતપાઃ

વત્સઃ સપુત્રશ્ચ ધર્મો જૈગીષવ્યઃ પરાશરઃ ।
પુલહશ્ચ પુલસ્ત્યશ્ચાપ્યગસ્ત્યશ્વાપિ સૌભરિઃ

સનકશ્ચ સનન્દશ્ચ તૃતીયશ્ચ મનાતનઃ ।
સનત્કુમારો ભગવાન્વોઢુઃ પઞ્ચશિખસ્તથા

તુર્વાસાશ્ચાઙ્ગિરા વ્યાસો વ્યાસપુત્રઃ શુકસ્તથા ।
કુશિકઃ કૌશિકો રામ ઋષ્યશૃઙ્ગો વિભાણ્ડકઃ

શૃઙ્ગી ચ વામદેવશ્ચ ગૌતમશ્ચ ગુણાર્ણવઃ ।
ક્રતુર્યતિશ્ચાઽઽરુણિશ્ચ શુક્રાચાર્યો બૃહસ્પતિઃ

અષ્ટાવક્રો વામનશ્ચ વાલ્મીકિઃ પારિભદ્રકઃ ।
પૈલો વૈશંપાયનશ્ચ પ્રચેતાઃ પુરુજિત્તથા

ભૃગુર્મરીચિર્મધુજિત્કશ્યપશ્ચ પ્રજાપતિઃ ।
અદિતિર્દેવમાતા ચ દિતિર્દૈત્યપ્રસૂસ્તથા

સુમન્તુશ્ચ સુભાનુશ્ચ કણ્વઃ કાત્યાયનસ્તથા ।
માર્કણ્ડેયો લોમશશ્ચ કપિલશ્ચ પરાશરઃ

પાણિનિઃ પારિયાત્રશ્ચ પારિભદ્રશ્ચ પુંગવઃ ।
સંવર્તશ્ચાપ્યુતથ્યશ્ચ નરોઽહં ચાપિ નારદ

વિશ્વામિત્રઃ શતાનન્દો જાબાલિસ્તૈતિલસ્તથા ।
સાંદીપનિશ્ચ બ્રહ્માંશો યોગિનાં જ્ઞાનિનાં ગુરુઃ

ઉપમન્યુર્ગૌરમુખો મૈત્રેયશ્ચ શ્રુતશ્રવાઃ ।
કઠઃ કચશ્ચ કરખો ભરદ્વાજશ્ચ ધર્મવિત્

સશિષ્યા મુનયઃ સર્વે વસુદેવાશ્રમં યયુઃ ।
વસુદેવશ્ચ તાન્દૃષ્ટ્વા વવન્દે દણ્ડવદ્ભુવિ

અથાસ્મિન્નન્તરે બ્રહ્મા સસ્મિતો હંસવાહનઃ ।
રત્નનિર્માણયાનેન પાર્વત્યા સહ શંકરઃ

નન્દી સ્વયં મહાકાલો વીરભદ્રઃ સુભદ્રકઃ ।
મણિભદ્રઃ પારિભદ્રઃ કાર્તિકેયો ગણેશ્વરઃ

ગજેન્દ્રેણ મહેન્દ્રશ્ચ ધર્મશ્ચન્દ્રો રવિસ્તથા ।
કુબેરો વરુણશ્ચૈવ પવનો વહ્નિરેવ ચ

યમઃ સંયમિનીનાથો જયન્તો નલકૂબરઃ ।
સર્વે ગ્રહાશ્ચ વસવો રુદ્રાશ્ચ સગણસ્તથા

આદિત્યાશ્ચ તથા શેણો નાનાદેવાઃ સમાયયુઃ ।
વસુદેવશ્ચ ભક્ત્યા ચ વવન્દે શિરસા ભુવિ

તુષ્ટાવ પરયા ભક્ત્યા દેવેન્દ્રાંશ્ચ તથા સુરાન્ ।
ભક્તિન મ્રાત્મમૂર્ધા ચ પુલકાઞ્ચિતવિગ્રહઃ

વસુદેવ ઉવાચ
પરં બ્રહ્મ પરં ધામ પરમેશઃ પરાત્પરઃ ।
સ્વયં વિધાતા મદ્ગેહે જગતાં પરિપાલકઃ

વેદાનાં જનકઃ સ્રષ્ટા સૃષ્ટિહેતુઃ સનાતનઃ ।
સુરાણાં ચ મુનીન્દ્રાણાં સિદ્ધેન્દ્રાણાં ગુરોર્ગુરુઃ

સ્વપ્ને યત્પાદપદ્મં ચ ક્ષણં દ્રષ્ટું સુદુર્લભમ્ ।
શિવસ્મરણમોત્રેણ સર્વાનિષ્ટાઃ પલાયિતાઃ

સર્વસંકટમુત્તીર્ય કલ્યાણં લભતે નરઃ ।
સર્વાગ્રે પૂજનં યસ્ય દેવાનામગ્રણીઃ પરઃ

ઘટેષુ મઙ્ગલં મન્ત્રૈર્ભક્ત્યા ચાઽઽવાહનેન ચ ।
સ્વયં ગણેશો ભગવાન્ સાક્ષાદ્વિઘ્નવિનાશકઃ

કાર્તિકેયશ્ચ ભગવાન્દેવાદીનાં ચ પૂજિતઃ ।
દેવાનાં પ્રવરા પૂજ્યા મહાલક્ષ્મીઃ પરાત્પરા

મદ્ગેહે પાર્વતી માતા જગતામાદિરૂપિણી ।
સર્વશક્તિસ્વરૂપા ચ મૂલપ્રકૃતિરીશ્વરી

પરાપરાણાં પરમા પરબ્રહ્મસ્વરૂપિણી ।
યસ્યાઃ પાદૌ સમારાધ્ય વાઞ્છિતં લભતે નરઃ

શરત્કારે ચ ભક્ત્યા ચ સા સાક્ષાન્મમ મન્દિરે ।
સર્વદેવૈશ્ચ સહિતા સગણા ભક્તવાત્સલા

કૃપામયી ચ કૃપયા ચાઽઽવિર્ભૂતા ચ ભારતે ।
ધન્યોઽહં કૃતકૃત્યોઽહં સફલં જીવનં મમ

આગતાઽસિ યતો દુર્ગે પરમાદ્યા ચ મદ્ગૃહે ।
એવં સર્વાંશ્ચ તુષ્ટાવ ક્રમેણ ચ પરસ્પરમ્

સર્વાન્મુનીન્દ્રાન્વિપ્રાંશ્ચ ગલે બદ્ધ્વાંઽશુકં મુદા ।
પ્રત્યેકં વાસયામાસ રત્નસિહાસને વરે

પૂજયામાસ વિધિવત્ક્રમેણ ચ પૃથક્પૃથક્ ।
પ્રત્યેકં વરયામાસ બ્રહ્માદીંશ્ચ સુરાનપિ

મુનિવર્ગાન્બ્રાહ્મણાંશ્ચ ભક્ત્યા ગર્ગં પુરોહિતમ્ ।
રત્નૈઃ પ્રવાલૈર્મણિભિર્મુવતામાણિક્યહીરકૈઃ

ભૂષણૈર્વસનૈશ્ચૈવ માલ્યૈશ્ચ ગન્ધચન્દનૈઃ ।
લત્નસિહાસને રમ્યે સર્વેષાં મધ્યદેશતઃ

ગણેશં વાસયામાસ પૂજાર્થં શુભકર્મણિ ।
સપ્તતીર્થોદકેનૈવ સુવર્ણકલશેન ચ

પુષ્પજન્દ્રનયુક્તેન શીતેન વાસિતેન ચ ।
સ્વર્ગગઙ્ગાજલેનૈવ પુષ્કરોદકુણ્યતઃ

પઞ્ચામૃતેન શુદ્ધેન પઞ્ચગવ્યેન ભક્તિતઃ ।
હેરમ્બં સ્નાપયામાસ સમુદ્રોદેન મન્ત્રતઃ

વરયામાસ માલ્યેન પારિજાતસ્ય નારદ ।
રત્નેન્દ્રભૂષણેનૈવ વહ્નિશુદ્ધેન વાસસા

ગન્ધયન્દનપુષ્પૈશ્ચ રત્નમાલ્યાઙ્ગુલીયકમ્ ।
તુષ્ટાવ પાર્વતીપુત્રં સર્વદેવાધિપં શુભમ્
વિઘ્નનિઘ્નકરં શાન્તં ભગવન્તં સનાતનમ્

ઇતિ શ્રીબ્રહ્મઓ શ્રીકૃષ્ણજન્મખઓ ઉત્તઓ નારદનાઓ ભગવદુપનયને
ગણેશાભિષેકો નામ નવનવતિતમોઽધ્યાયઃ