બ્રહ્મવૈવર્ત પુરાણ · અધ્યાય 4.95

અથ પઞ્ચનવતિતમોઽધ્યાયઃ
નારાયણ ઉવાચ
ઉદ્ધવસ્ય વચઃ શ્રુત્વા ચેતનં પ્રાપ્ય રાધિકા ।
સા ચોવાચ સમુત્થાય રત્નસિંહાસને વરે

ઉવાચ મધુરં દેવી હૃદયેન વિદૂયતા ।
ગોપીભિઃ સપ્તભિર્ભકત્યા સેવિતા શ્વેતચામરૈઃ

રાધિકોવાચ
મથુરાં ગચ્છવત્સ ત્વં માંચ (ન) વિસ્મર સંવદા ।
અતોઽપ્યધર્મો નાસ્ત્યેવ ભવતો ભવસાગરે

મદીયં વચનં સર્વં ગત્વા કથય સાંપ્રતમ્ ।
શ્રીકૃષ્ણં પરમાનન્દં શીઘ્રમાનય મત્પ્રભુમ્

યોષિજ્જન્મનિ યોષિત્સુ સંપ્રાપ્ય તાદૃશં પતિમ્ ।
ભેદો બભૂવ કસ્યા વા મદન્યા કાઽપિ દુઃખિની

કિં દદાસિ પ્રબોધં મે નાસ્તિ મે બોધનોચિતમ્ ।
નિષ્ફલો દેહિનાં દેહો વિનાઽઽત્માનં સહોદ્ધવ

સંપ્રીત્યા સહ સૌભાગ્યં ગૌરવં નિત્યનૂતનમ્ ।
અતીવ દુર્લભં પ્રેમ રહસ્યં નવસંગમમ્

સ્મરામિ મનસા શશ્વન્નાન્યો મનસિ વર્તતે ।
રાત્રૌ નિદ્રાં પરિત્યજ્ય સ્મરણં શોકવર્ધનમ્

મામુદ્ધર ધ્રુવં વત્સ નિમગ્નાં શોકસાગરે ।
જીવાભવપ્રદાનેન તીર્થે સ્નાનફલં નૃણામ્

પ્રબોધિતું ન શક્નોમિ દુર્નિવારં ચ માનસમ્ ।
ચિન્તયે ચરણામ્ભોજં કૃષ્ણસ્ય પરમાત્મનઃ

તદ્ગુણં મહિમાનં ચ પ્રીતિં ચ પ્રેમસાગરમ્ ।
સ્મારં સ્મારં ચ સૌભાગ્યં મનો મે ન સ્થિરં ચલમ્

જગતાં યુવતીનાં ચ કાસાં વા દુઃખમીદૃશમ્ ।
શ્રીકૃષ્ણભેદદુઃખ ચ કા વા જાનાતિ માં વિના

કિં ચિજ્જાનાતિ સીતા સાઽપ્યહં ચ વિધિબોધિતમ્ ।
મત્પરા દુઃખિની નાસ્તિ કામિનીષુ જગત્ત્રયે

કાવાયાતિ પ્રતીતિં મે શ્રુત્વા ચ માનસીં વ્યથામ્ ।
કાસાં વા મત્સમં દુઃખં યુવતીનાં સુતોદ્ધવ

રાધિકાસદૃશી સ્ત્રીષુ ન ભૂતા ન ભવિષ્યતિ ।
દુઃખિની વિરહાતપ્તા સુખસૌભાગ્યવર્ચિતા

સંપ્રાપ્ય કલ્પવૃક્ષં ચ પતિં ચ જગતાં પતિમ્ ।
વઞ્ચિતાઽહં વિધાત્રા ચ નિર્દયેન ચ પાપિના

જીવનં સફલ જન્મ સુસ્નિગ્ધં ચક્ષુષી મનઃ ।
તત્પાદપદ્મવક્ત્રેન્દુરૂપવેષપ્રદર્શનાત્

યન્નામશ્રુતિમાત્રેણ પઞ્ચ પ્રાણાઃ પ્રહર્ષિતાઃ ।
સ્મૃતિમાત્રાત્પ્રફુલ્લ્યન્ત આત્મા સુસ્નિગ્ધ એવ ચ

યશ્ચ પસ્પર્શ સુરતૌ યશસ્ત્રિભુવનષ્વપિ ।
કથા વા સંપદા વત્સ વિસ્મરામિ તમીશ્વરમ્

ત્રૈલોક્યવિજયં રૂપં ગુણમેવ બિભર્તિ યઃ ।
ન નિર્મિતો યો વિધિના તેનૈવ નિર્મિતો વિધિઃ

તં વિધેશ્ચ વિધાતારં દાતારં સર્વસંપદામ્ ।
કલ્પવૃક્ષાત્પરં શાન્તં લક્ષ્મીકાન્તં મનોહરમ્

સર્વેશં સર્વબીજં ચ પરમાત્માનમીશ્વરમ્ ।
કયા વા સંપદા તાત વિસ્મરામિ ચતં પતિમ્

યસ્ય નિર્મઞ્છનાર્હશ્ચ ન ચન્દ્રો ન ચ મન્મથઃ ।
નૈવાશ્વિનીકુમારશ્ચ ગુણસાભ્યં ન દિશ્વતઃ

ધ્યાયન્તે યત્પદામ્ભોજં બ્રહ્મેશશેષસંજ્ઞકાઃ ।
કયા વા સંપદા તાત વિસ્મરામિ ચ તં પ્રભુમ્

સ્વપ્ને પશ્યન્તિ યે રૂપમતુલં ચ મનોહરમ્ ।
તેઽપિ સર્વં પરિત્યજ્ય ધ્યાયાન્તે તમર્નિશમ્

ગુણેન શૈલઃ સલિલં શુષ્કકાષ્ઠં દ્રવેદિતિ ।
મૃતવૃક્ષો મુકુલિતઃ સ્તમ્ભિતશ્ચ સમીરણઃ

સૂર્યશ્ચ જલધિશ્ચૈવ સ્થગિતો ભક્તિભાવતઃ ।
કયા વા સંપદા પુત્ર વિસ્મરામિ ચતં પ્રિયમ્

યદ્ભયાદ્વાતિ વાતોઽયં સૂર્યસ્તપતિ યદ્ભયાત્ ।
વર્ષતીન્દ્રો દહત્યગ્નિર્મૃત્યુશ્ચરતિ જન્તુષુ

યદ્ભયાત્ફલિનો વૃક્ષાઃ પુષ્પિતાઃ સમયેઽપિ ચ ।
સમુદ્રાઃ સ્વાત્મવિષયે ગ્રહાશ્ચ મુનયઃ સુરાઃ

કાલસ્ય કાલઃ સંહર્તુઃ સંહર્તા સ્રષ્ટુરીશ્વરઃ ।
સ્વાધીનશ્ચ સ્વતન્ત્રશ્ચ સ્વયમેવાઽઽત્મસંજ્ઞકઃ

કયા વા સંપદા ભક્ત વિસ્મરામિ ચ તં પ્રભુમ્ ।
પ્રબોધો નાસ્તિ તદ્ભેદે યેન માં બોધયેદ્બુધઃ

માં ચ બોધયિતું શક્તા ન સાવિત્રી સરસ્વતી ।
ન વેદા ન ચ વેદાઙ્ગાઃ કે વા સન્તશ્ચ કે સુરાઃ

સહસ્રવક્ત્રોઽનન્તશ્ચ વેદાનાં જનકો વિધિઃ ।
ન શંભુનં ગણેશાશ્ચ યોગીન્દ્રાણાં ગુરોર્ગુરુઃ

સ્થિતેર્ગતિશ્ચિન્તનીયા માર્ગશૂન્યે કુતો ગતિઃ ।
કાલસાધ્યં ચ સર્વ ચ સુખં દુઃખં શુભાશુભમ્

દુર્નિવારઃ સ કાલશ્ચ કાલસાધ્યં જગત્સુ ચ ।
ઉત્તિષ્ઠ મથુરાં ગચ્છ સુખં વત્સ મનોહરમ્

વ્રજવાકં પરિત્યજ્ય ભવાંશ્ચ ગમનોત્સુકઃ ।
સુચિરં કૃષ્ણવિચ્છેદો દુઃખાય ન સુખાય ચ

પશ્ય ચન્દ્રમુખં તસ્ય જન્મમૃત્યુજરાપહમ્ ।
રાધિકાવચનં શ્રુત્વા રુરોદ ભૃશમુદ્ધવઃ
રુદતીં રાધિકાં દૃષ્ટ્વા બન્ધુવિચ્છેદકાતરામ્

ઇતિઓ શ્રીબ્રહ્મઓ મહાઓ શ્રીકૃષ્ણજન્મખઓ ઉત્તઓ નારદનાઓ રાધોદ્ધવસંઓ
પઞ્ચનવતિતમોઽધ્યાયઃ