બ્રહ્મવૈવર્ત પુરાણ · અધ્યાય 4.91

અથૈકનવતિતમોઽધ્યાયઃ
શ્રીભગવાનુવાચ
નિષેકેન પરિષ્વઙ્ગો વિભેદસ્તેન વા ભવેત્ ।
ક્ષણેન દર્શનં તેન નિષેકઃ કેન વાર્યતે

ગમનાગમનાર્થ ચાપ્યુદ્ધવઃ કથયિષ્યતિ ।
પ્રસ્થાપયામિ તં શીઘ્રં વિજ્ઞાસ્યસિ તતઃ પિતઃ

યશોદાં રોહિણીં ચૈવ ગોપિકાં ગોપબાલકાન્ ।
પ્રાણાધિકાં રાધિકાં તાં ગત્વા સંબોધયિષ્યતિ

એતસ્મિન્નન્તરે તત્ર વસુદેવશ્ચ દેવકી ।
બલદેવશ્ચોદ્ધવશ્ચ તથાઽક્રૂરશ્ચ સત્વરમ્

વસુદેવ ઉવાચ
નન્દ ત્વં બલવાઞ્જ્ઞાની સદ્બન્ધુશ્ચ સખા મમ ।
ત્યજ મોહં ગૃહં ગચ્છ વત્સસ્તેઽયં યથા મમ

દૂરીભૂતા ગોકુલાચ્ચ મથુરા નાસ્તિ બાન્ધવ ।
મહોત્સવે સદાનન્દે નન્દ દ્રક્ષ્યસિ પુત્રકમ્

દેવક્યુવાચ
યથાઽયમાવયોઃ પુત્રસ્તથૈવ ભવતો ધ્રુવમ્ ।
સાલસઃ કેન હે નન્દ શુચા દેહો હિ લક્ષ્યતે

એકાદશાબ્દં સબલઃ સ્થિત્વા તે મન્દિરે સુખમ્ ।
કથં સ્વલ્પદિનેનૈવ શોકગ્રસ્તો ભવિષ્યસિ

તિષ્ઠ પુત્રેણ સાર્ધં ચ મથુરાયાં કિયદ્દિનમ્ ।
પૂર્ણચન્દ્રાનનં પશ્ય જન્મ ત્વં સફલં કુરુ

શ્રીભગવાનુવાચ
ઘચ્છોદ્ધવ સુખં ભદ્રં ભવિષ્યતિ તવ પ્રિયમ્ ।
પ્રહર્ષ ગોકુલં ગત્વા યશોદાં રોહિણીં પ્રસૂમ્

ગોપવાલસમૂહં ચ રાધિકાં ગોપિકાગણમ્ ।
પ્રબોધયાઽઽધ્યાત્મિકેન મદ્દત્તેન શુચશ્છિદા

નન્દસ્તિષ્ઠતુ સાનન્દં મન્માતુરાજ્ઞયા શુચા ।
નન્દસ્થિતિં સદ્વિનયં યશોદાં કથયિષ્યસિ

ઇત્યેવમુક્ત્વા શ્રીકૃષ્ણઃ પિત્રા માત્રા બલેન ચ ।
અક્રૂરેણ સમં તૂર્ણ યયાવભ્યન્તરં ગૃહમ્

ઉદ્ધવો રજનીં સ્થિત્વા મથુરાયાં ચ નારદ ।
પ્રભાતે પ્રયયૌ શીઘ્રં રમ્યં વૃન્દાવનં વનમ્

ઇતિ શ્રીબ્રહ્મઓ મહાઓ શ્રીકૃષ્ણજન્મખઓ ઉત્તઓ નારદાનાઓ એકનવ-
તિતમોઽધ્યાયઃ