બ્રહ્મવૈવર્ત પુરાણ · અધ્યાય 4.82

અથ દ્વ્યશીતિતમોઽધ્યાયઃ
નન્દ ઉવાચ
શ્રુતં સર્વં મહાભાગ દુઃસ્વપ્નં કથય પ્રભો ।
ઉવાચ તં વૈ ભગવાઞ્છ્રૂયતામિતિ તદ્વચઃ

શ્રીભગવાનુવાચ
સ્વપ્ને હસતિ યો હર્ષાદ્વિવાહં યદિ પશ્યતિ ।
નર્તનં ગીતમિષ્ટં ચ વિપત્તિસ્તસ્ય નિશ્ચિતમ્

દન્તા યસ્ય વિબીડ્યન્તે વિચરન્તં ચ પશ્યતિ ।
ધનહાનિર્ભવેત્તસ્ય પીડા ચાપિ શરીરજા

અમ્યઙ્ગિતસ્તુ તૈલેન યો ગચ્છેદ્દક્ષિણાં દિશમ્ ।
ખરોષ્ટ્રમહિષારૂઢો મૃત્યુસ્તસ્ય ન સંશયઃ

સ્વપને કર્ણે જપાપુષ્પમશોકં કરવીરકમ્ ।
વિપત્તિસ્તસ્ય તૈલં ચ લવણં યદિ પશ્યતિ

નગ્નાં કૃષ્ણાં છિન્નનાસાં શૂદ્રસ્ય વિધવાં તથા ।
કપર્દકં તાલફલં દૃષ્ટ્વા શોકમવાપ્નુયાત્

સ્વપ્ને રુષ્ટં બ્રાહ્મણં ચ બ્રાહ્મણીં કોપસંયુતામ્ ।
વિપત્તિશ્ચ ભવેત્તસ્ય લક્ષ્મીર્યાતિ ગૃહાદ્ધ્રુવમ્

વનપુષ્પં રક્તપુષ્પં પલાશં ચ સુપુષ્પિતમ્ ।
કાર્પાસં શુક્લવસ્ત્રં ચ દૃષ્ટ્વા દુઃખમવાપ્નુયાત્

ગાયન્તીં ચ હસન્તીં ચ કૃષ્ણામ્બરધરાં સ્ત્રિયમ્ ।
દૃષ્ટ્વા કૃષ્ણાં ચ વિધવાં નરો મૃત્યુમવાપ્નુયાત્

દેવતા યત્ર નૃત્યન્તિ ગાયન્તિ ચ હસન્તિ ચ ।
આસ્ફોટયન્તિ ધાવન્તિ તસ્ય દેહો મરિષ્યતિ

વાન્તં મૂત્રં પુરીષં ચ વૈદ્યં રૌપ્યં સુવર્ણકમ્ ।
પ્રત્યક્ષમથવા સ્વપ્ને જીવિતં દશમાવધિ

કૃષ્ણામ્બરધરાં નારીં કૃષ્ણમાલ્યાનુલેપનામ્ ।
ઉપગૂહતિ યઃ સ્વપ્ને તસ્ય મૃત્યુર્ભવિષ્યતિ

મૃતવત્સં ચ મુણ્ડં ચ મૃગસ્ય ચ નરસ્ય ચ ।
યઃ પ્રાપ્તોત્યસ્થિમાલાં ચ વિપત્તિસ્તસ્ય નિશ્ચિતમ્

રથં ખરોષ્ટ્રસંયુક્તમેકાકી યોઽધિરોહયેત્ ।
તત્રસ્થોઽપિ ચ જાગર્તિ મૃત્યુરેવ ન સંશયઃ

અમ્યઙ્ગિસ્તુ હવિષા ક્ષીરેણ મધુનાઽપિ ચ ।
તક્રેણાપિ ગુડેનૈવ પીડા તસ્ય વિનિશ્ચિતમ્

રક્તામ્બરધરાં નારીં રક્તમાલ્યાનુલેપરામ્ ।
ઉપગૂહતિ યઃ સ્વપ્ને તસ્ય વ્યાધિર્વિનિશ્ચિતમ્

પતિતાન્નખરેશાંશ્ચ નિર્વાણાઙ્ગારમેવ ચ ।
ભસ્મબૂર્ણાં ચિતાં દૃષ્ટ્વા લભતે મૃત્યુમેવ ચ

શ્મશાનં શુષ્કકાષ્ઠં ચ તૃણાનિ લોહમેવ ચ ।
શમીં ચ કિં ચિત્કૃષ્ણાશ્વં દૃષ્ટ્વા દુઃખં લભેદ્ધ્રુવમ્

પાદુકાં ફલકં રક્તં પુષ્પમાલ્યં ભયાનકમ્ ।
માષં મસૂરં મુદ્ગં વા દૃષ્ટ્વા સદ્યો વ્રણં લભેત્

કટકં સરઠં કાકં ભલ્લૂકં વાનરં ગવમ્ ।
પૂયં ગાત્રમલં સ્વપ્ને કેવલં વ્યાધિકારણમ્

ભગ્નભાણ્ડં ક્ષતં શૂદ્રં ગલત્કુષ્ઠં ચ રોગિણમ્ ।
રક્તામ્બરં ચ જટિલં સૂકરં મહિષં ખરમ્

અન્ધકારં મહાઘોરં મૃતજીવં ભયંકરમ્ ।
દૃષ્ટ્વા સ્વપ્ને યોનિલિઙ્ગ વિપત્તિં લભતેધ્રુવમ્

કુવેષરુપં મલેચ્છં ચ યમદૂતં ભયંકરમ્ ।
પાશહસ્તં પાશશસ્ત્રં દૃષ્ટ્વા મૃત્યું લભેન્નરઃ

બ્રહ્મણો બ્રાહ્મણી બાલા બાલકો વા સુતઃ સુતા ।
વિલાપં કુરુતે કોપાદ્દૃષ્ટ્વા દુઃખમવાપ્નુયાત્

કૃષ્ણં પુષ્પં ચ તન્માલ્યં સસ્યં શસ્ત્રાસ્ત્રધારિણમ્ ।
મ્લેચ્છાં ચ વિકૃતાકારં દૃષ્ટ્વા મૃત્યુંલભેદ્ધ્રુવમ્

ત્યક્તપ્રાણં મૃતં દૃષ્ટ્વા મૃત્યું ચ લભતે ધ્રુવમ્ ।
મત્સ્યાદિ ધારયેદ્યો હિ તદ્ભ્રાતુર્મરણં ધ્રુવમ્

વાદ્યં ચ નર્તનં ગીતં ગાયનં રક્તવાસસમ્ ।
મૃદઙ્ગવાદ્યમાનં તં દૃષ્ટ્વા દુઃખં લભેદ્ધ્રુવમ્

છિન્નં વાઽપિ કબન્ધં વા વિકૃતં મુક્તકેશિનમ્ ।
ક્ષિપં નૃત્યં ચ કુર્વન્તં દૃષ્ટ્વા મૃત્યું લભેન્નરઃ

મૃતો વાઽપિ મૃતા વાઽપિ કૃષ્ણા મ્લેચ્છા ભયાનકા ।
ઉપગૂહતિ યં સ્વપ્ને તસ્ય મૃત્યુર્વિનિશ્ચિતમ્

યેષાં દન્તાશ્ચ ભગ્નાશ્ચ કેશાશ્ચાપિ પતન્તિ હિ ।
ધનહાનિર્ભવેત્તસ્ય પીડા વા તચ્છરીરજા

ઉપદ્રવન્તિ યં સ્વપ્ને શ્રૃઙ્ગિણો દંષ્ટ્રિણોઽપિ વા ।
બાલકા માનવાશ્ચૈવ તસ્ય રાજકુલાદ્ભયમ્

છિન્નવૃઙં પતન્તં ચ શિલાવૃષ્ટિં તુષંક્ષુરમ્ ।
રક્તાઙ્ગારં ભસ્મવૃષ્ટિં દૃષ્ટ્વા દુઃખમાવાપ્નુયાત્

ગૃહં પતન્તં શૈલં વા ધૂમકેતું ભયાનકમ્ ।
ભગ્નસ્કન્ધં તરોર્વાઽપિ દૃષ્ટ્વા દુઃખમવાપ્નુયાત્

રથગેહશૈલવૃક્ષગોહસ્તિતુરગામ્બરાત્ ।
ભૂમૌ પતતિ યઃ સ્વપ્ને વિપત્તિસ્તસ્ય નિશ્ચિતમ્

ઉચ્ચૈઃ પતન્તિ ગર્તેષુ ભસ્માઙ્ગારયુતેષુ ચ ।
ક્ષારકુણ્ડેષુ ચૂર્ણેષુ મૃત્યુસ્તેષાં ન સંશયઃ

બલાદ્ગૃહ્ણાતિ દુષ્ટશ્ચચ્છત્રં ચ યસ્ય મસ્તકાત્ ।
પિતુર્નાશો ભવેત્તસ્ય ગુરોર્વાઽપિ નૃપસ્ય વા

સુરભિર્યસ્ય ગેહાચ્ચ યાતિ ત્રસ્તા સવત્મિકા ।
પ્રયાતિ પાપિનસ્તસ્ય લક્ષ્મીરપિ વસુંધરા

પાશેન કૃત્વા બદ્વં ચ યં ગૃહીત્વા પ્રયાન્તિ ચ ।
યમદૂતાશ્ચ યે મ્લેચ્છાસ્તસ્ય મૃત્યુર્વિનિશ્ચિતમ્

ગણકો બ્રાહ્મણો વાઽપિ બ્રાહ્મણી વા ગુરુસ્તથા ।
પરિરુષ્ટઃ શપતિ યં વિપત્તિસ્તસ્ય નિશ્ચિતમ્

વિરોધિનશ્ય કાકાશ્ચ કુક્કુટા ભલ્લુકાસ્તથા ।
પતન્ત્યાગત્ય યદ્ગાત્રે તસ્ય મૃત્યુર્ન સંશયઃ

મહિષા ભલ્લુકા ઉષ્ટ્રા સૂકરા ગર્દભાસ્તથા ।
રુષ્ટા ધાવન્તિ યં સ્વપ્ને સ રોગી નિશ્ચિતં ભવેત્

રક્તચન્દનકાષ્ઠાનિ ઘૃતાક્તાનિ જુહોતિ યઃ ।
ગાયત્ર્યાશ્ચ મહસ્રેણ તેન શાન્તિર્વિધીયતે

સહસ્રધા ચપેદ્યો હિ ભક્ત્યૈનં મધુસૂદનમ્ ।
નિષ્પાણો હિ ભવેત્સોઽપિ દુઃસ્વપ્નઃ સુસ્વપ્નો ભવેત્

અચ્યુતં કેશવં વિષ્ણું હરિં સત્યં જનાર્દનમ્ ।
હંસં નારાયણં ચૈવ હ્યેતન્નામાષ્ટકં શુભમ્

શુચિઃ પૂર્વમુખઃ પ્રાજ્ઞો દશકૃત્વશ્ચ યો જપેત્ ।
નિષ્પાપોઽપિ ભવેત્સોઽપિ દુઃસ્વપ્નઃ શુભવાન્ભવેત્

વિષ્ણું નારાયણં કૃષ્ણં માધવં મધુમૂદનમ્ ।
હરિં નરહરિં રામં ગોવિન્દં દધિવામનમ્

ભક્ત્યા ચેમાનિ નામાનિ દશ ભદ્રાણિયો જપેત્ ।
શતકૃત્યો ભક્તિયુક્તો જપ્ત્વા નીરોગતાં વ્રજેત્

લક્ષધા હિ જપેદ્યો હિ બન્ધનાન્મુચ્યતે ધ્રુવમ્ ।
જપ્ત્વા ચ દશલક્ષં ચ મહાવન્ધ્યા પ્રસૂયતે

હવિષ્યાશી યતઃ શુદ્ધો દરિદ્રો ધનવાન્ભવેત્ ।
શતલક્ષં ચ જપ્ત્વા ચ જીવન્મુક્તો ભવેન્નરઃ

ઓં નમઃ શિવં દુર્ગાં ગણપતિં કાર્તિકેયં દિનેશ્વનમ્ ।
ધર્મં ગઙ્ગાં ચ તુલસીં રાધાં લક્ષ્મીં સરસ્વતીમ્

નામાન્યેતાનિ ભદ્રાણિ જલે સ્નાત્વા ચ યો જપેત્ ।
વાઞ્છિતં ચ લભેત્સોઽપિ દુઃસ્વપ્નઃ શુભવાન્ભવેત્

ઓં હ્રીં ક્લીં પૂર્વદૂર્ગતિનાશિન્યૈ મહામાયાયૈ સ્વાહા ।
કલ્પવૃક્ષો હિ લોકાનાં સન્ત્રઃ સપ્તદશાક્ષરઃ

શુચિશ્ચ દશધા જપ્ત્વા દુઃસ્વપ્નઃ સુખવાન્ભવેત્ ।
શતલક્ષજપેનૈવ મન્ત્રસિદ્ધિર્ભવેન્નૃણામ્

સિદ્ધમન્ત્રસ્તુ લભતે સર્વસિદ્ધિં ચ વાઞ્છિતમ્ ।
ઓં નમો મૃત્યુંજયાયેતિ સ્વાહાન્તં લક્ષધા જપેત્

દૃષ્ટ્વા ચ મરણં સ્વપ્ને શતાયુશ્ચ ભવેન્નરઃ ।
પૂર્વોત્તરમુખો ભૂત્વા સ્વપ્નં પ્રાજ્ઞે પ્રકાશયેત્

કાશ્યપે દુર્ગતે નીચે દેવબ્રાહ્મણનિન્દકે ।
મૂર્ખે ચૈવાનભિજ્ઞે ચ ન ચ સ્વપ્નં પ્રકાશયેત્

અશ્વત્થે ગણકે વિપ્રે પિતૃદેવાસનેષુ ચ ।
આર્યે ચ વૈષ્ણવે મિત્રે દિવા સ્વપ્નં પ્રકાશયેત્

ઇતિ તે પુણ્યમાખ્યાતં કથિતં પાપનાશનમ્ ।
ધન્યં યશસ્યમાયુષ્યં કિં ભૂયઃ શ્રોતુમિચ્છસિ

ઇતિ શ્રીબ્રહ્મઓ મહાઓ શ્રીકૃષ્ણજન્મખઓ ઉત્તઓ નારદનાઓ ભગવન્નન્દસંઓ
દ્વ્યશીતિતમોઽધ્યાયઃ