બ્રહ્મવૈવર્ત પુરાણ · અધ્યાય 4.80

અથાશોતિતમોઽધ્યાયઃ
શ્રીકૃષ્ણ ઉવાચ
પુરા તારા ગુરોઃ પત્ની નવયૌવનસંયુતા ।
રત્નભૂષણભૂષાઢ્યા વરસૂક્ષ્મામ્બરા સતી

સુશ્રોણી સસ્મિતા રમ્ય સુન્દરી સુમનોહરા ।
અતીવ કબરીરમ્યા માલતીમાલ્યભૂષિતા

મિન્દૂરબિન્દુના સાકં ચારુચંદનબિન્દુભિ। ।
કસ્તૂરીબિન્દુનાઽધશ્ચ ભાલમધ્યસ્થલોજ્જ્વલા

રત્નેન્દ્રસારનિર્માણક્વણન્મઞ્જીરરઞ્જિતા ।
સુવક્રલોચના શ્યામા સુચારુકજ્જલોજ્જ્વલા

સુચારુસારમુક્તાભદન્તપઙ્ક્તિમનોહરા ।
રત્નકુણ્ડલયુગ્મેન ચારુગણ્ડસ્થલોજ્જ્વલા

કામિનીષ્વતુલા બાલા ગજેન્દ્રમન્દગામિની ।
સુકોમલા ચન્દ્રમુખી કામાધારા ચ કામુકી

સ્વર્ગમન્દાકિનીતીરે સ્નાતા સ્નિગ્ધામ્બરા વરા ।
ધ્યાયન્તી ગુરુપાદં સા સ્વગૃહં ગમનોન્મુખી

દૃષ્ટ્વા તસ્યાશ્ચ સર્વાઙ્ગમનઙ્ગબાણપીડિતઃ ।
ભાદ્રે ચતુર્થ્યાં ચન્દ્રશ્ચ જહાર ચેતનાં વ્રજ

જ્ઞાનં ક્ષણેન સંપ્રાપ્ય રથસ્થો રમિકો બલી ।
રથમારોહયામાસ કરે ધૃત્વા ચ તારકમ્

કામોન્મત્તઃ કામિનીં તાં સમાશ્લિષ્ય ચુચુમ્બ ચ ।
શૃઙ્ગારં કર્તુમુદ્યુક્તં તમુવાચ ગુરુપ્રિયા

તારકોવાચ
ત્યજ માં ત્યજ માં ચન્દ્ર સુરેષુ કુલપાંસન ।
ગુરુપત્નીં બ્રાહ્મણીં ચ પાતિવ્રત્યપરાયણામ્

ગુરુપત્નીસંગમને બ્રહ્મહત્યાશતં ભવેત્ ।
ગુરુપત્ની વિપ્રપત્ની યદિ સા ચ પતિવ્રતા

બ્રહ્મહત્યાસહસ્રં ચ તસ્યાઃ સંગમને લભેત્ ।
પુત્રસ્ત્વં તવ માતાઽહં ધૈર્ય કુરુ સુરેશ્વાર

ધિક્ત્વાં શ્રુત્વા સુરગુરુર્ભસ્મીભૂતં કરિષ્યતિ ।
પુત્રાધિકશ્ચ શિષ્યશ્ચ પ્રિયો મત્સ્વામિનો ભવાન્

સ્વધર્મ રક્ષ પાપિષ્ઠ મામેવં માતરં ત્યજ ।
દાસ્યામિ સ્ત્રીવધં તુમ્યં યદિમાં સંગ્રહીષ્યસિ

વિલઙ્ધ્ય તારાવચનં તાં ચ સંભોક્તુમુદ્યતમ્ ।
શશાપ તારા કોપેન નિષ્કામા સા પતિવ્રતા

રાહુગ્રસ્તો ઘનગ્રસ્તઃ પાપદૃશ્યો ભવાન્ભવ ।
કલઙ્કી યક્ષ્મણા ગ્રસ્તો ભવિષ્યસિ ન સંશયઃ

ચન્દ્રં શપ્ત્વા તદા તૂર્ણ કામદેવં શશાપ સા ।
તેજસ્વિના કેનચિત્ત્વં ભસ્મીભૂતો ભવિષ્યસિ

ચન્દ્રસ્તારાં ગૃહીત્વા ચ કૃત્વાઽપિ રમણં વ્રજ ।
ક્રોડેનિધાય પ્રયયૌ રુદતીં તા શુચાઽન્વિતામ્

નિર્જને નિર્જને રમ્યે શૈલે શૈલે મનોહરે ।
સરોનદનદીનાં ચ તીરે તીરે મનોહરે

મધુવ્રતપિકોક્તે ચ પુષ્પોદ્યાને સુપુષ્પિતે ।
રમ્યાયાં પુષ્પશથ્યાયાં સ રેમે રામયા સહ

ચદનોક્ષિતસર્વાઙ્ગો મધુપાનરતઃ સુરઃ ।
સુખસંભોગસંસક્તો બુબુધે ન દિવાનિશમ્

મલયે મલયારણ્યે મલયાનિલસંયુતે ।
સ્યન્દને ચન્દનવને પશ્ચિમોદધિસંનિધૌ

ત્રિકૂટે વટમૂલે ચ તત્ર ચન્દ્રસરોવરે ।
સુચારુશતપત્રાણાં પત્રે ચન્દનચર્ચિતે

સુચારુચમ્પકોદ્યાને ચમ્પકાનિલપૂજિતે ।
ક્ષીરોદકાઞ્ચનીભૂમૌ ક્રૌઞ્ચકાઞ્ચનપર્વતે

રત્નશૈલે મણિમયે મણિમન્દિરસુન્દરે ।
માણિક્યમુક્તાસારેણ હીરહારેણ શોભિતે

સુચારુવસ્ત્રચિત્રાઢ્યે શ્વેતચામારદર્પણૈઃ ।
ભૂષિતે રત્નદીપૈશ્ચ દેવક્રીડે પ્રિયસ્થલે

વારુણીં મદિરાં પીત્વા વરુણાનીસમન્વિતઃ ।
બરુણો રમતે યત્ર તત્ર રેમે તયા સહ

પાવને પવનોદ્યાને પરિજાતાનિલેન ચ ।
સુગન્ધિમોહિતે રત્નમાલાતીરે ચ નિર્મલે

ઋક્ષશૈલે કલ્પવૃક્ષવને વહ્નિપ્રિયાશ્રમે ।
પપૌ ચ કામધેનૂનાં ક્ષીરં ક્ષીરોદધેસ્તટે

વહ્નિશુદ્ધાંશુકયુગં વહ્નિસ્તસ્મૈ દદૌ મુદા ।
વરુણો રત્નમાલાં ચ નત્નચ્છત્રં સમીરણઃ

તત્ર દૃષ્ટ્વાઽસુરગુરં બલિગેહાત્સમાગતમ્ ।
પ્રણમ્ય સર્વમુક્ત્વા ચ ચન્દ્રસ્તં શરણં યયૌ

શુક્રસ્તં બોધયામાસ વચનં નીતિયુક્તિતઃ ।
નિરપેક્ષો સુનિશ્રેષ્ઠો વેદવેદાઙ્ગપારગઃ

શુક્ર ઉવાચ
શૃણુ વત્સ પ્રવક્ષ્યામિ ગુરવે દેહિ તારકામ્ ।
શંભોશ્ચ સુરુપુત્રાય પૌત્રાય બ્રહ્મણશ્ચ વૈ

પૂજિતાય સુરાર્ણા ચ દેયા તસ્મૈ નિશાપતે ।
પ્રિયાય તત્પ્રિર્યાં દત્તવા શીઘ્રં ત્વં શરણં વ્રજ

ગુરુપત્નીં માતૃતુલ્યાં ત્યજ સદ્વચનાદ્વિધો ।
કુરુ પાપક્ષયં પાપનિવૃત્તિસ્તુ મહાફલા

સતીનાં ગુરુપત્નીર્નાં ગ્રહણે ચ બલેન ચ ।
બ્રહ્મહત્યાસહસ્રાર્ણાં પાતકં લભતે જનઃ

કુમ્ભીપાકે ચ પચ્યન્તે યાવદ્વૈ બ્રહ્મણઃ શતમ્ ।
સામ્યં નારાયણસ્થાને તૃણપર્વતયોઃ સુર

કસ્ત્વં વત્સ હરેઃ સ્થાને કર્મભોગોઽસ્તિ બ્રહ્મણઃ ।
નારાયણાશ્રીતાઃ સર્વે જીવિનસ્ત્રિવિધા ભવે

ઇતિ શ્રીબ્રહ્મઓ મહાઓ શ્રીકૃષ્ણજન્મખઓ ઉત્તઓ નારદનાઓ
ભગવન્નન્દસંઓ તારાહરણેઽશીતિતમોઽધ્યાયઃ