બ્રહ્મવૈવર્ત પુરાણ · અધ્યાય 4.68

અથાષ્ટષષ્ટિતમોઽધ્યાયઃ
નારાયણ ઉવાચ
કૃત્વા ક્રીડાં સમુત્થાય પુષ્પતલ્પાત્પુરાતનઃ ।
નિદ્રિતાં પ્રાણસદૃશીં બોધયામાસ તત્ક્ષણમ્

વસ્ત્રાઞ્ચલેન સંસ્કૃત્ય કૃત્વા તન્નિર્મલં મુખમ્ ।
ઉવાચ મધુરં શાન્તં શાન્તાં ચ મધુસૂદનઃ

શ્રીકૃષ્ણ ઉવાચ
અયિ તિષ્ઠક્ષણં રાધે રાસેશ્વરિ શુચિસ્મિતે ।
વ્રજ બૃન્દાવનં વાઽપિ વ્રજં વ્રજ વ્રજેશ્વરિ

રાસાધિષ્ઠાતૃતેવિ ત્વં રાસં રાસે કુરુ ક્ષણમ્ ।
ગ્રામે ગ્રામે યથા સન્તિ સર્વત્ર ગ્રામદેવતાઃ

પ્રિયારલિનિવહૈઃ સાર્ધં ક્ષણં ચન્દનકાનનમ્ ।
ક્ષણં વા ચમ્પકવનં ઘચ્છ વા તિષ્ઠ સુન્દરિ

ક્ષણં ગૃહં ચ યાસ્યામિ વિશિષ્ટં કાર્યમસ્તિ મે ।
વિદાયં દેહિ મે પ્રીત્યા ક્ષણં માં પ્રાણવલ્લભે

પ્રાણાધિષ્ઠાતૃદેવી ત્વં પ્રાણાશ્ચ ત્વયિ સન્તિ મે ।
પ્રાણી વિહાય પ્રણાંશ્ચ કુત્ર સ્થાતું ક્ષમઃ પ્રિયે

ત્વયિ મે માનસં શશ્વત્તવં મે સંસારવાસના ।
ત્વત્તો મમ પ્રિયા નાસ્તિ ત્વમેવ શંકરાત્પ્રિયા

પ્રાણા મે શંકરઃ સત્યં ત્વં ચ પ્રાણાધિકા સતિ ।
ઇત્યુક્ત્વા તાં સમાશ્લિષ્ય ભગવાન્ ગન્તુસુદ્યતઃ

અક્રૂરાગમનં જ્ઞાત્વા સર્વજ્ઞઃ સર્વસાધનઃ ।
આત્મા પાતા ચ સર્વેષાં સર્વોપકારકારકઃ

દૃષ્ટ્વા તમેવ ગચ્છન્તમુત્સુકં ભિન્નમાનસમ્ ।
ઉવાચ રાધિકા દેવી હૃદયેન વિદૂયતા

રાધિકોવાચ
હે નાથ રમણપ્રેષ્ઠ શ્રેષ્ઠશ્ચ પ્રેયસાં મમ ।
હે કૃષ્ણ હે રમાનાથ વ્રજેશ મા દ્રજ વ્રજમ્

અધુના ત્વાં પ્રાણનાથ પશ્યામિ ભિન્નમાનસમ્ ।
ગતે ત્વયિ મમ પ્રેમ ગતં સૌભાગ્યમેવ ચ

ક્વ યાસિ માં વિનિક્ષિપ્ય ગમ્ભીરે શોકસાગરે ।
વિરહવ્યાકુલાં દીનાં ત્વય્યેવ શરણાગતામ્

ન યાસ્યામિ પુનર્ગેહં યાસ્યામિ કાનનાન્તરમ્ ।
કૃષ્ણ કૃષ્ણેતિ કૃષ્ણેતિ ગાયં ગાયં દિવાનિશમ્

ન યાસ્યામ્યથવાઽરણ્યં યાસ્યામિ કામસાગરે ।
તત્ર ત્વત્કામનાં કૃત્વા ત્યક્ષ્યામિ ચ કલેવરમ્

યથાઽઽકાશો યથાઽઽત્મા ચ યથા ચન્દ્રો થા રવિઃ ।
તથા ત્વં યાસિ મત્પાર્શ્વે નિબદ્ધો વસનાઞ્ચલે

અધુના યાસિ નૈરાશ્યં કૃત્વા મે દીનવત્સલ ।
ન યુક્તં હિ પરિત્યક્તું દીનાં માં શરણાગતામ્

યત્પાદપદ્મં ધયાયન્તે બ્રહ્મવિષ્ણુશિવાદયઃ ।
ત્વાં માયયા ગોપવેષં કથં જાનામિ મત્સરી

કૃતં યદ્દેવ દુર્નીતમપરાધસહસ્રકમ્ ।
યદુક્તં પતિભાવેન ચાભિમાનેન તત્ક્ષમ

ચૂર્ણોભૂતશ્ચ મદ્ગર્વો દૂરીભૂતો મનોરથઃ ।
વિજ્ઞાતુમાત્મસૌભાગ્યં કિમન્યત્કથયામિ તે

જ્ઞાત્વા ગર્ગમુખચ્છ્રુત્વા મોહિતા તવ માયયા ।
ત્વાં ચ વક્તું ન શક્નોમિ પ્રેમ્ણા વા ભક્તિપાશતઃ

યાસિ ચેન્માં પરિત્યજ્ય સકલઙ્કો ભવિષ્યસિ ।
ત્વત્પુત્રપૌત્રા નશ્યન્તિ બ્રહ્મમોપાનલેન ચ

ક્ષણં યુગશતં મન્યે ત્વાં વિના પ્રાણવલ્લભમ્ ।
કથં શતાબ્દં ત્વાં ત્યક્ત્વા બિભર્મિ જીવનં પ્રભી

ઇત્યુક્ત્વા રાધિકા મોપાત્પપાત ધરણીતલે ।
મૂર્ચ્છં સંપ્રાપ સહસા જહાર ચેતનાં મુને

કુષ્ણસ્તાં મૂર્ચ્છિતાં દૃષ્ટ્વા કૃપયા ચ કૃપાનિધિઃ ।
ચેતનાં કારયિત્વા ચ વાસયામાસ વક્ષસિ

બોધયામાસ વિવિધં યોગૈઃશોકવિખણ્ડનૈઃ ।
તથાઽપિ શોકં ત્યક્તું ચ ન શશાક શુચિસ્મિતા

સામાન્યવસ્તુવિશ્લેષીનૃણાં શોકાય કેવલમ્।
દેહાત્મનોશ્ચ વિચ્છેદઃ ક્વ સુખાય પ્રકલ્પતે

ન યયૌ તત્ર દિવસે વ્રજરાજો વ્રજં પતિ ।
ક્રીડાસરોવરાભ્યાશં પ્રયયૌ રાધાયા સહ

તત્ર ગત્વા પુનઃ ક્રીડાં ચકાર ચ તયા સહ ।
વિજહૌ ક્રિહજ્વાલાં રાસે રાસેશ્વરી મુદા

રાધા સા સ્વામિના સાર્ધં પુષ્પચન્દનચર્ચિતા ।
પુષ્પચન્દનતલ્પે ચ તસ્થૌ રહસિ નારદ

ઇતિ શ્રીબ્રહ્મઓ મહાઓ શ્રીકૃષ્ણજન્માખઓ ઉત્તઓ નારદનાઓ રાધાશોક-
વિમોચનં નામાષ્ટષષ્ટિતમોઽધ્યાયઃ