બ્રહ્મવૈવર્ત પુરાણ · અધ્યાય 4.65

અથ પઞ્ચષષ્ટિતમોઽધ્યાયઃ
નારાયમ ઉવાચ
કંસસ્ય વચનં શ્રુત્વા સોઽક્રૂરો ધર્મિણાં વરઃ ।
ઉવાચ ચૌદ્ધવં શાન્તં શાન્તઃ પ્રહૃષ્ટમાનસઃ

અક્રૂર ઉવાચ
સુપ્રભાતાઽદ્ય રજની બભૂવ મે શુભં દિનમ્ ।
તુષ્ટાશ્ચ ગુરવો વિબ્રા દેવા મામિતિ નિશ્ચિતમ્

કોટિજન્માર્જિતં પુણ્યં મમ સ્વયમુપસ્થિતમ્ ।
બભૂવ મે સમુત્પન્નં યદ્યત્કર્મ શુભાશુભમ્

ચિચ્છેદ બન્ધનિગડં મમ બદ્ધસ્ય કર્મણા ।
કારાગારાશ્ચ સંસારાન્મુક્તો યામિ હરેઃપદમ્

સુહૃદર્થો કૃતોઽહં ચ કંસેન વિદુષા રુષા ।
વરેણ તુલ્યો દેવસ્ય ક્રોધો મમ બભૂવ હ

વ્રજરાજ સમાહર્તું વ્રજં યાસ્યામિ સાંપ્રતમ્ ।
દ્રક્ષ્યામિ પરમં પૂજ્યં ભુક્તિમુક્તિપ્રદાયિનમ્

નવીનજલદશ્યામં નીલેન્દીવરનોચનમ્ ।
પીતવસ્ત્રસમાયુક્તકટિદેશવિરાજિતમ્

ધૂલિધૂસરિતાઙ્ગં ચ કિંવા ચન્દનચર્ચિતમ્ ।
અથાવ નવનીતાક્તમઙ્ગં દ્રક્ષ્યામિ સસ્મિતમ્

કિંવા વિનોદમુરલીં વાદયન્તં મનોહરમ્ ।
કિંવા ગવાં સમૂહં ચ ચારજન્તમિતસ્તતઃ

કિંવા વસન્તં ગચ્છન્તં શયાનં વા સુનિશ્ચિતમ્ ।
નિદ્રેશં કીદૃશં ચાદ્ય સુદૃષ્ટ્વા ચ શુભે ક્ષણો

યત્પાદપદ્મં ધ્યાયન્તે બ્રહ્મવિષ્ણુશિવાદયઃ ।
ન હિ જાનાતિ યસ્યાન્તમનન્તોઽનન્તવિગ્રહઃ

યત્પ્રભાવં ન જાનન્તિ દેવાઃ સન્તશ્ચ સંતતમ્ ।
સ્ય સ્તોત્રે જડીભૂતા ભીતા દેવી સરસ્વતી

દાસીનિયુક્તા યદ્દાસ્યો મહાલક્ષમીશ્ચ લક્ષીતા ।
ગઙ્મા યસ્ય પદામ્ભોજાન્નિઃસૃતા સત્તવ રૂમિણી

જન્મમૃત્યુજરાવ્યાધિહરા ત્રિભુવનાત્પરા ।
દર્શનસ્પર્શનાભ્યાં ચ નૃણાં પાતકનાશિની

ધ્યાયતે યત્પદામ્ભોજં દુર્ગા દુર્ગવિનાશિની ।
ત્રેલોક્યજનની દેવી મુલપ્રકૃતિરીશ્વરી

લોમ્નાં કૂપેષુ વિશ્વાનિ મહાવિષ્ણોશ્ચ યસ્ય ચ ।
અસંખ્યાનિ વિચિત્રાણિ સ્થૂલાત્સ્થૂલતરસ્ય ચ

સ ચ યત્ષોડશાંશશ્ચ યસ્ય સર્વેશ્વરસ્ય ચ ।
તં દ્રષ્ટું યામિ હે બન્ધો માયામાનુષરૂપિણમ્

સર્વ સર્વાન્તરાત્માનં સર્વજ્ઞં પ્રકૃતેઃ પરમ્ ।
બ્રહ્મજ્યોતિઃસ્વરૂપં ચ ભક્તાનુગ્રહવિગ્રહમ્

નિર્ગુણં ચ નિરીહં ચ નિરાનન્દં નિરાશ્રયમ્ ।
પરમં પરમાનન્દં સાનન્દં નન્દનન્દનમ્

સ્વેચ્છામયં સર્વપરં સર્વબીજં સનાતનમ્ ।
વદન્તિ યોગિનઃ શશ્વદ્ધ્યાયન્તેઽહર્નિશં શિશુમ્

મન્વન્તરસહસ્રં ચ નિરાહારઃ કૃશોદરઃ ।
પદ્મે પાદ્મસ્તપસ્તેપે પુરા પાદ્મં તુ યત્કૃતે

પુનઃ કુરુ તપસ્યાં ચ તદા દ્રક્ષ્યસિ મામિતિ ।
સકૃચ્છબ્દં ચ શુશ્રાવ ન દદર્શ તથાઽપિ તમ્

તાવત્કાલં પુનસ્તપ્ત્વા વરં પ્રાપ દદર્શ તમ્ ।
ઈદૃશં પરમેશં ચ દ્રક્ષ્યામ્યદ્ય તમુદ્ધવ

પુરા શંભુસ્તપસ્તેપે યાવદ્વૈ બ્રહ્મણો વયઃ ।
જ્યોતિર્મણ્ડલમધ્યે ચ ગોલોકે તં દદર્શ સઃ

સર્વતત્તવં સર્વસિદ્ધં મમતત્વં પરં વરમ્ ।
સંપ્રાપ તત્પદામ્ભોજે ભક્તિં ચ નિર્મલાં પરામ્

ચકારાઽત્મસમં તં ચ યો ભક્તો(ક્તં)ભક્તવત્સલઃ ।
ઈદૃશં પરમેશં ચ દ્રક્ષ્યામ્યદ્ય તમુદ્ધવ

સહસ્રશક્રપાતાન્તં નિરાહારઃ કૃશોદરઃ ।
યસ્યાનન્તસ્તપસ્તેપે ભક્ત્યા ચ પરમાત્મનઃ

તદા ચાઽઽત્મસમં જ્ઞાનંદદૌ તસ્મૈ ય ઈશ્વાઃ ।
ઈદૃશં પરમેશં ચ દ્રક્ષ્યાઓ

સહસ્રશક્રપાતાન્તં ધર્મસ્તેપે ચ યત્તપઃ ।
તદા બભૂવ સાક્ષી સ ધર્મિણાં સર્વકર્મિણામ્

શાસ્તા ચ ફલદાતા ચ યત્પ્રસાદાન્નૃણામિહ ।
સર્વેશમીદૃશમહો દ્રક્ષ્યાઓ

અષ્ટાવિંશતિરિન્દ્રાણાં પતને યદ્દિવાનિશમ્ ।
એવં ક્રમેણ માસાબ્દૈઃ શતાબ્દં બ્રહ્મણો વયઃ

અહો યસ્ય નિમેષેણ બ્રહ્મણઃ પતનં ભવેત્ ।
ઈદૃશં પરમાત્માનં દ્રક્ષ્યાઓ

નાસ્તિ ભૂરજસા સંખ્યા યથૈવ બ્રહ્મણાં તથા ।
તથૈવ બન્ધો વિશ્વાનાં તદાધારો મહાવિરાટ્

વિશવે વિશ્વે ચ પ્રત્યેકં બ્રહ્મ વિષ્ણુશિવાદયઃ ।
મુનયો મનવઃ મિદ્ધા માનવાદ્યાશ્ચરાચરાઃ

યત્ષોડશાંશઃ સ વિરાટ્ સૃષ્ટો નષ્ટશ્ચ લીલયા ।
ઈદૃશં સર્વશાસ્તારં દ્રક્ષ્યાઓ

ઇત્યોવમુક્ત્વાઽક્રૂરશ્ચ પુલકાઞ્ચિતવિગ્રહઃ ।
મૂર્ચ્છાં પ્રાપ સાશ્રુનેત્રોદધ્યો તચ્ચરણામ્બુજમ્

બભૂવ ભક્તિપૂર્ણશ્ચ સ્મારં સ્મારં પદામ્બુજમ્ ।
કૃત્વા પ્રદક્ષિણં વાઽપિ કૃષ્ણસ્ય પરમાત્મનઃ

ઉદ્ધવશ્ચ તમાશ્લિષ્ય પ્રશશંક પુનઃ પુનઃ ।
સ ચ શીઘ્રં યયૌ ગેહમકૂરોઽપિ સ્વમન્દિરમ્

ઇતિ શ્રીબ્રહ્મઓ મહાઓ શ્રીકૃષ્ણજન્મખઓ ઉત્તઓ નારદનાઓ અક્રૂરહર્ષોત્કર્ષકથનં
નામ પઞ્ચષષ્ટિ,મોઽધ્યાયઃ