બ્રહ્મવૈવર્ત પુરાણ · અધ્યાય 4.127

અથ સપ્તવિંશત્યધિકશતતમોઽધ્યાયઃ
નારાયણ ઉવાચ
શ્રીકૃષ્ણવચનં શ્રુત્વા પ્રહૃષ્ટા ગોપિકા મુદા ।
મન્દિરં પ્રયયુઃ સર્વાઃ પ્રણમ્ય રાધિકાં પ્રભુમ્

રાધાશૃઙ્ગારભાવં ચ કલાષોડશપૂર્વકમ્ ।
ચકાર સસ્મિતા સાધ્વી વક્રચઞ્ચલલોચના

દત્ત્વા ચ ચન્દનં માલ્યં સ્વામિને પુનરેવ ચ ।
રહસ્યં ચ પરીહાસ્યં પુનરેવ ચકાર સઃ

આકૃષ્ય રાધિકાં કૃષ્ણઃ સમાનીય સ્વવક્ષસિ ।
ઓષ્ઠાધરં કપોલં ચ ગણ્ડયુગ્મં ચુચુમ્બ ચ

રાધા ચુચુમ્બ કૃષ્ણસ્ય મુખચન્દ્રં મનોહરમ્ ।
ચકાર કૃષ્ણં પ્રાણેશં બાહુભ્યાં ચ સ્વવક્ષસિ

શૃઙ્ગારં ષોડશવિર્ધં કામશાસ્ત્રોક્તમીપ્સિતમ્ ।
સ્ત્રીપુંસોસ્તોષજનકં ચકાર ભગવાન્પ્રભુઃ

નખવિક્ષતસર્વાઙ્ગા દશનેનાધરક્ષતા ।
પુલકાઞ્ચિતદેહા સ તન્દ્રિતા વામનસ્તની

મીર્ચ્છિતા સુખસંભોગાદ્વિલગ્ના હતચેતના ।
શ્વાસમાત્રાવશેષા ચ નિદ્રામુદ્રિતલોચના

રતિશૂરા કોમલાઙ્ગી કાન્તાવક્ષઃ સ્યલસ્થિતા ।
શીતે સુખોષ્ણસર્વાઙ્ગી ગ્રીષ્મે સા સુખશીતલા

શૃઙ્ગારકાલે સુખદા સાન્દ્રશ્રોણિપયોધરા ।
નિતમ્બભારાનમ્રા ચ પ્રસઙ્ગે સુખદાયિકા

વિદગ્ધા રસિકા શ્રેષ્ઠા કામુકી ચ વરાઙ્ગના ।
સહસા ચેતનં પ્રાપ્ય શુશ્રાવ કોકિલધ્વનિમ્

શ્રુત્વા પરમભીતા સા દીના દીનવિશઙ્કયા ।
ઉવાચ પરમા સા ચ પરમેશં પરાત્પરમ્
બાહુશ્રોણિયુગામ્યાં ચ નિબધ્ય ચ પુનઃ પુનઃ

રાધિકોવાચ
રાસં ગચ્છ મહાભાગ પુણ્યં વૃન્દાવનં વનમ્ ।
તત્ર ક્રીડાં કરિષ્યામિ જલેન ચ સ્થલેન ચ

પુનર્યાસ્યામિ મલયં સુન્દરં મણિમન્દિરમ્ ।
અપરં યદ્રહસ્યં વા જન્મલા ન શ્રુતં મયા

તત્ર યામિ ત્વયા સાર્ધમિતિ મે લાલસા પરા ।
પરસ્પરૈકાલાપેન પ્રયયૌ રજની શુભા

અરુણોદયકાલેઽપિ ન ત્યજેન્માધવં સતી ।
માધવઃ પ્રીતિવચસા બોધયામાસ સાઘનાત્

પ્રાતઃ કૃત્યં તતઃ કૃત્વા સ્વારુરોહ રથં હરિઃ ।
ગોપીભી રાધયા સાર્ધં શરત્કમલલોચનઃ

યોજનાયતવિસ્તીર્ણ ગૃહેસ્ત્રિશતકોટિભિઃ ।
મણીન્દ્રસારનિર્માણૈર્જ્વલદ્ભિરુપશોભિતમ્

ગોલોકાદાગતં તત્ર મનોયાયિ મનોહરમ્ ।
સહસ્રચક્રસંયુક્તં મહસ્રાશ્વૈઃ પ્રચાલિતમ્

મણિસ્તમ્ભૈશ્ત્રિકોટીભી રત્નરાજિવિરાજિતમ્ ।
મુક્તામાણિક્યપરમૈર્હીરહારૈઃ સુશોભિતમ્

નાનાચિત્રૈર્વિચિત્રૈશ્ચ શ્વેતચામરદર્પણૈઃ ।
વહ્નિશુદ્ધાંશુકૈર્દીપ્તૈર્માલાજાલૈર્વિભૂષિતમ્

રત્નિર્માણતલ્પૈશ્ચ પુષ્પચન્દનચર્ચિતમ્ ।
સમાનરૂપવેષૈશ્ચ ગોપીલક્ષૈઃ સમાવૃતમ્

રથેન તેન ભગવાન્પુનર્વૃન્દાવનં યયૌ ।
તત્ર ગત્વા નિશાકાલે વિજહાર જલે સ્થલે

શૃઙ્ગારં સુચિરં કૃત્વા વનેષૂપવનેષુ ચ ।
રાધિકાં દર્શયામાસ યથાસર્વ ચ નૂતનમ્

વિસ્પન્દકે સુરસને માહેન્દ્રે નન્દને વને ।
સુમેરુશિખરે રમ્યે પર્વતે ગન્ધમાદને

શૈલે શૈલે સુન્દરે ચ કન્દરે કન્દરે વને ।
પુષ્પોદ્યાને સુરહસિ નદ્યાં નદ્યાં નદે નદે

સમુદ્રપુલિને રમ્યે પારિજાતવને વને ।
સુભદ્રે પુષ્પભદ્રે ચ નારાયણસરોવરે

પવનસ્યૈવ નિલયે મલયે ચ સુરાલયે ।
ત્રિકૂટે ભદ્રકૂટે ચ પઞ્ચકૂટે સુકૂટકે

દેવાનાં કમનીયાયાં કાઞ્ચન્યાં ચ તથૈવ ચ ।
સમુદ્રે ચ સમુદ્રે ચ દ્વીપે દ્વીપે મનોહરે

ખર્વટે પ્રવરે રમ્યે પુણ્યચન્દ્રસરોવરે ।
સુપાર્શ્વે મુનિપાર્શ્વે ચ સ રેમે રાધયા સહ

શીઘ્રં ચ પુનરાગત્ય જમ્બૂદ્વીપં ચ પુણ્યદમ્ ।
દ્વારકાં દર્શયામાસ પર્વતં રૈવતં તથા

ગોકુલં પુનરાગત્ય ગોપગોકુલસંકુલમ્ ।
તત્ર દૃષ્ટ્વા ચ ભાણ્ડીરં પુણ્યં વૃન્દાવનં યયૌ

શ્રીકૃણ્ણાગમનં શ્રુત્વા યશોદા નન્દ એવ ચ ।
ગોપા ગોપ્યશ્ચ વૃદ્ધાશ્ચાપ્યશ્રુનેત્રા નિરાકુલાઃ

વારણેન્દ્રં પુરસ્કૃત્ય વેશ્યાં ચ નટનર્તકાઃ ।
પતિપુત્રવતીં સાધ્વીં બ્રાહ્મણીં બ્રાહ્મણં તથા

યથા દેવાશ્ચ વહ્નિં ચ દૃષ્ટ્વા નન્દં ચ માતરમ્ ।
આયયુર્બાલકૃષ્ણશ્ચ રાધયા સહ માધવઃ

માતુઃ ક્રોડમારુરોહ પ્રહસ્ય મધુસૂદનઃ ।
નન્દો યશોદયા સાર્ધ ચુચુમ્બ મુખપઙ્કજમ્

આશ્લિશ્ય ભૃશમુચ્ચૈશ્ચ સિષેચ નેત્રજૈર્જલૈઃ ।
સ્વયં ચ ભગવાન્કૃષ્ણો યશોદાયાઃ સ્તનં પપૌ

તાદૃશં દદૃશુઃ સર્વે યાદૃશો મથુરાં યયૌ ।
મુરલીહસ્તવિન્યસ્તં રત્નભૂષણભૂષિતમ્

યથૈકાદશવર્ષીયં શોભિતં પીતવાસસા ।
મયૂરપિચ્છચૂડં ચ માલતીમાલ્યમણ્ડિતમ્

મન્દિરં વેશયામાસ રાધયા સહ માધવમ્ ।
યશોદા મઙ્ગલં કૃત્વા ભોજયામાસ બ્રાહ્મણાન્

પૂજાં ચકાર ગોપીનાં મુનીનાં ચ યથા જનઃ ।
મણિરત્નં પ્રવાલં ચ સુવર્ણ પરમં તથા

ભુક્તામાણિક્યહીરં ચ બ્રાહ્મણેભ્યો દદૌ મુદા ।
ગજરત્નં ગવાં રત્નમશ્વરત્નં મનોહરમ્

આસનાનિ ચ પાત્રાણિ ભૂષણાનિ તથૈવ ચ ।
ધાન્યાન્યપિ ચ સસ્યાનિ વસ્ત્રાણિ ચ તથા દદૌ

અપૂર્વ દર્શયામાસ રાધયા સહ માધવમ્ ।
ગોપીગણં ચ મિષ્ટાન્નં સાદરેણાપિ નારદ

દુન્દુભીન્વાદયામાસ કારયામાસ મઙ્ગલમ્ ।
દેવાંશ્ચ ભોજયામાસ સાનન્દં ચ મનોહરમ્

ઇતિ શ્રીબ્રહ્મઓ મહાઓ શ્રીકૃષ્ણજન્મખઓ ઉત્તઓ નારદનાઓ
સપ્તવિશત્યધિકશતતમોઽધ્યાયઃ