બ્રહ્મવૈવર્ત પુરાણ · અધ્યાય 4.124

અથ ચતુર્વિંશત્યધિકશતતમોઽધ્યોયઃ
નાલાયણ ઉવાચ
રાધા સંપૂજ્ય વિધિના સ્તુત્વા લમ્બોદરં સતી ।
અમૂલ્યરત્નનિર્માણં સર્વાઙ્ગભૂષણં દદૌ

રાધાયાઃ સ્તવનં શ્રુત્વા પૂજાં દૃષ્ટ્વા ચ વસ્તુ ચ ।
ઉવાચ મધુરં શાન્તઃ શાન્તાં ત્રૈલોક્યમાતરમ્

ગણેશ ઉવાચ
તવ પૂજા જગન્માતર્લોકશિક્ષાકરી શુભે ।
બ્રહ્મસ્વરૂપા ભવતી કૃષ્ણવક્ષઃ સ્થલસ્થિતા

યત્પાદપદ્મતુલં ધ્યાયન્તે તે સુદુર્લભમ્ ।
સુરા બ્રહ્મેશશેષાદ્યા મુનીન્દ્રાઃ સનકાદયઃ

જીવન્મુક્તાશ્ચ ભક્તાશ્ચ સિદ્ધેન્દ્રાઃ કપિલાદયઃ ।
તસ્ય પ્રાણાધિદેવી ત્વં પ્રિયા પ્રાણાધિકા પરા

વામાઙ્ગનિર્મિતા રાધા દક્ષિણાઙ્ગશ્ચ માધવઃ ।
મહાલક્ષ્મીર્જગન્માતા તવ વામાઙ્ગનિર્મિતા

વસોઃ સર્વનિવાસસ્ય પ્રસૂસ્ત્વં પરમેશ્વરી ।
વેદાનાં જગતામેવ મૂલ્પ્રકૃતિરીશ્વરી

સર્વાઃ પ્રાકૃતિકા માતઃ સૃષ્ટ્યાં ચ ત્વદ્વિભૂતયઃ ।
વિશ્વાનિ કાર્યરૂપાણિ ત્વં ચ કારણરૂપિણી

પ્રલયે બ્રહ્મણઃ પાતે તન્નિમેષો હરેરપિ ।
આદૌ રાધાં સમુચ્ચાર્ય પશ્ચાત્કૃષ્ણં પરાત્પરમ્

સ એવ પણ્ડિતો યોગી ગોલોકં યાતિ લીલયા ।
વ્યતિક્રમે મહાપાપી બ્રહ્મહત્યાં લભેત્ધ્રુવમ્

જગતાં ભવતી માતા પરમાત્મા પિતા હરિઃ ।
પિતુરેવ ગુરુર્માતા પૂજ્યા વન્દ્યા પરાત્પરા

ભજતે દેવમન્યં વા કૃષ્ણં વા સર્વકારણમ્ ।
પુણ્યક્ષેત્રે મહામૂઢો યદિ નિન્દતિ રાધિકામ્

વંશહાનિર્ભવેત્તસ્ય દુઃખશોકમિહૈવ ચ ।
પચ્યતે નિરયે ઘોરે યાવચ્ચન્દ્રદિવાકરૌ

ગુરુશ્ચજ્ઞાનોદ્ગિરણાજ્જ્ઞાનં સ્યાન્મન્ત્રતન્ત્રયોઃ ।
સ ચ મન્ત્રશ્ચ તત્તન્ત્રં ભક્તિઃ સ્યાદ્ધ્રુવયોર્યતઃ

નિષેવ્ય મન્ત્રં દેવાનાં જીવા જન્મનિ જન્મનિ ।
ભક્તા ભવન્તિ દુર્ગાયાઃ પાદપદ્મે સુદુર્લભે

નિષેવ્ય મન્ત્રે શંભોશ્ચ જગતાં કારણસ્ય ચ ।
તદા પ્રાપ્નોતિ યુવયોઃ પાદપદ્મં સુદુર્લભમ્

યુક્યોઃ પાદપદ્મં ચ દુર્લભં પ્રાપ્ય પુણ્યવાન્ ।
ક્ષણાર્ધં ષોડશાંશં ચ નહિ મુઞ્ચતિ દૈવતઃ

ભક્ત્યા ચ યુવચોર્મન્ત્રં ગૃહીત્વા વૈષ્મપાદપિ ।
સ્તવં વા કવચં વાઽપિ કર્મમૂલનિકૃન્તનમ્

યોજયેત્પરયા ભક્ત્યા પુણ્યક્ષેત્રે ચ ભારતે ।
પુરુષાણાં સહસ્રં ચ ત્વાત્મના સાર્ધમુદ્ધરેત્

ગુરુમભ્યર્ચ્ય વિધિવદ્વસ્ત્રાલંકારચન્દનૈઃ ।
કવચં ધારયેદ્યો હિ વિષ્ણુતુલ્યો ભવેદ્ધ્રુવમ્

યદ્દત્તં વસ્તુ મે માતસ્તત્સર્વં સાર્થકં કુરુ ।
દેહિ વિપ્રાય મત્પ્રીત્યા તદા ભોક્ષ્યામિ સાંપ્રતમ્

દેવે દેયાનિ દાનાનિ દેવે દેયા ચ દક્ષિણા ।
તત્સર્વં બ્રાહ્મણે દદ્યાત્તદાનન્ત્યાય કલ્પતે

બ્રાહ્મણાનાં મુખં રાધે દેવાનાં મુખમુખ્યકમ્ ।
વિપ્રભુક્તં ચ યદ્દ્રવ્યં પ્રાપ્નુવન્ત્યેવ દેવતાઃ

વિપ્રાંશ્ચ ભોજયામાસ તત્સર્વ રાધિકા સતી ।
બભૂવ તત્ક્ષણાદેવ પ્રીતો લમ્બોદરો મુને

એતસ્મિન્નન્તરે દેવા બ્રહ્મેશશેષસંજ્ઞકાઃ ।
આયયુર્વટમૂલં ચ દેવપૂજાર્થમેવ ચ

તત્ર ગત્વા શિવચરો દેવાન્દેવીરુવાચ સઃ ।
શ્રીકૃષ્ણં શુષ્કકણ્ઠશ્ચ ભયભીતશ્ચ રક્ષકઃ

રક્ષક ઉવાચ
ગણેશં પૂજયામાસ સર્વાદૌ ચ શુભક્ષણે ।
વૃષભાનસુતા રાધા પ્રકૃત્ય સ્વસ્તિવાચનમ્

સહિતા સા બલવતી ગોપીત્રિશતકોટિભિઃ ।
વારિતોઽહં વલિષ્ઠાભિર્યુષ્માંશ્ચ કથયામિ તત્

મર્વાદૌ પૂજયેદ્યો હિ સોઽનન્તં ફલમાલભેત્ ।
મધ્યે મધ્યવિધં પુણ્યં શેષે સ્વલ્પમિતિ સ્મૃતમ્

દેવેન્દ્રેષુ મુનીન્દ્રેષુ દેવસ્ત્રીષુ સ્થિતાસુ ચ ।
ગોપીભિશ્ચ સહ તયા રાધયા પૂજિતઃ પરઃ

દૂતવાક્યં સમાકર્ણ્ય જહસુઃ સર્વદેવતાઃ ।
મુનયો મનવશ્ચૈવ રાજાનો દેવયોષિતઃ

રુક્મિણ્યાદ્યા રમણ્યશ્ચ યા દેવ્યો વિસ્મયં યયુઃ ।
સરસ્વતી ચ સાવિત્રી પાર્વતી પરમેશ્વરી

રોહિણી ચ સતી સંજ્ઞા સ્વાહાદ્યા દેવયોષિતઃ ।
મુદિતાઃ પ્રયયુઃ સર્વા મુનિપત્ન્યઃ પતિવ્રતાઃ

મુનયો મનવઃ સર્વે દેવાશ્ચાપિ નરાસ્તથા ।
શ્રીકૃષ્ણઃ સ ગણૈઃ સાર્ધં યે ચાન્યે પ્રયયુર્મુદા

તે સર્વે વિવિધૈર્દ્રવ્યૈઃ પૂજાં ચક્રુઃ શુભક્ષણે ।
બલિષ્ઠા દુર્બલાશ્ચૈવ ક્રમેણ ચ પૃથક્પૃથક્

લડ્ડુકાનાં ચ રાશીનાં શતકોટિર્બભૂવ હ ।
શર્કરાણાં તદર્ધં ચ સ્વસ્તિકાનાં તથૈવ ચ

અન્નાનાં ભવ્યવસ્તૂનાં શતકોટિર્બભૂવ હ ।
અસંખ્યાનિ ફલાન્યેવ સ્વાદૂનિ મધુરાણિ ચ

મધુકુલ્યા દુગ્ધકુલ્યા દધિકુલ્યા ઘૃતસ્ય ચ ।
બભૂવુઃ શતસંખ્યાશ્ચ ત્રૈલોક્યાનાં ચ પૂજને

પૂજાં કૃત્વા તુ તે સર્વે સમૂષુશ્ચ સુખાસને ।
પાર્વતી પરમપ્રીત્યા રાધાસ્થાનં સમાયયૌ

સા રાધા પાર્વતીં દૃષ્ટ્વા સમુત્થાય જવેન ચ ।
યથાયોગ્યાં ચ સંભાષાં ચકાર સાદરં મુદા

આશ્લેષણં ચુમ્બનં ચ બભૂવ ચ પરસ્પરમ્ ।
ઉવાચ મધુરં દુર્ગા રાધાં કૃત્વા સ્વવક્ષસિ

પાર્વત્યુવાચ
કિંવા પ્રશ્નં કરિષ્યામિ ત્વાં રાધા મઙ્ગલાલયામ્ ।
ગતા તે વિરહજ્વાલા શ્રીદામ્નઃ શાપમોક્ષણે

સતતં મન્મનઃ પ્રાણાસ્ત્વય્યેવ મયિ તે તથા ।
ન હ્યેવમાવયોર્ભેદઃ શક્તિપૂરુષયોસ્તથા

યેત્વાં નિન્દન્તિ મદ્ભક્તાસ્ત્વદ્ભક્તાશ્ચાપિ મામપિ ।
કુમ્ભીપાકે ચ પજ્યન્તે યાવચ્ચન્દ્ર દિવાકરૌ

રાધામાધવયોર્ભેદં યે કુર્વન્તિ નરાધમાઃ ।
વંશહાનિર્ભવેત્તેષાં પચ્યન્તે નરકે ચિરમ્

યાન્તિ સૂકરયોનિં ચ પિતૃભિઃ શતકૈઃ સહ ।
ષષ્ટિવર્ષસહસ્રાણિ વિષ્ઠાયાં કૃમયસ્તથા

ત્વયૈવ પૂજિતઃ પુત્રો ન મયા ચ ગણેશ્વરઃ ।
સર્વાદૌ સર્વપૂજ્યોઽયં યથા તવ તથા મમ

યાવજ્જીવનપર્યન્તં ન વિચ્છેદો ભવિષ્યતિ ।
રાધામાધવયોર્દેવિ દુગ્ધધાવલ્યયોર્યથા

સિદ્ધાશ્રમે મહાતીર્થે પુણ્યક્ષેત્રે ચ ભારતે ।
નિર્વઘ્નં લભગોવિન્દં સંપૂજ્ય વિઘ્નખણ્ડનમ્

રાસેશ્વરી ત્વં રસિકા શ્રીકૃષ્ણો રસિકેશ્વરઃ ।
વિદગ્ધાયા વિદગ્ધેન સંગમો ગુણવાન્ભદેત્

શ્રીદામ્નઃ શાપનિર્મુક્તા શતવર્ષાન્તરે સતિ ।
કુરુષ્વ મદ્રેણાદ્ય કૃષ્ણેન સહ સંગમમ્

મમાઽઽજ્ઞયા દુર્લભયા સુવેષં કુરુ સુન્દરિ ।
સુદુર્લભઃ કામિનીનાં સત્પુંસા સહ સંગમઃ

ચક્રુઃ સુવેષં રાધાયાઃ પ્રિયાલ્યશ્ચ શિવાજ્ઞયા ।
રત્નસિંહાસને રમ્યે વાસયામાસુરીશ્વરીમ્

પુરતો રત્નમાલા સા રત્નમાલાં ગલે દદૌ ।
રાધાયા દક્ષિણે હસ્તે ક્રીડાપદ્મં મનોહરમ્

દદૌ પદ્મમુખી પાદપદ્મયુગ્મેઽપ્યલક્તકમ્ ।
પ્રદદૌ સુન્દરી ગોપી સિન્દૂરં સુન્દરં વરમ્

ચન્દનેન સમયુતં સીમન્તાધઃ સ્થલોજ્જ્વલમ્ ।
સુચારુકબરીં રમ્યાં ચકાર માલતી સતી

મનોહરાં મુનીનાં ચ માલતીમાલ્યભૂષિતામ્ ।
કસ્તૂરીકુઙ્કુમાક્તં ચ ચારુચન્દનપત્રકમ્

સ્તનયુગ્મે સુકઠિને ચકાર ચન્દના સતી ।
ચારુચમ્પકપુપ્પાણાં માલાં ગન્ધમનોહરામ્

માલાવતી દદૌ તસ્યૌ પ્રફુલ્લાં નવમલ્લિકામ્ ।
રતીષુ રસિકા ગોપી રત્નભૂષણભૂષિતામ્

તાં ચકારાતિરસિકાં વરાં રતિરસોત્સુકામ્ ।
શરત્પદ્મદલાભં ચ લોજનં કજ્જલોજ્જ્વલમ્

કૃત્વા દદૌ સુલલિતં વસ્ત્રં ચ લલિતા સતી ।
મહેન્દ્રેણ પ્રદત્તં ચ પારિજાતપ્રસૂનકમ્

સુગન્ધિયુક્તં તસ્યાશ્ચ પારિજાતં કરે દદૌ ।
સુશીલં મધુરોક્તં ચ ભર્તુઃ પાર્શ્વે યથોચિતમ્

શિક્ષાં ચકાર નીતિં ચ સુશીલા ગોપિકા સતી ।
સ્ત્રીણાં ચ ષોડશકલાં વિપત્તૌ વિસ્મૃતાંતયોઃ

સ્મરણં કારયામાસ રાધામાતા કલાવતી ।
શ્રૃઙ્ગારવિષયોક્તં ચ વચનં ચ સુધોપમમ્

સ્મરણં કારયામાસ ભગિની ચ સુધામુખી ।
કમલાનાં ચમ્પકાનાં દલે ચન્દનચર્ચિતે

ચકાર રતિતલ્પં ચ કમલા ચાઽઽશુ કોમલમ્ ।
ચારુચમ્પકપુષ્પં ચ કૃષ્ણાર્થં પુટકસ્થિતમ્

ચકાર ચન્દનાક્તં ચ સ્વયં ચ પાર્વતી સતી ।
પુષ્પં કેલિકદમ્બાનાં સ્તબકં ચ મનોહરમ્

કદમ્બમાલાં કૃષ્ણાર્થ વિદ્યમાનાં ચકાર સા ।
તામ્બૂલં ચ વરં સમ્યં કર્પૂરાદિસુવાસિતમ્

કૃષ્ણપ્રિયા ચ કૃષ્ણાર્થં ચકાર વાસિતં જલમ્ ।
એતસ્મિન્નન્તરે સર્વમાશ્રમં સજલસ્થલમ્

સાક્ષાદ્ગોરોચનાભં ચ દદૃશુર્મુનયઃ સુરાઃ ।
તે સર્વે વિસ્મયં ગત્વા પપ્રચ્છુઃ કૃષ્ણમીશ્વરમ્

ઉવાચ ભગવાંસ્તાશ્ચ સર્વજ્ઞઃ સર્વકારાણા

શ્રીભગવાનુવાચ
અભિશપ્તા ચ શ્રીદામ્ના ભ્રષ્ટશોભા રાધિકા ।
સર્વં જ્ઞાનં વિસસ્માર મદ્વિચ્છેદજ્વરાતુરા

વિમુક્તે વર્ષશતકે જ્ઞાનં સસ્માર સા સતી ।
સિદ્ધાશ્રમં ચ પીતાભં રાસેશ્વર્યાશ્ચ તેજસા

પરમાહ્લાદકં તેજશ્ચન્દ્રકોટિસમપ્રભમ્ ।
સુખદૃશ્યં ચ સુખદં ચક્ષુધાં પ્રાણિનામપિ

તચ્છ્રુત્વા પરમાશ્ચર્યં મુનયો મનવસ્તથા ।
દેવ્યશ્ચ સર્વદેવાસ્તે બ્રહ્મેશાનાદયસ્તથા

જવેન ગત્વા તત્સ્થાનં ભક્તિનમ્રાત્મકંધરા ।
સર્વે જનાસ્તે દદૃશુસ્ત્રૈલોક્યસ્થાશ્ચ રાધિકામ્

શ્વેતચમ્પકવર્ણાભામતુલાં સુમનોહરામ્ ।
મોહિનીં માનસાનાં ચ મુનીનામૂર્ધ્વરેતસામ્

સુકેશીં સુન્દરીં શ્યામાં ન્યગ્રોધપરિમણ્ડલામ્ ।
નિતમ્બકઠિનશ્રોણીં સ્તનયુગ્મોન્નતાનનામ્

કોટીન્દુનિન્દિતાસ્યાં તાં સસ્મિતાં સુદતીં સતીમ્ ।
કજ્જલોજ્જ્વલરૂપાં ચ શરત્કમલલોજનામ્

મહાલક્ષ્મીં બીજરૂપાં પરામાદ્યાં સનાતીમ્ ।
પરમાત્મસ્વરૂપસ્ય પ્રાણાધિષ્ઠાતૃદેવતામ્

સ્તુતાં ચ પૂજિતાં ચૈવ પરાં ચ પરમાત્મને ।
બ્રહ્મસ્વરૂપાં નિર્લિપ્તાં નિત્યરૂપાં ચ નિર્ગુણામ્

વિશ્વાનુરોધાત્પ્રકૃતિં ભક્તાનુગ્રહવિગ્રહામ્ ।
મત્યસ્વરૂપાં શુદ્ધાં ચ પૂતાં પતિતપાવનીમ્

સુતીર્થપૂતાં સત્કીર્તિં વિધાત્રીં વેદસામપિ ।
મહત્પ્રિયાં ચ મહતીં મહાવિષ્ણોશ્ચ માતરમ્

રાસેશ્વરેશ્વરીં રમ્યાં રસિકાં રસિકેશ્વરીમ્ ।
વહ્નિશુદ્ધાંશુકાધામાં સ્વેચ્છારૂપાં શુભાલયામ્

ગોપીભિઃ સપ્તભિઃ શશ્વત્સેવિતાં શ્વેતચામરૈઃ ।
ચતસૃભિઃ પ્રિયાલીભિઃ પાદપદ્મોપસેવિતામ્

અમૂલ્યરત્નનિર્માણભૂષણોચ્ચૈર્વિભૂષિતામ્ ।
ચારુકુણ્ડલયુગ્મેન શ્રુતિગણ્ડસ્થલોજ્જ્વલામ્

સુનાસાં ગજમુક્તાર્હાં ખગેન્દ્રચઞ્ચુનિન્દિતામ્ ।
કુઙ્કુમાલક્તકસ્તૂરીસ્નિગ્ધચન્દનચર્ચિતામ્

દધાનાં સુકપોલં ચ કોમલાઙ્ગીં સુકામુકીમ્ ।
ગચેન્દ્રગામિનીં રામાં કામનીયાં સુકામિનીમ્

કામાસ્ત્રજયરૂપાં ચ કામકામ્યાલયાં વરામ્ ।
ક્રીડાકમલમમ્લાનં પારિજાતપ્રસૂનકમ્

અમૂલ્યરત્નનિર્માણં દધાનાં દર્પણોજ્જ્વલમ્ ।
નાનારત્નવિચિત્રાઢ્યરતનસિંહાસનસ્થિતામ્

પદ્મૈઃ પદ્માર્ચિતં પાદપદ્મં ચ મઙ્ગલાલયમ્ ।
હૃત્પદ્મે ધ્યાયમાનં ચ કૃણસ્ય પરમાત્મનઃ

કર્મણા મનસા વાચા સ્વપ્ને જાગરણેઽપિ ચ ।
તત્પ્રીતિં પ્રેમ સૌભાગ્યં સ્મરન્તીં નિત્યનૂતનમ્

ભાવાનુરક્તસંસક્તાં શુદ્ધભક્તાં પતિવ્રતામ્ ।
ધન્યાં માન્યાં ગૌરવર્ણાં શશ્વદ્વક્ષઃ સ્થલસ્થિતામ્

પ્રિયાસુ પ્રિયભક્તેષુ સુપ્રિયાં પ્રિયવાદિનીમ્ ।
કૃષ્ણવામાઙ્ગસંભૂતામભેદાં ગુણરૂપયોઃ

ગોલોકવાસિનીં દેવદેવીં સર્વોપરિસ્થિતમ્ ।
વૃષભાનસુતાખ્યાં તાં પુણ્યક્ષેત્રે ચ ભારતે

ગોપીશ્વરીં ગુપ્તરૂપાં સિદ્ધિદાં સિદ્ધિરૂપિણીમ્ ।
ધ્યાનાસાધ્યાં દુરારાધ્યાં વન્દે સદ્ભક્તવન્દિતામ્

ધ્યાને ધ્યાનેન રાધાયા વ્યાયન્તે ધ્યાનતત્પરાઃ ।
ઇહૈવ જીવન્મુક્તાસ્તે પરત્ર કૃષ્ણપાર્ષદાઃ

દૃષ્ટ્વા બ્રહ્મા ચ સર્વાદૌ તુષ્ટાવ પરમેશ્વરીમ્ ।
સ્વયં વિધાતા જગતાં માતરં વેધસામપિ

બ્રાહ્મોવાચ
ષષ્ટિવર્ષસહસ્રણિ દિવ્યાનિ પરમેશ્વરિ ।
પુષ્કરે ચ તપસ્તપ્તં પુણ્યક્ષેત્રે ચ ભારતે

ત્વત્પાદપદ્મધુરમધુલુબ્ધેન ચેતસા ।
મધુવ્રતેન લોલેન પ્રેરિતેન મયા સતિ

તથાઽપિ ન મયા લબ્ધં ત્વત્પાદપદ્મમીપ્સિતમ્ ।
ન દૃષ્ટમપિ સ્વપ્નેઽયિ જાતા વાગશરીરિણી

વારાહે ભારતે વર્ષે પુણ્યે વૃન્દાવને વને ।
સિદ્ધાશ્રમે ગણેશસ્ય પાદપદ્મં ચ દ્રક્ષ્યસિ

રાધામાધવયોર્દાસ્યં કુતો વિષયિણસ્તવ ।
નિવર્તસ્વ મહાભાગ પરમેતત્મુદુર્લભમ્

ઇતિ શ્રુત્વા નિવૃત્તોઽહં તપસે ભગ્નમાનસઃ ।
પરિપુર્ણ તદધુના વાઞ્છિતં તપસઃ ફલમ્

મહાદેવ ઉવાચ
પદ્મૈઃ પદ્માર્ચિતં પાદપદમં યસ્ય સુદુર્લભમ્ ।
ધ્યાયન્તે ધ્યાનનિષ્ઠાશ્ચ શાશ્વદ્રબ્રહ્માદયઃ સુરાઃ

મુનયો મનવશ્ચૈવ સિદ્ધાઃ સન્તશ્ચ યોગિનઃ ।
દ્રષ્ટું નૈવ ક્ષમાઃ સ્વપ્ને ભવતી તસ્ય વક્ષસિ

અનન્ત ઉવાચ
વેદાશ્ચ વેદમાતા ચ પુરાણાનિ ચ સુવ્રતે ।
અહં સરસ્વતી સન્ત સ્તોતું નાલં ચ સંતતમ્

અસ્માકં સ્તવને યસ્ય ભ્રૂભઙ્ગં ચ સુદુર્લભમ્ ।
તવૈવ ભત્સેને ભીતાશ્ચાવયોરન્તરં હરેઃ

એવં દેવાશ્ચ દેવ્યશ્ચાપ્યન્યે યે ચ સમાગતાઃ ।
પ્રણતાસ્તુષ્ટુવુઃ સર્વે મુનિમન્વાદયસ્તથા

લજ્જયા નમ્રવક્ત્રાશ્ચ રુક્મિણ્યદ્યાશ્ચ યોષિતઃ ।
મલીમસં ચ ચક્રુસ્તાઃ શ્વાસેન રત્નદર્પણમ્

મૃતતુલ્યા સત્યભામા નિરાહારા કૃશોદરી ।
મનસોઽપ્યભિમાનં ચ સર્વ તત્યાચ નારદ

ઇતિ શ્રીબ્રહ્મઓ મહાઓ શ્રીકૃષ્ણજન્મખઓ ઉત્તઓ નારદનાઓ
સિદ્ધાશ્રમતીર્થયાત્રાપ્રસઙ્ગેગણેશપૂજનં બ્રહ્મેશશેષાદિકૃતરાધિકાસ્તોત્રં નામ
ચતુર્વિંશત્યધિકશતતમોઽધ્યાયઃ