બ્રહ્મવૈવર્ત પુરાણ · અધ્યાય 4.123

અથ ત્રયોવિંશત્યધિકશતતમોઽધ્યાયઃ
નારદ ઉવાચ
ગણેશપૂજનાખ્યાનં પુરાણેષુ ચ દુર્લભમ્ ।
શ્રુતં તદ્બ્રહ્મણો વક્ત્રાત્સામાન્યં ચ સમાસતઃ

મહિમાનં ગણપતેઃ સર્વબૂજ્યેશ્વરસ્ય ચ ।
વ્યાસેન શ્રોતુમિચ્છામિ યોગીન્દ્રાણાં ગુરોર્ગુરોઃ

સિદ્ધાશ્રમે મહાપૂજ ત્રૈલોક્યસ્થૈઃ કૃતા પુરા ।
રાધામાધવયોસ્તત્ર પુનઃ સંમીલરં પુરા

અતીતે વર્ષશતકે શ્રીદામ્નઃ શાપમોક્ષણે ।
આદૌ ચકાર પૂજાં ચ સા ચ રાધા કથં મુને

સ્થિતેષુ ચ સુરેન્દ્રેષુ બ્રહ્મવિષ્ણુશિવાદિષુ ।
નાગેન્દ્રે ચ સ્થિતે શેષે નાગેષુ ચ મહત્સુ ચ

રાજેન્દ્રેષુ ચ ભૂમૌ ચ બલિષ્ઠેષ્વસુરેષુ ચ ।
ગન્ધર્વેષુ ચ રક્ષઃસુ ચાન્યેષુ બલવત્સુ ચ

વિસ્તરેણ મહાભાગ તન્મે વ્યાખ્યાતુમર્હસિ

નારાયણ ઉવાચ
ત્રેલોક્યે પૃથિવી ધન્યા માન્યા પુણ્યવતી સતી ।
તત્ર ભારતવર્ષં ચ કર્મણાં ફલદં શુભમ્

ધન્યં યશસ્યં પૂજ્યં ચ પુણ્યક્ષેત્રે ચ ભારતે ।
સિદ્ધાશ્રમં મહાપુણ્યક્ષેત્રં મોક્ષપ્રદં શુભમ્

સનત્કુમારો ભગવાંસ્તત્ર સિદ્ધો બભૂવ હ ।
સ્વયં વિધાતા તત્રૈવ તપ્ત્વા સિદ્ધો બભૂવ હ

યોગીન્દ્રાશ્ચ મુનીન્દ્રાશ્ચ સિદ્ધેન્દ્રાઃ કપિલાદયઃ ।
શતક્રન્તૂન્મહેન્દ્રશ્ચ તત્ર કૃત્વા બભૂવ હ

તેન સિદ્ધાશ્રમં નામ સર્વેષામપિ દુર્લભમ્ ।
અધિષ્ઠાનં ગણેશસ્ય તત્રેવ સતતં મુને

અમૂલ્યરત્નનિર્માણગણેશપ્રતિમાં શુભામ્ ।
વૈશાખ્યાં પૂર્ણિમાયાં ચ પૂજાં કુર્વન્તિ દેવતાઃ

નાગાશ્ચ માનવાશ્ચૈવ દૈત્યા ગન્ધર્વરાક્ષસાઃ ।
સિદ્ધેન્દ્રાશ્ચ મુનીન્દ્રાશ્ચ યોગીન્દ્રાઃ સનકાદયાઃ

તત્રાઽઽજગામ શંભુશ્ચ પાર્વત્વા સહ શંકરઃ ।
સગણઃ કાર્તિકેયશ્ચ સ્વયં બ્રહ્મા પ્રજાપતિઃ

તત્રાઽઽજગામ શેષશ્ચ નાગેન્દ્રૈઃ સહ સત્વરમ્ ।
તજ્ઞાઽઽજગ્મુઃ સુરાઃ સર્વે મનવો મૃનયસ્તથા

આજગ્મુસ્તે નૃપાઃ સર્વે પૂજાર્થં હૃષ્ટમાનસાઃ ।
આયયૌ ભગવાન્કૃષ્ણો દ્વારકાવાસિભિઃ સહ

આજગામ તથા નન્દઃ સાર્ધં ગોકુલવાસિભિઃ ।
ગોપીત્રિશતકોટીભિર્ગોલોકવાસિભિઃ સહ

ગચેન્દ્રકોટિતુલ્યાભિર્બલિષ્ઠાભિઃ સહાઽઽલિભિઃ ।
આયયૌ સુન્દરી રાધા કૃષ્ણપ્રાણાધિદેવતા

રાસેશ્વરી સુરસિકા શતવર્ષે ગતે સતિ ।
સુસ્નાતા મુદતી શુદ્ધા ધૃત્વા ધૌતે ચ વાસસી

સંયતા સા નિરાહારા ગત્વા ચ મણિમણ્ડપમ્ ।
સુપ્રક્ષાલિતપાદાબ્જા કાન્તા ભુવનપાવની

શ્રીકૃષ્ણપ્રીતિકામાઽથ સુસંકલ્પં વિધાય ચ ।
ગઙ્ગોદકેન હેરમ્બં સ્નાપયામાસ ભક્તિતઃ

ધ્યાર્ન ચ સામવેદોક્તં ચકાર શુક્લપુષ્પતઃ ।
માતા ચતુર્ણાં વેદાનાં વસોશ્ચ જગતામપિ

બુદ્ધિરૂપા ભગવતી જ્ઞાનિનાં જનની પરા ।
ધ્યાનાત્મકં સ્વપુસ્રં તં પરં ધ્યાનં ચકાર સા

શર્વં લમ્બોદરં સ્થૂલં જ્વલન્તં બ્રહ્મતેજસા ।
ગજવક્ત્રં વહ્નિવર્ણમેકદન્તમનન્તકમ્

સિદ્ધાનાં યોગિનામેવ જ્ઞાનિનાં ચ ગુરોર્ગુરુમ્ ।
ધ્યાતં મુનીન્દ્રૈર્દેવેન્દ્રૈર્બ્રહ્મેશશેષસંજ્ઞકૈઃ

સિદ્ધેન્દ્રૈર્મુનિભિઃ સદ્ભિર્ભગવન્તં સનાતનમ્ ।
બ્રહ્મસ્વરૂપં પરમં મઙ્ગલં મઙ્ગલાલયમ્

સર્વવિઘ્નહરં શાન્તં દાતારં સર્વસંપદામ્ ।
ભવાબ્ધિમાયાપોતેન કર્ણધારં ચ કર્મિણામ્

શરણાગતદીનાર્તપરિત્રાણપરાયણમ્ ।
ધ્યાયેદ્ધ્યાનાત્મકં સાધ્યં ભક્તેશં ભક્તવત્સલમ્

ઇતિ ધ્યાત્વા સ્વશિરસિ દત્ત્વા પુષ્પં પુનઃ સતી ।
સર્વાઙ્ગશોધનં ન્યાસં વેદોક્તં ચ ચકાર સા

પુનશ્ચ ધ્યાત્વા ધ્યાનેન તેનૈવ શુભદાયિના ।
દદૌ પુષ્પં પાદપદ્મે રાધા લમ્બોદરસ્ય ચ

સપ્તતીર્થોદકેનૈવ શીતેન વાસિતેન ચ ।
દદૌ પાદ્યં પાદપદ્મે તૈઃ પદ્માદિભિરર્ચિતે

દૂર્વાક્ષતૈઃ શુક્લપુષ્પૈઃ સુગન્ધિચન્દનોદકૈઃ ।
અર્ઘ્યં દદૌ તચ્છિરસિ સ્વયં ગોલોકવાસિની

સચન્દનં સ્ગ્ધિમાલ્યં પારિજાતસ્ય સુન્દરમ્ ।
દદૌ ગલે ગણેશસ્ય સ્વયં રાસંશ્વરી મુદા

કસ્તૂરીકુઙ્કુમાક્તં ચ સુગન્ધિ સ્નિગ્ધચન્દનમ્ ।
સર્વાઙ્ગે પ્રદદૌ તસ્ય વૃન્દાવનવિનોદિની

સુગન્ધિ શુક્લં પુષ્પં ચ સુગન્ધ ચન્દનાર્ચિતમ્ ।
દદૌ તસ્ય પદામ્ભોજે મહાપદ્મલયા સતી

સુગન્ધિયુક્તં ધૂપં ચ પૂતૈર્વસ્તુભિરન્વિતમ્ ।
દદૌ કૃષ્ણપ્રિયા તસ્મૈ જગતામીશ્વરાય ચ

દીપં ઘૃતપ્રદીપ્તં ચ ધ્વાન્તવિધ્વંસકારણમ્ ।
દદૌ તસ્મૈ સુરેશાય પરમાદ્યા સનાતની

નૈવેદ્ય વિવિધં રમ્યં સુસ્વાદુ સુમનોહરમ્ ।
ચોષ્યં ચર્વ્યં લેહ્યપેયે સુધાતુલ્યં ચતુર્વિધમ્

ફલાનિ ચ સુપક્વાનિ ત્રૈલોક્યે દુર્લભાનિ ચ ।
મધુરાણિ ચ મૂલાનિ ગ્રામ્યારણ્યાનિ નારદ

તાનિ ત્વન્યાન્યસંખ્યાનિ તિલાનાં લડ્ડુકાનિ ચ ।
લડ્ડુકાનિ સુપક્વાનિ સ્વાદૂનિ સુરસાનિ ચ

યવગોધૂમચૂર્ણાનાં પક્વાનિ પિષ્ટકાનિ ચ ।
ઘૃતાક્તાનિ ચ રમ્યાણિ શર્કરાસહિતાનિ ચ

સ્વાસ્તિકાનાં લડ્ડુકાનિ સ્થૂલાનિ સુન્દરાણિ ચ ।
ભૃષ્ટદ્રવ્યં ચ વિવિધમક્ષતં શર્કરાન્વિતમ્

ઘૃતકુલ્યાં દુગ્ધકુલયાં મધુકુલ્યં મનોહરામ્ ।
ગુડસ્ય દધ્નઃ કુલ્યાં ચ પાયસાનાં તથૈવ ચ

પિષ્ટકાનાં સ્વસ્તિકાનાં રમ્ભાણાં રાશિરેવ ચ ।
મિષ્ટવ્યઞ્જનયુક્તાનિ શાલ્યન્નાનિ શુભાનિ ચ

દદૌ તસ્મૈ સુરેશાય કૃષ્ણપ્રાણાધિદેવતા ।
અમૂલ્યરત્નનિર્માણં રમ્યં સિંહાસનં વરમ્

દદૌ વિઘ્નપિનાશાય વિરાજતટવાસિની ।
સૂક્ષ્મવસ્ત્રયુગં રમ્યમમૂલ્યં વહ્નિશુદ્ધકમ્

દદૌ શૈલાત્મજાયૈવ શતશૃઙ્ગનિવાસિની ।
વિશુદ્ધસર્પિષા યુક્તં નિર્મલં મધુરં મધુ

મધુપર્કં દદૌ તસ્મૈ વૃન્દાવનનિવાસિની ।
તામ્બૂલં ચ વરં રમ્યં કર્પૂરાદિસુવાસિતમ્

સર્વસંપત્પ્રદાત્રે ચ વૃષભાનસુતા દદૌ ।
સપ્તતીર્થોદકં શુદ્ધં સુસિતં સુવાસિતમ્

પાનાર્થ ચ જલં તસ્મૈ દદૌ ગૌપોશ્વરી મુદા ।
અમૂલ્યં દુર્લભં ચૈવ વિશુદ્ધં શ્વેતચામરમ્

દદૌ તસ્મૈ પરેશાય મૂલપ્રકૃતિરીશ્વરી ।
અમૂલ્યરત્નનિર્માણં મુક્તામાણિક્યહીરકૈઃ

પરિષ્કૃતં સુતલ્પં ચ પુષ્પચન્દનચર્ચિતમ્ ।
સિતસૂક્ષ્માશુકેનૈવ પરિતશ્ચ પરિષ્કૃતમ્

દદૌ શિવાત્મજાયૈવ કૃષ્ણવક્ષઃસ્થલસ્થિતા ।
દત્ત્વા ચ કામધેનું ચ સવત્સાં વાઞ્છિતપ્રદામ્

કૃત્વાઽતીવ પરીહારં વૃન્દા પુષ્પાઞ્જલિં દદૌ ।
દિવ્યેન મૂલ્મનુના સબીજેનોજ્જ્વલેન ચ

દદૌ ષોડશોપચારં કાલિન્દીકુલવાસિની ।
ૐ ગં ગૌં ગણપતયે વિઘ્નવિનાશિને સ્વાહા

ઇત્યેવમેવ મન્ત્રં ચ ગાણેશં ષોડશાક્ષરમ્ ।
સા જજાપ સહસ્રં ચ પરં સલ્પતરું વરમ્

તુષ્ટાવ પરયા ભક્ત્યા ભક્તિનમ્રાત્મકંધરા ।
સાશ્રુનેત્રા પુલકિતા સ્તોત્રેણ કૌથુમેન ચ

રાધિકોવાચ
પરં ધામ પરં બ્રહ્મ પરેશં પરમેશ્વરમ્ ।
વિઘ્નનિઘ્નકરં શાન્તં પુષ્ટં કાન્તમનન્તકમ્

સુરાસુરેન્દ્રૈઃ સિદ્ધેન્દ્રૈઃ સ્તુતં સ્તૌમિ પરાત્પરમ્ ।
સુરપદ્મદિનેશં ચ ગણેશં મઙ્ગલાયનમ્

ઇદં સ્તોત્રં મહાપુણ્યં વિઘ્નશોકહરં પરમ્ ।
યઃ પઠેત્પ્રાતરુત્થાય સર્વવિઘ્નાત્પ્રમુચ્યતે

ઇતિ શ્રીબ્રહ્મઓ મહાઓ શ્રીકૃષ્ણજન્મખઓ ઉત્તઓ નારદનાઓ ત્રયોવિંશત્ય-
ધિકશતતમોઽધ્યોયઃ