બ્રહ્મસૂત્ર2 (ટીકા સહિત) · અધ્યાય 37

સ્તર્ત્ બ્સ્ચોમ્_2,3.1.1
ન વિયદશ્રુતેઃ । બ્બ્સ્_2,3.1 ।
વેદાન્તેષુ તત્ર તત્ર ભિન્નપ્રસ્થાના ઉત્પત્તિશ્રુતય ઉપલભ્યન્તે ।
કેચિદાકાશસ્યોત્પત્તિમામનન્તિ, કેચિન્ન ।
તથા કેચિદ્વાયોરુત્પત્તિમામનન્તિ, કેચિન્ન ।
એવં જીવસ્ય પ્રાણાનાં ચ ।
એવમેવ ક્રમાદિદ્વારકો ઽપિ વિપ્રતિષેધઃ શ્રુત્યન્તરેષૂપલક્ષ્યતે ।
વિપ્રતિષેધાચ્ચ પરપક્ષાણામનપેક્ષિતત્વં સ્થાપિતં તદ્વત્સ્વપક્ષસ્યાપિ વિપ્રતિષેધાદેવાનપેક્ષિતત્વમાશઙ્ક્યેતેત્યતઃ સર્વવેદાન્તગતસૃષ્ટિશ્રુત્યર્થનિર્મલત્વાય પરઃ પપ્રઞ્ચ આરભ્યતે ।
તદર્થનિર્મલત્વે ચ ફલં યથોક્તાશઙ્કાનિવૃત્તિરેવ ।
તત્ર પ્રથમં તાવદાકાશમાશ્રિત્ય ચિન્ત્યતે કિમસ્યાકાશસ્યોત્પત્તિરસ્ત્યુત નાસ્તીતિ ।
તત્ર તાવત્પ્રતિપદ્યતે- ઽન વિયદશ્રુતેઃઽ ઇતિ ।
ન ખલ્વાકાશમુત્પદ્યતે ।
કસ્માત્ ।
અશ્રુતેઃ ।
નહ્યસ્યોત્પત્તિપ્રકરણે શ્રવણમસ્તિ ।
છાન્દોગ્યે હિ ઽસદેવ સોમ્યેદમગ્ર આસીદેકમેવાદ્વિતીયમ્ઽ (છા. 6.2.1) ઇતિ સચ્છબ્દવાચ્યં બ્રહ્મ પ્રકૃત્ય ઽતદૈક્ષતઽ, ઽતત્તેજો ઽસૃજતઽ (છા. 6.2.3) ઇતિ ચ પઞ્ચાનાં મહાભૂતાનાં મધ્યમં તેજ આદિઙ્કૃત્વા ત્રયાણાં તેજોબન્નાનામુત્પત્તિઃ શ્રાવ્યતે ।
શ્રુતિશ્ચ નઃ પ્રમાણમતીન્દ્રિયાર્થવિજ્ઞાનોત્પત્તૌ ।
નચાત્ર શ્રુતિરસ્ત્યાકાશસ્યોત્પત્તિપ્રતિપાદિની ।
તસ્માન્નાસ્ત્યાકાશસ્યોત્પત્તિરિતિ