બ્રહ્માંડ પુરાણ · અધ્યાય 3.39

ઇતિ શ્રીબ્રહ્માણ્ડમહાપુરાણે ઉત્તરભાગે હયગ્રીવાગસ્ત્યસંવાદે લલિતોપાખ્યાને મન્ત્રરાજસાધનપ્રકારકથનન્નામાષ્ટત્રિંશો ઽધ્યાયઃ
અગસ્ત્ય ઉવાચ
અનાદ્યનન્તમવ્યક્તં વ્યક્તાનામાદિકારણમ્ ।
આનન્દબોધૈકરસં તન્મહન્મન્મહે મહઃ

અશ્વાનન મહાપ્રાજ્ઞ વેદવેદાન્તવિત્તમ ।
શ્રુતમેતન્મહાપુણ્યં લલિતાખ્યાનમુત્તમમ્

સર્વપૂજ્યા ત્વયા પ્રોક્તા ત્રિપુરા પરદેવતા ।
પાશાઙ્કુશધનુર્બાણ પરિષ્કૃતચતુર્ભુજા

તસ્યા મન્ત્રમિતિ પ્રોક્તં શ્રીચક્રં ચક્રૂષણમ્ ।
નવાવરણમીશાની શ્રીપરસ્યાધિદૈવતમ્

કાઞ્ચીપુરે પવિત્રે ઽસ્મિન્મહીમણ્ડલમણ્ડલે ।
કેયં વિભાતિ કલ્યાણી કામાક્ષીત્યભિવિશ્રુતા

દ્વિભુજા વિવિધોલ્લાસવિલસત્તનુવલ્લરી ।
અદૃષ્ટપૂર્વસૈન્દર્યા પરજ્યોતિર્મયી પરા

સૂત ઉવાચ
અગસ્ત્યેનૈવમુક્તઃ સન્પરાનન્દાદૃતેક્ષણઃ ।
ધ્યાયંસ્તચ્ચ પરં તેજો હયગ્રીવો મહામનાઃ ।
ઇતિ ધ્યાત્વા નમસ્કૃત્ય તમગસ્ત્યમથાબ્રવીત્

હયગ્રીવ ઉવાચ
રહસ્યં સંપ્રવક્ષ્યામિ લોપામુદ્રાપતે શૃણુ

આદ્યા યાણુતરા સા સ્યાચ્ચિત્પરા ત્વાદિકારણમ્ ।
અન્તાખ્યેતિ તથા પ્રોક્તા સ્વરૂપાત્તત્ત્વચિન્તકૈઃ

દ્વિતીયાભૂત્તતઃ શુદ્ધપરાદ્વિભુજસંયુતા ।
દક્ષહસ્તે યોગમુદ્રાં વામહસ્તે તુ પુસ્તકમ્

બિભ્રતી હિમકુન્દેન્દુમુક્તાસમવપુર્દ્યુતિઃ ।
પરાપરા તૃતીયા સ્યાદ્બા લાર્કાયુતસંમિતા

સર્વાભરણસંયુક્તા દશહસ્તધૃતામ્બુજા ।
વામોરુન્યસ્તહસ્તા વા કિરીટાર્ધેન્દુભૂષણા

પશ્ચાચ્ચતુર્ભુજા જાતા સા પરા ત્રિપુરારુણા ।
પાશાઙ્કુશેક્ષુકોદણ્ડપઞ્ચબાણલસત્કરા

લલિતા સૈવ કામાક્ષી કાઞ્ચ્યાં વ્યક્તિમુપાગતા ।
સરસ્વતીરમાગૌર્યસ્તામેવાદ્યામુપાસતે

નેત્રદ્વયં મહેશસ્ય કાશીકાઞ્જીપુરદ્વયમ્

વિખ્યાતં વૈષ્ણવં ક્ષેત્રં શિવસાંનિધ્ય કારકમ્ ।
કાઞ્ચીક્ષેત્રે પુરા ધાતા સર્વલોકપિતામહઃ

શ્રીદેવીદર્શનાયૈવ તપસ્તેપે સુદુષ્કરમ્ ।
આત્મૈકધ્યાનયુક્તસ્ય તસ્યવ્રતવતો મુને

પ્રાદુરાસીત્પુરો લક્ષ્મીઃ પદ્મહસ્તા પરાત્પરા ।
પદ્માસને ચ તિષ્ઠન્તી વિષ્ણુના જિષ્ણુના સહ

સર્વશૃઙ્ગારવેષાઢ્યા સર્વાભરણભૂષિતા ।
સિંહાસનેશ્વરી ખ્યાતા સર્વલોકૈકરક્ષિણી

તાં દૃષ્ટ્વાદ્ભુતસૈન્દર્યાં પરજ્યોતિર્મયીં પરામ્ ।
આદિલક્ષ્મીમિતિ ખ્યાતાં સર્વેષાં હૃદયે સ્થિતામ્

યામાહુસ્ત્રિપુરામેવ બ્રહ્મવિષ્ણવીશમાતરમ્ ।
કામાક્ષીતિ પ્રસિદ્ધાં તામસ્તૌ ષીત્પુર્મભક્તિમાન્

બ્રહ્મોવાચ ।
જય દેવિ જગન્માતર્જય ત્રિપુરસુન્દરિ ।
જય શ્રીનાથસહજે જય શ્રીસર્વમઙ્ગલે

જય શ્રીકરુણારાશે જય શૃઙ્ગારનાયિકે ।
જયજયેધિકસિદ્ધેશિ જય યોગીન્દ્રવન્દિતે

જયજય જગદમ્બ નિત્યરૂપે જયજય સન્નુતલોકસૌખ્યદાત્રિ ।
જયજય હિમશૈલકીર્તનીયે જયજય શઙ્કરકામવામનેત્રિ

જગજ્જન્મસ્થિતિધ્વંસપિધાનાનુગ્રહાન્મુહુઃ ।
યા કરોતિ સ્વસઙ્કલ્પાત્તસ્યૈ દેવ્યૈ નમોનમઃ

વર્ણાશ્રમાણાં સાંકર્યકારિણઃ પાપિનો જનાન્ ।
નિહન્ત્યાદ્યાતિતીક્ષ્ણાસ્ત્રૈસ્તસ્યૈ દેવ્યૈદૃ

નાગમૈશ્ચ ન વેદૈશ્ચ ન શાસ્ત્રૈર્ન ચ યોગિભિઃ ।
દેદ્યા યા ચ સ્વસંવેદ્યા તસ્યૈ દેવ્યૈ નમોનમઃ

રહસ્યામ્નાયવેદાન્તૈસ્તત્ત્વવિદ્ભિર્મુનીશ્વરૈઃ ।
પરં બ્રહ્મેતિ યા ખ્યાતા તસ્યૈદૃ

હૃદયસ્થાપિ સર્વેષાં યા ન કેનાપિ દૃશ્યતે ।
સૂક્ષ્મવિજ્ઞાનરૂપાયૈદૃ

બ્રહ્મા વિષ્ણુશ્ચ રુદ્રશ્ચ ઈશ્વરશ્ચ સદાશિવઃ ।
યદ્ધ્યાનૈકપરા નિત્યં તસ્યૈદૃ

યચ્ચરણભક્તા ઇન્દ્રાદ્યા યદાજ્ઞામેવ બિભ્રતિ ।
સામ્રાજ્યસંપદીશાયૈ તસ્યૈદૃ

વેદા નિઃશ્વસિતં યસ્યા વીક્ષિતં ભૂતપઞ્ચકમ્ ।
સ્મિતં ચરાચરં વિશ્વં તસ્યૈદૃ

સહસ્રશીર્ષા ભોગીન્દ્રો ધરિત્રીં તુ યદાજ્ઞયા ।
ધત્તે સર્વજનાધારાં તસ્યૈદૃ

જ્વલત્યગ્નિસ્તપત્યર્કેવાતો વાતિ યદાજ્ઞયા ।
જ્ઞાનશક્તિસ્વરૂપાયૈ તસ્યૈદૃ

પઞ્ચવિંશતિતત્ત્વાનિ માયાકઞ્ચુકપઞ્ચકમ્ ।
યન્મયં મુનયઃ પ્રાહુસ્તસ્યૈદૃ

શિવશક્તીશ્વરાશ્ચૈવ શુદ્ધબોધઃ સદાશિવઃ ।
યદુન્મેષવિભેદાઃ સ્યુસ્તસ્યૈદૃ

ગુરુર્મન્ત્રો દેવતા ચ તથા પ્રાણાશ્ચ પઞ્ચધા ।
યા વિરાજતિ ચિદ્રૂપા તસ્યૈદૃ

સર્વાત્મનામન્તરાત્મા પરમાન્દરૂપિણી ।
શ્રીવિદ્યેતિ સ્મૃતા વા તુ તસ્યૈદૃ

દર્શનાનિ ચ સર્વાણિ યદઙ્ગાનિ વિદુર્બુધાઃ ।
તત્તન્નિયમયૂપાયૈ તસ્યૈ દેવ્યૈ નમોનમઃ

યા ભાતિ સર્વલોકેષુ મણિમન્ત્રૌષ ધાત્મના ।
તત્ત્વોપદેશરૂપાયૈ તસ્યૈદૃ

દેશકાલપદાર્થાત્મા યદ્યદ્વસ્તુ યથા તથા ।
તત્તદ્રૂપેણ યા ભાતિ તસ્યૈદૃ

હે પ્રતિભટાકારા કલ્યાણગુણશાલિની ।
વિશ્વોત્તીર્ણેતિ ચાખ્યાતા તસ્યૈદૃ

ઇતિ સ્તુત્વા મહાદેવીં ધાતા લોકપિતામહઃ ।
ભૂયોભૂયો નમસ્કૃત્ય સહસા શરણં ગતઃ

સન્તુષ્ટા સા તદા દેવી બ્રહ્માણં પ્રેક્ષ્ય સંનતમ્ ।
વરદા સર્વલોકાનાં વૃણીષ્વ વરમિત્યશાત્

બ્રહ્મોવાચ ।
ભક્ત્યા ત્વદ્દર્શનેનૈવ કૃતાર્થો ઽસ્મિ ન સંશયઃ ।
તથાપિ પ્રાર્થયે કિઞ્ચિલ્લોકાનુગ્રહકામ્યયા

કર્મભૂમૌ તુ લોકે ઽસ્મિન્પ્રાયો મૂઢા ઇમે જનાઃ ।
તેષામનુગ્રહાર્થાય નિત્યં કુર્વત્ર સંનિધિમ્

તથેતિ તસ્ય તં કામં પૂરયામાસ વેધસઃ ।
અથ ધાતા પુનસ્તસ્યા દેવ્યા વાસમકલ્પયત્

શ્રીદેવીસોદરં નત્વા પુણ્ડરીકાક્ષમચ્યુતમ્ ।
તત્સાંનિધ્યં સદા કાઞ્ચ્યાં પ્રાર્થયામાસ ચાદૃતઃ

તતસ્તથા કરિષ્યામીત્યબ્રવીત્તં જનાર્દનઃ ।
અથ તુષ્ટો જગદ્ધાતા પુનઃ પ્રાહ મહેશ્વરીમ્

શિવો ઽપ્યત્રૈવ સાંનિધ્યં તવ પ્રીત્યા કરોત્વિતિ ।
અથ શ્રીત્રિપુરાદક્ષભાગાત્કામેશ્વરઃ પરઃ

ઈશાનઃસર્વવિદ્યા નામીશ્વરઃ સર્વદેહિનામ્ ।
આવિરાસીન્મહાદેવઃ સાક્ષાચ્છૃઙ્ગારનાયકઃ

તતઃ પુનઃ શ્રીકામાક્ષીભાલનેત્રકટાક્ષતઃ ।
કાચિદ્બાલા પ્રાદુરાસીન્મહાગૌરા મહોજ્જ્વલા

સર્વશૃઙ્ગારવેષાઢ્યા મહાલાવણ્યશેવધિઃ ।
અથ શ્રીપુણ્ડરીકાક્ષો બ્રહ્મણા સહ સાદરમ્

કારયામાસ કલ્યાણમાદિસ્ત્રીપુંસયોસ્તયોઃ ।
આખણ્ડલાદયો દેવા વસુરુદ્રાદિદેવતાઃ

માર્કણ્ડેયાદિમુનયો વસિષ્ઠાદિમુનીશ્વરાઃ ।
યોગીન્દ્રાઃ સનકાદ્યાશ્ચ નારદાદ્યાઃ સુરર્ષયઃ

વામદેવપ્રભૃતયો જીવન્મુક્તાઃ શુકાદયઃ ।
યક્ષકિન્નર ગન્ધર્વસિદ્ધવિદ્યાધરોરગાઃ

ગણાગ્રણીર્મહાશાસ્તા દુર્ગાદ્યાશ્ચૈવ માતરઃ ।
યા યાસ્તુ દેવતાઃ પ્રોક્તાસ્તાઃ સર્વાઃ પરમેશ્વરીમ્

ભદ્રાસનવિમાનસ્થા નેમુઃ પ્રાઞ્જલયસ્તદા ।
મનસા નિર્મિતં ધાત્રા મધ્યે નગરમદ્ભુતમ્

મન્દિરં પરમેશાન્યા મનોહરતમં શુભમ્ ।
શ્રીમતા વાસુદેવેન સોદરેમ મહેશ્વરઃ

તત્રોદવોઢતાં ગૌરીમુપાગ્નિ ભગવાન્ભવઃ ।
દેવદુન્દુભયો નેદુઃ પુષ્પવૃષ્ટિઃ પપાત હ

દમ્પત્યોર્જગતાં પત્યોઃ પાણિગ્રહણમઙ્ગલમ્ ।
કો વા વર્ણયિતું શક્તો યદિ જિહ્વાસહસ્રવાન્

આદિશ્રીમન્દિરસ્યાસ્ય વાયુભાગે મહેશિતુઃ ।
વિસ્તૃતં ભુવનશ્રેષ્ઠં કલ્પિતં પરમેષ્ઠિના

શ્રીગૃહસ્યાગ્નિભાગે તુ વિચિત્રં વિષ્ણુમન્દિરમ્ ।
ઇત્થં તા દેવતાસ્તત્ર તિસ્રઃ સન્નિહિતાઃ સદા

તદા પ્રદક્ષિણીકૃત્ય તત્પરૌ દમ્પતી તુ તૌ ।
પ્રાપ્તૌ સભાવનાગારં તદા વિધિજનાર્દનૌ

સમાગમ્ય ચ સભ્યાનાં સમાસ્તાનાંયથાવિધિ ।
સંસ્કારં વૈદિકૈર્મન્ત્રૈઃ કથયામાસતુર્મુદા

આદ્યાદિલક્ષ્મીઃ સર્વેષાં પુરતઃ શ્રીપરેશ્વરી ।
વિરઞ્ચિં દક્ષિણેનાક્ષ્ણા વામેન હરિમૈક્ષત

કા નામ વાણી મા નામ કમલા તે ઉભે તતઃ ।
પ્રાદુર્ભૂતે પ્રભાપુઞ્જે પઞ્જરાન્ત ઇવ સ્થિતે

શ્રીદેવતાનમચ્છીર્ષબદ્ધાઞ્જલિપુટાવુભૌ ।
જય કામાક્ષિકામાક્ષીત્યૂચતુસ્તાં પ્રણેમતુઃ

મૂર્તે ચ ગઙ્ગાયમુને તત્ર સેવાર્થમાગતે ।
તિસ્રઃ કોટ્યોર્ઽધકોટી ચ યા યાસ્તીર્ થાધિદેવતાઃ

સેવાર્થં ત્રિપુરાંબા યાસ્તાસ્તાઃ સર્વાઃ સમાગતાઃ ।
તદા કરાભ્યામાદાય ચામરે ભારતીશ્રિયૌ ।
શ્રીદેવીમુપતસ્થાતે વીજયન્ત્યૌ યથોચિતમ્

અનર્ઘ્યરત્નખચિતકિઙ્કિણીચિતદોર્લતે ।
આદિશ્રીનયનોત્પન્ને તે ઉભે ભારતીશ્રિયૌ

સંવીક્ષ્ય સર્વજનતા વિશેષેણ વિસિસ્મિયે ।
તદા પ્રભૃતિ કલ્યાણી કામાક્ષીત્યભિધામિયાત્ ।
તદુચ્ચારણમાત્રેણ શ્રીદેવી શં પ્રયચ્છતિ

કામાક્ષીતિ ત્રયો વર્ણાઃ સર્વમઙ્ગલહેતવઃ ।
અથ સા જગદીશાની વેદવેદાઙ્ગપારગે

વિધૌ નિત્યં નિષીદેતિ સંદિદેશ સરસ્વતીમ્ ।
સાપિ વાણીશ્વરી ગઙ્ગાહસ્તનિક્ષિપ્તચામરા ।
પશ્યતાં સર્વદેવાનાં વિધાતુર્મુખમાવિશત્

ઇન્દિરા ચ મહાલક્ષ્મ્યા સંદિષ્ટા તુષ્ટયા તથા ।
યથોચિતનિવાસાય વિષ્ણોર્વક્ષસ્થલં મુદા ।
તદાજ્ઞાં શિરસા ધૃત્વા રમા વિષ્ણુશ્ચ ભક્તિતઃ

તાવુભૌ દંપતી નત્વા મહાત્રિપુરસુન્દરીમ્ ।
પ્રાર્થયામાસતુર્ભૂયસ્તદાવરણદેવતામ્

તથાસ્ત્વિતિ વરં દત્ત્વા તાભ્યાં ત્રિપુરસુન્દરમ્ ।
તદાવરણદેવત્વં પ્રાપ્તૌ પદ્માચ્યુતૌ તદા

સ્વપીઠોત્તરમાસ્થાપ્ય દક્ષિણે સ્થિતવાન્સ્વયમ્ ।
અથોવાચ મહાગૌરીં ત્વમન્યદ્રૂપમાચર ।
તત્ર યાતો મહાગૌર્યાઃ પ્રતિબિંબો મનોહરઃ

ચકાસદ્દિવ્યદેહેન મહાગૌરીસમાકૃતિઃ ।
તરુણારુણરાજાભસૈન્દર્યચરણદ્વયઃ

ક્વણત્કઙ્કણમઞ્જીરતિત્તિરીકૃતપીઠકઃ ।
વિદ્યુદુલ્લાસિતસ્વાનમનોજ્ઞમણિમેખલઃ

રત્નકઙ્કણકેયૂરવિરાજિતભુજદ્વયઃ ।
મુક્તાવૈદૂર્યમાણિક્ય નિબદ્ધવરબન્ધનઃ

વિભ્રાજમાનો મધ્યેન વલિત્રિતયશોભિતઃ ।
જાહ્નવીસરિદાવર્તશોભિનાભીવિભૂષિતઃ

પાટીરપઙ્કકર્પૂરકુઙ્કુમાલઙ્કૃતસ્તનઃ ।
આમુક્તમુક્તાલઙ્કારભાસુરસ્તનકુઞ્ચુકઃ

વિનોદેન કટીદેશલંબમાનસુશૃઙ્ખલઃ ।
માણિક્યશકલાબદ્ધમુદ્રિકાભિરલઙ્કૃતઃ

દક્ષહસ્તાંબુજાસક્તસ્નિગ્ધોજ્જવલમનોહરઃ ।
આભાત્યાપ્રપદીનસ્રગ્દિવ્યાકલ્પકદંબકૈઃ

દીપ્તભૂષણરત્નાંશુરાજિરાજિતદિઙ્મુખઃ ।
તપ્તહાટકસંકૢપ્તરત્નગ્રીબોપશોભિતઃ

માઙ્ગલ્યસૂત્રરત્નાંશુશોણિમાધરકન્ધરઃ ।
પાલીવતંસમાણિક્યતાટઙ્કપરિભૂષિતઃ

જપાવિદ્રુમલાવણ્યલલિતાધરપલ્લવઃ ।
દાડિમીફલબીજાભદન્તપઙ્ક્તિવિરાજિતઃ

મન્દમન્દસ્મિતોલ્લાસિકપોલફલકોમલઃ ।
ઔપમ્યરહિતોદારનાસામણિમનોહરઃ

વિલસત્તિલપુષ્પશ્રીવિમલોન્નત નાસિકઃ ।
ઈષદુન્મેષમધુરનીલોત્પલવિલોચનઃ

નવપ્રસૂનચાપશ્રીલલિતભ્રૂવિકાશકઃ ।
અર્દ્ધેન્દુતુલિતો ભાલે પૂર્ણેન્દુરુચિરાનનઃ

સાંદ્રસૌરભસંપન્નકસ્તૂરીતિલકોજ્જ્વલઃ ।
મત્તાલિમાલાવિલસદલકાઢ્યમુખાંબુજઃ

પારિજાતપ્રસૂનસ્રગ્વાહિધમ્મિલ્લબન્ધનઃ ।
અત્યર્થરત્નખચિતમુકુટાઞ્ચિતમસ્તકઃ

સર્વલાવણ્યવસતિર્ભવનં વિભ્રમાશ્રિયઃ ।
શિવો વિષ્ણુશ્ચ તત્રત્યાઃ સમસ્તાશ્ચ મહાજનાઃ

બિંબસ્ય તસ્ય દેવ્યાશ્ચ અભેદં જગૃહુસ્તદા ।
અથ તર્હિ મહેશાની સ્વતન્ત્રા પ્રવિવેશ હ

અગ્રતઃ સર્બદેવાનામાશ્રયેણ પ્રપશ્યતામ્ ।
બિમ્બં કૃત્વાત્મના બિમ્બે સંપ્રવિશ્ય સ્થિતાં ચ તામ્ ।
દૃષ્ટ્વા ભૂયો નમસ્કૃત્ય પુનઃ પ્રાર્થિતવાન્વિધિઃ

પૂર્ણબ્રહ્મે મહાશક્તે મહાત્રિપુરસુન્દરિ ।
શ્રીકામાક્ષીતિ વિખ્યાતે નમસ્તુભ્યં દિનેદિને ।
કિઞ્ચિદ્વિજ્ઞાપયામ્યદ્ય શૃણુ તત્કૃપયા મમ

અત્રૈવ તુ મહાગૌર્યા મહેશસ્યોભયોરપિ ।
શ્રીદેવિ નિત્યકલ્યાણિ વિવાહઃ પ્રતિવત્સરમ્ ।
કર્તવ્યો જગતામૃદ્ધસેવાયૈ ચ દિવૌકસામ્

ભૂલોકે ઽસ્મિન્મહાદેવિ વિમૂઢા જનતા અપિ ।
તાં દૃષ્ટ્વા ભક્તિતો નત્વા પ્રયાન્તુ પરમાં ગતિમ્

તથેત્યાકાશવાણ્યા તુ દદૌ તસ્યૌત્તરં પરા ।
વિસસર્જ ચ સર્વાંસ્તાન્સ્વનિકેતનિવૃત્તયે

તદદ્ભુતતમં શીલં સ્મૃત્વા સ્મૃત્વા મુહુર્મુહુઃ ।
તાં નમસ્કૃત્ય તે સર્વે તતો જગમુર્યથાગતમ્

પિતામહસ્તુ હૃષ્ટાત્મા મુકુન્દેન શિવેન ચ ।
સાર્ધં શ્રીમન્દિરે તત્ર મન્ત્રોપેતાં નિવેશ્ય ચ ।
આરાધ્ય વૈદિકૈઃ સ્તોત્રૈઃ સાષ્ટાઙ્ગં પ્રણનામ સઃ

અથાકાશગિરા દેવી બ્રહ્માણમિદમબ્રવીત્

વિષ્ણું શિવં ચ સ્વસ્થાને સમાધાય સમાહિતઃ ।
પ્રતિસંવત્સરં તત્ર સેવાં કુરુદૃઢાશય

સ્વયંવ્યક્તમિહ શ્રીશમિત્રેશાંબાસમન્વિતમ્ ।
શ્રીકામગિરિપીઠં તુ સાક્ષાચ્છ્રીપુરમધ્યગમ્

વામભાગે વૃતં લક્ષ્યં વિષ્ણુનાન્યત્ર સેવિનમ્

ચિદાનન્દાકારરૂપં સર્વપીઠાધિદૈવતમ્ ।
અદૃશ્યમૂર્તિમવ્યક્તમાદધાર યથા વિધિ

શ્રીમનોજ્ઞે સુનક્ષત્રે દલાનાં હીરકોરકૈઃ ।
અર્ચિષ્મદ્ભિરપ્રધૃષ્યૈર્લ્લોકાનામભિવૃદ્ધયે

ઇદાનીં ત્વં તદભ્યર્ચ્ય યધાવિધિ વિધે મુદા ।
મણ્ડલં ત્વખિલં કૃત્વા નિજલોકં હિ પાલય

ઇત્યુક્તો ભગવાન્બ્રહ્મા તથા કૃત્વા તદીરિતમ્ ।
નિક્ષિપ્ય હૃદિ તાં દેવીં નિજં ધામ જગામ સઃ

ઇતિ તે તત્ત્વતઃ પ્રોક્તં કામાક્ષીશીલમદ્ભુતમ્ ।
સાક્ષાદેવમહાલક્ષ્મીમિમાં વિદ્ધિ ઘટોદ્ભવ

ય ઇદં શૃણુયાન્નિત્યં યશ્ચાપિ પ્રયતઃ પઠેત્ ।
તસ્ય ભુક્તિશ્ચ મુક્તિશ્ચ કરસ્થા નાત્ર સંશયઃ

બૃહસ્પતિસમો બુદ્ધ્યા સર્વવિદ્યાધિપો ભવેત્ ।
આદિર્નારાયણઃ શ્રીમાન્ભગવાન્ભક્તવત્સલઃ

તપસા તોષિતઃ પૂર્વં મયા ચ ચિરકાલતઃ ।
સારૂપ્યમુક્તિં કૃપયા દત્ત્વા પુત્રાય મે પ્રભુઃ ।
મહાત્રિપુરસુન્દર્યા મહાત્મ્યં સમુપાદિશત્

તતસ્તસ્માદહં કિઞ્ચિદ્વેદ્મિ વક્ષ્યે ન ચાન્યથા ।
રહસ્યમન્ત્રં સંવક્ષ્યેશૃણુ તં ત્વં સમાહિતઃ

ન બ્રહ્મા ન ચ વિષ્ણુર્વા ન રુદ્રશ્ચ ત્રયો ઽપ્યમી ।
મોહિતા માયયા યસ્યાસ્તુરીયસ્તુ સ ચેશ્વરઃ ।
સદાશિવો ન જાનાતિ કથં પ્રાકૃતદેવતાઃ

સદાશિવસ્તુ સર્વાત્મા સચ્ચિદાનન્દવિગ્રહઃ ।
અકર્તુમન્યથા કર્તું કર્તુમસ્યા અનુગ્રહાત્

સદા કશ્ચિત્તદેવાહં મન્યમાનો મહેશ્વરઃ ।
તન્માયામોહિતો ભૂત્વા ત્વવશઃ શવતામગાત્

સૈવ કારણમેતેષામુત્પત્તૌ ચ લયે ઽપિ ચ ।
કશ્ચિદત્ર વિશેષો ઽસ્તિ વક્તવ્યાંશો ઽપિ તં શૃણુ

બ્રહ્માદીનાં ત્રયાણાં ચ તુરીયસ્ત્વીશ્વરઃ પ્રભુઃ ।
ચતુર્ણામપિ સર્વેષામાદિ કર્તા સદાશિવઃ

એતદ્રહસ્યં કથિતં તસ્યાશ્ચરિતમદ્ભુતમ્ ।
ભૂય એવ પ્રવક્ષ્યામિ સાવધાનમનાઃ શૃણુ