બ્રહ્માંડ પુરાણ · અધ્યાય 2.64

ઇતિ શ્રીબ્રહ્માણ્ડે મહાપુરાણે વાયુપ્રોક્તે મધ્યમભાગે તૃતીય ઉપોદ્ધાત પાદે ભાર્ગવચરિતે ઇક્ષ્વાકુવંશકીર્ત્તનં નામ ત્રિષષ્ટિતમો ઽધ્યાયઃ ॥ 63॥
સૂત ઉવાચ
અનુજસ્ય વિકુક્ષેસ્તુ નિમેર્વંશં નિબોઘત ।
યો ઽસૌ નિવેશયામાસ પુરં દેવપુરોપમમ્

જયન્તમિતિ વિખ્યાતં ગૌતમસ્યાશ્રમાન્તિકમ્ ।
યસ્યાન્વવાયે જજ્ઞે વૈ જનકો નૃપસત્તમઃ

નિમિર્નામ સુધર્માત્મા સર્વસત્ત્વનમસ્કૃતઃ ।
આસીત્પુત્રો મહારાજ ચૈક્ષ્વાકોર્ભૂરિતેજસઃ

સ શાપેન વસિષ્ઠસ્યવિદેહઃ સમપદ્યત ।
તસ્ય પુત્રો મિથિર્નામ જનિતઃ પર્વભિસ્ત્રિભિઃ

અરણ્યાં મથ્યમાનાયા પ્રાદુર્ભૂતો મહાયશાઃ ।
નામ્ના મિથિરિતિ ખ્યાતો જનનાજ્જનકો ઽભવત્

મિથિર્નામ મહાવીર્યો યેનાસૌ મિથિલાભવત્ ।
રાજાસૌ નામ જનકો જનકાચ્ચા પ્યુદાવસુઃ

ઉદાવસોસ્તુ ધર્માત્મા જાતો ઽસૌ નન્દિવર્દ્ધનઃ ।
નન્દિવર્ધનતઃ શૂરઃ સુકેતુર્નામ ધાર્મિકઃ

સુકેતોરપિ ધર્માત્મા દેવરાતો મહાબલઃ ।
દેવરાતસ્ય ધર્માત્મા બૃહદુક્થ ઇતિ શ્રુતઃ

બૃહદુક્થસ્ય તનયો મહાવીર્યઃ પ્રતાપવાન્ ।
મહાવીર્યસ્ય ધૃતિમાન્ સુધૃતિ સ્તસ્ય ચાત્મજઃ

સુધૃતેરપિ ધર્માત્મા ધૃષ્ટકેતુઃ પરન્તપઃ ।
ધૃષ્ટકેતુસુતશ્ચાપિ હર્યશ્વો નામ વિશ્રુતઃ

હર્યશ્વસ્ય મરુઃ પુત્રો મરોઃ પુત્રઃ પ્રતિંબકઃ ।
પ્રતિંબકસ્ય ધર્માત્મા રાજા કીર્ત્તિરથઃ સ્મૃતઃ

પુત્રઃ કીર્ત્તિરથસ્યાપિ દેવમીઢ ઇતિ શ્રુતઃ ।
દેવમીઢસ્ય વિબુધો વિબુધસ્ય મહાધૃતિઃ

મહાધૃતિસુતો રાજા કીર્ત્તિરાતઃ પ્રતાપવાન્ ।
કીર્તિરાતાત્મજો વિદ્વાન્ મહારોમેતિ વિશ્રુતઃ

મહારોમ્ણસ્તુ વિખ્યાતઃ સ્વર્ણરોમા વ્યજાયત ।
સ્વર્ણરોમાત્મજશ્ચાપિ હ્રસ્વરોમાભવન્નૃપઃ

હ્રસ્વરોમાન્મજો વિદ્વાન્ સરિદ્ધ્વજ ઇતિ શ્રુતઃ ।
ઉદ્ભિન્ના કર્ષતા યેન સીતા રાજ્ઞા યશસ્વિની

રામસ્ય મહિધી સાધ્વી સુવ્રતા નિયતવ્રતા ।
વૈશંપાયન ઉવાચ
કથં સીતા સમુત્પન્ન કૃષ્યમાણ યશસ્વિની

કિમર્થં વાકૃષદ્રાજા ક્ષેત્રં યસ્મિન્ બભૂવ હ ।
સૂત ઉવાચ
અગ્નિક્ષેત્રે કૃષ્યમાણે અશ્વમેધે મહાત્મનઃ

વિધિના સુપ્રયત્નેન તસ્માત્સા તુ સમુત્થિતા ।
સીરધ્વજાનુજાતસ્તુ ભાનુમાન્નામ મૈથિલઃ

ભ્રાતા કુશધ્વજસ્તસ્ય સ કાશ્યધિપતિર્નૃપઃ ।
તસ્ય ભાનુમતઃ પુત્રઃ પ્રદ્યુમ્નશ્ચ પતાપવાન્

મુનિસ્તસ્ય સુતશ્ચાપિ તસ્માદૂર્જવહઃ સ્મૃતઃ ।
ઊર્જવહાત્સનદ્વાજઃ શકુનિસ્તસ્ય ચાત્મજઃ

સ્વાગતઃ શકુનેઃ પુત્રઃ સુવર્ચાસ્તત્સુતઃ સ્મૃતઃ ।
સુતોપસ્તસ્ય દાયાદઃ સુશ્રુતસ્તસ્ય ચાત્મજઃ

સુશ્રુતસ્ય જયઃ પુત્રો જયસ્ય વિજયઃ સુતઃ ।
વિજયસ્ય ક્રતુઃ પુત્ર- ક્રતોશ્ચ સુનયઃ સ્મતઃ

સુનયાદ્વીતહવ્યસ્તુ વીતહવ્યાત્મજો ધૃતિઃ ।
ધૃતેસ્તુ બહુલાશ્વો ઽભૂદ્બહુલાશ્વસુતઃ કૃતિઃ

તસ્મિન્સંતિષ્ઠતે વંશો ચનકાનાં મહાત્મનામ્ ।
ઇત્યેતે મૈથિલાઃ પ્રોક્તાઃ સોમસ્યાપિ નિબોધત