બ્રહ્માંડ પુરાણ · અધ્યાય 2.36

ઇતિ શ્રીબ્રહ્માણ્ડે મહાપુરાણે વાયુપ્રોક્તે મધ્યમભાગે તૃતીય
ઉપોદ્ધાતપાદે ભાર્ગવચ રિતે પઞ્ચત્રિંશત્તમો ઽધ્યાયઃ ॥ 35॥
વસિષ્ઠ ઉવાચ
અવગત્ય સ વૈ સર્વં કારણં પ્રીતમાનસઃ ।
ઉવાચ ભાર્ગવં રામમગસ્ત્યઃ કુંભસંભવઃ

અગસ્ત્ય ઉવાચ
શૃણુ રામ મહાભાગ કથયામિ હિતં તવ ।
મન્ત્રસ્ય સિદ્ધિં યેન ત્વં શીઘ્રમેવ સમાપ્નુયાઃ

ભક્તેસ્તુ લક્ષણં જ્ઞાત્વા ત્રિવિધાયા મહામતે ।
યો યતેત નરસ્તસ્ય સિદ્ધિર્ભવતિ સત્વરમ્

એકદાહમનુપ્રાપ્તો ઽનન્તદર્શનકાઙ્ક્ષયા ।
પાતાલં નાગરાચૈન્દ્રૈઃ શોભિતં પરયા મુદા

તત્ર દૃષ્ટા મહાભાગ મયા સિદ્ધાઃ સમન્તતઃ ।
સનકાદ્યા નારદશ્ચ ગૌતમો જાજલિઃક્રતુઃ

ઋભુર્હંસો ઽરુણિશ્ચૈવ વાલ્મીકિઃ શક્તિરાસુરિઃ ।
એતે ઽન્યે ચ મહાસિદ્ધા વાત્સ્યાયનમુખા દ્વિજ

ઉપાસત હ્યુપા સીના જ્ઞાનાર્થં ફણિનાયકમ્ ।
તં નમસ્કૃત્ય નાગૈન્દ્રૈઃ સહ સિદ્ધૈર્મહાત્મભિઃ

ઉપવિષ્ટઃ કથાત્તત્ર શૃણ્વાનો વૈષ્ણવીર્મુદા ।
યેયં ભૂમિર્મહાભાગ ભૂતધાત્રી સ્વરૂપિણી

નિવિષ્ટા પુરતસ્તસ્ય શૃણ્વન્તી તાઃ કથાઃ સદા ।
યદ્યત્પૃચ્છતિ સા ભૂમિઃ શેષં સાક્ષાન્મહીધરમ્

શૃણ્વન્તિ ઋષયઃ સર્વે તત્રસ્થા તદનુગ્રહાત્ ।
મયા તત્ર શ્રુતં વત્સ કૃષ્ણપ્રેમામૃતં શુભમ્

સ્તોત્રં તત્તે પ્રવક્ષ્યામિ યસ્યાર્થં ત્વમિહાગતઃ ।
વારાહાદ્યવતારાણાં ચરિતં પાપનાશનમ્

સુખદં મોક્ષદં ચૈવ જ્ઞાનવિજ્ઞાન કારણમ્ ।
શ્રુત્વા સર્વં ધરા વત્સ પ્રત્દૃષ્ટા તં ધરાધરમ્

ઉવાચ પ્રણતા ભૂયો જ્ઞાતું કૃષ્ણવિચેષ્ટિતમ્ ।
ધરણ્યુવાચ
અલઙ્કૃતં જન્મ પુંસામપિ નન્દવ્રજૌકસામ્

તસ્ય દેવસ્ય કૃષ્ણસ્ય લીલાવિગ્રહધારિણઃ ।
જયોપાધિનિયુક્તાનિ સંતિ નામાન્યનેકશઃ

તેષુ નામાનિ મુખ્યાનિ શ્રોતુકામા ચિરાદહમ્ ।
તત્તાનિ બ્રૂહિ નામાનિ વાસુદેવસ્ય વાસુકે

નાતઃ પરતરં પુણ્યં ત્રિષુ લોકેષુ વિદ્યતે ।
શેષ ઉવાચ
વસુંધરે વરારોહે જનાનામસ્તિ મુક્તિદમ્

સર્વમઙ્ગલમૂર્દ્ધન્યમણિમાદ્યષ્ટસિદ્ધિદમ્ ।
મહાપાતકકોટિઘ્ન સર્વતીર્થફલપ્રદમ્

સમસ્તજપયજ્ઞાનાં ફલદં પાપનાશનમ્ ।
શૃણુ દેવિ પ્રવક્ષ્યામિ નામ્નામષ્ટોતરં શતમ્

મહસ્રનામ્નાં પુણ્યાનાં ત્રિરાવૃત્ત્યા તુ યત્ફલમ્ ।
એકાવૃત્ત્યા તુ કૃષ્ણસ્ય નામૈકં તત્પ્રયચ્છતિ

તસ્માત્પુણ્યતરં ચૈતત્સ્તોત્રં પાતકનાશનમ્ ।
નામ્નામષ્ટોત્તરશતસ્યાહમેવ ઋષિઃ પ્રિયે

છન્દો ઽનુષ્ટુબ્દેવતા તુ યોગઃ કૃષ્ણપ્રિયાવહઃ ।
શ્રીકૃષ્ણઃ કમલાનાથો વાસુદેવઃ સનાતનઃ

વસુદેવાત્મજઃ પુણ્યો લીલામાનુષવિગ્રહઃ ।
શ્રીવત્સકૌસ્તભધરો યશોદાવત્સલો હરિઃ

ચતુર્ભુજાત્તચક્રાસિગદાશઙ્ખાદ્યુદાયુધઃ ।
દેવકીનન્દનઃ શ્રીશો નન્દગોપપ્રિયાત્મજઃ

યમુનાવેગસંહારી બલભદ્રપ્રિયાનુજઃ ।
પૂતનાજીવિતહરઃ શકટાસુરભઞ્જનઃ

નન્દપ્રજજનાનન્દી સચ્ચિદાનન્દવિગ્રહઃ ।
નવનીતવિલિપ્તાઙ્ગો નવનીતનટો ઽનઘઃ

નવનીતલવાહારી મુચુકુન્દપ્રસાદકૃત્ ।
ષોડશસ્ત્રીસહસ્રેશસ્ત્રિભઙ્ગી મધુરાકૃતિઃ

શુકવાગમૃતાબ્ધીન્દુર્ગોવિન્દો ગોવિદાંપતિઃ ।
વત્સપાલનસંચારી ધેનુકાસુરમર્દ્દનઃ

તૃણીકૃતતૃણાવર્ત્તો યમલાર્જુનભઞ્જનઃ ।
ઉત્તાલતાલભેત્તા ચ તમાલશ્યામલા કૃતિઃ

ગોપગોપીશ્વરો યોગી સૂર્યકોટિસમપ્રભઃ ।
ઇલાપતિઃ પરઞ્જ્યોતિર્યાદવેન્દ્રો યદૂદ્વહઃ

વનમાલી પીતવાસાઃ પારિજાતાપહરકઃ ।
ગોવર્દ્ધનાચલોદ્ધર્ત્તા ગોપાલઃ સર્વપાલકઃ

અજો નિરઞ્જનઃ કામજનકઃ કઞ્જલોચનઃ ।
મધુહા મથુરાનાથો દ્વારકાનાથકો બલી

વૃન્દાવનાન્તસંચારી તુલસીદામભૂષણઃ ।
સ્યમન્તકમણેર્હર્ત્તા નરનારાયણાત્મકઃ

કુબ્જાકૃષ્ટાંબરધરો માયી પરમપૂરુષઃ ।
મુષ્ટિકાસુરચાણૂરમલ્લયુદ્ધવિશારદઃ

સંસારવૈરી કંસારિર્મુરારિર્નરકાન્તકઃ ।
અનાદિ બ્રહ્મચારી ચ કૃષ્ણાવ્યસનકર્ષકઃ

શિશુપાલશિરસ્છેત્તા દુર્યોધનકુલાન્તકૃત ।
વિદુરાક્રૂરવરદો વિશ્વરૂપપ્રદર્શકઃ

સત્યવાક્સત્યસંકલ્પઃ સત્યભામારતો જયી ।
સુભદ્રાપૂર્વજો વિષ્ણુર્ભીષ્મમુક્તિપ્રદાયકઃ

જગદ્ગુરુર્જગન્નાથો વેણુવાદ્ય વિશારદઃ ।
વૃષભાસુરવિધ્વંસી બકારિર્બાણબાહુકૃત્

યુધિષ્ટિરપ્રતિષ્ઠાતા બર્હિબર્હાવતંસકઃ ।
પાર્થસારથિરવ્યક્તો ગીતામૃતમહોદધિઃ

કાલીયફણિમાણિક્યરઞ્જિતઃ શ્રીપદાંબુજઃ ।
દામોદરો યજ્ઞભોક્તા દાનવૈદ્રવિનાશનઃ

નારાયણઃ પરં બ્રહ્મ પન્નગાશનવાહનઃ ।
જલક્રીડાસમાસક્તગોપીવસ્ત્રાપહારકઃ

પુણ્યશ્લોકસ્તીર્થપાદો વેદવેદ્યો દયાનિધિઃ ।
સર્વતીર્થાન્મકઃ સર્વગ્રહરૂપી પરાત્પરઃ

ઇત્યેવં કૃષ્ણદેવસ્ય નામ્નામષ્ટોત્તરં શતમ્ ।
કૃષ્ણોન કૃષ્ણભક્તેન શ્રુત્વા ગીતામૃતં પુરા

સ્તોત્રં કૃષ્ણપ્રિયકરં કૃતં તસ્માન્મયા શ્રુતમ્ ।
કૃષ્ણપ્રેમામૃતં નામ પરમાનન્દદાયકમ્

અત્યુપદ્રવદુઃ ખઘ્નં પરમાયુષ્ય વર્દ્ધનમ્ ।
દાનં વ્રતં તપસ્તીર્થં યત્કૃતં ત્વિહ જન્મનિ

પઠતાં શૃણ્વતાં ચૈવ કોટિકોટિગુણં ભવેત્ ।
પુત્રપ્રદમપુત્રાણામગતી નાં ગતિપ્રદમ્

ધનવાહં દરિદ્રાણાં જયેચ્છૂનાં જયાવહમ્ ।
શિશૂનાં ગોકુલાનાં ચ પુષ્ટિદં પુણ્યવર્દ્ધનમ્

બાલરોગગ્રહાદીનાં શમનં શાન્તિકારકમ્ ।
અન્તે કૃષ્ણસ્મરણદં ભવતાપત્રયાપહમ્

અસિદ્ધસાધકં ભદ્રે જપાદિકરમાત્મનામ્ ।
કૃષ્ણાય યાદવેન્દ્રાય જ્ઞાનમુદ્રાય યોગિને

નાથાય રુક્મિણીશાય નમો વેદાન્તવેદિને ।
ઇમં મન્ત્રં મહાદેવિ જપન્નેવ દિવા નિશમ્

સર્વગ્રહાનુગ્રહભાક્સર્વપ્રિયતમો ભવેત્ ।
પુત્રપૌત્રૈઃ પરિવૃતઃ સર્વસિદ્ધિસમૃદ્ધિમાન્

નિષેવ્ય ભોગાનન્તે ઽપિકૃષ્ણાસાયુજ્યમાપ્નુયાત્ ।
અગસ્ત્ય ઉવાચ
એતાવદુક્તો ભાગવાનનન્તો મૂર્ત્તિસ્તુ સંકર્ષણસંજ્ઞિતા વિભો

ધરાધરો ઽલં જગતાં ધરાયૈ નિર્દિશ્ય ભૂયો વિરરામ માનદઃ ।
તતસ્તુ સર્વે સનકાદયો યે સમાસ્થિતાસ્તત્પરિતઃ કથાદૃતાઃ ।
આનન્દ પૂર્ણ્ણંબુનિધૌ નિમગ્નાઃ સભાજયામાસુરહીશ્વરં તમ્

ઋષય ઊચુઃ
નમો નમસ્તે ઽખિલવિશ્વાભાવન પ્રપન્નભક્તાર્ત્તિહરાવ્યયાત્મન્ ।
ધરાધરાયાપિ કૃપાર્ણવાય શેષાય વિશ્વપ્રભવે નમસ્તે

કૃષ્ણામૃતં નઃ પરિપાયિતં વિભો વિધૂતપાપા ભવતા કૃતા વયમ્ ।
ભવાદૃશા દીનદયાલવો વિભો સમુદ્ધરન્ત્યેવ નિજાન્હિ સંનતાન્

એવં નમસ્કૃત્ય ફણીશ પાદયોર્મનો વિધાયાખિલકામપૂરયોઃ ।
પ્રદક્ષિણીકૃત્ય ધરાધરાધરં સર્વે વયં સ્વાવસથાનુપાગતાઃ

ઇતિ તે ઽભિહિતં રામ સ્તોત્રં પ્રેમામૃતાભિધમ્ ।
કૃષ્ણસ્ય રાધાકાન્તસ્ય સિદ્ધિદમ્

ઇદં રામ મહાભાગ સ્તોત્રં પરમદુર્લભમ્ ।
શ્રુતં સાક્ષાદ્ભગવતઃ શેષાત્કથયતઃ કથાઃ

યાવન્તિ મન્ત્રજાલાનિ સ્તોત્રાણિ કવચાનિ ચ

ત્રૈલોક્યે તાનિ સર્વાણિ સિદ્ધ્યન્ત્યેવાસ્ય શીલનાત્ ।
વસિષ્ઠ ઉવાચ
એવમુક્ત્વા મહારાજ કૃષ્ણપ્રેમામૃતં સ્તવમ્ ।
યાવદ્વ્યરસીંત્સ મુનિસ્તાવત્સ્વર્યાનમાગતમ્

ચતુર્ભિરદ્ભુતૈઃ સિદ્ધૈઃ કામરૂપૈર્મનોજવૈઃ ।
અનુયાતમથોત્પ્લુત્ય સ્ત્રીપુંસૌ હરિણૌ તદા ।
અગસ્ત્યચરણૌ નત્વા સમારુરુહતુર્મુદા

દિવ્યદેહધરૌ ભૂત્વા સંખચક્રાદિચિહ્નિતૌ ।
ગતૌ ચ વૈષ્ણવં લોકં સર્વ દેવન મસ્કૃતમ્ ।
પશ્યતાં સર્વભૂતાનાં ભાર્ગવાગસ્ત્યયોસ્તથા