બ્રહ્મસૂત્ર · અધ્યાય 3.4

પુરુષાર્થો ઽતઃ શબ્દાદ્ ઇતિ બાદરાયણઃ

શેષત્વાત્પુરુષાર્થવાદો યથાન્યેષ્વ્ ઇતિ જૈમિનિઃ

આચારદર્શનાત્

તચ્છ્રુતેઃ

સમન્વારમ્ભણાત્

તદ્વતો વિધાનાત્

નિયમાત્

અધિકોપદેશાત્ તુ બાદરાયણસ્યૈવં તદ્દર્શનાત્

તુલ્યં તુ દર્શનમ્

અસાર્વત્રિકી

વિભાગઃ શતવત્

અધ્યયનમાત્રવતઃ

નાવિશેષાત્

સ્તુતયે ઽનુમતિર્વા

કામકારેણ ચૈકે

ઉપમર્દં ચ

ઊર્ધ્વરેતસ્સુ ચ શબ્દે હિ

પરામર્શં જૈમિનિરચોદનાચ્ચાપવદતિ હિ

અનુષ્ઠેયં બાદરાયણસ્સામ્યશ્રુતેઃ

વિધિર્ વા ધારણવત્

સ્તુતિમાત્રમ્ ઉપાદાનાદ્ ઇતિ ચેન્ નાપૂર્વત્વાત્

ભાવશબ્દાચ્ ચ

પારિપ્લવાર્થા ઇતિ ચેન્ ન વિશેષિતત્વાત્

તથા ચૈકવાક્યોપબન્ધાત્

અત એવ ચાગ્નીન્ધનાદ્યનપેક્ષા

સર્વાપેક્ષા ચ યજ્ઞાદિશ્રુતેર્ અશ્વવત્

શમદમાદ્યુપેતસ્ સ્યાત્ તથાપિ તુ તદ્વિધેસ્ તદઙ્ગતયા તેષામ્ અપ્ય્ અવશ્યાનુષ્ઠેયત્વાત્

સર્વાન્ નાનુમતિશ્ ચ પ્રાણાત્યયે તદ્દર્શનાત્

અબાધાચ્ ચ

અપિ સ્મર્યતે

શબ્દશ્ ચાતો ઽકામકારે

વિહિતત્વાચ્ ચાઽશ્રમકર્માપિ

સહકારિત્વેન ચ

સર્વથાપિ ત એવોભયલિઙ્ગાત્

અનભિભવં ચ દર્શયતિ

અન્તરા ચાપિ તુ તદ્દૃષ્ટેઃ

અપિ સ્મર્યતે

વિશેષાનુગ્રહશ્ ચ

અતસ્ ત્વ્ ઇતરજ્જ્યાયો લિઙ્ગાચ્ ચ

તદ્ભૂતસ્ય તુ નાતદ્ભાવો જૈમિનેર્ અપિ નિયમાત્ તદ્રૂપાભાવેભ્યઃ

ન ચાધિકારિકમ્ અપિ પતનાનુમાનાત્ તદયોગાત્

ઉપપૂર્વમ્ અપીત્ય્ એકે ભાવમશનવત્ તદ્ ઉક્તમ્

બહિસ્ તૂભયથાપિ સ્મૃતેર્ આચારાચ્ ચ

સ્વામિનઃ ફલશ્રુતેર્ ઇત્ય્ આત્રેયઃ

આર્ત્વિજ્યમ્ ઇત્ય્ ઔડુલોમિઃ તસ્મૈ હિ પરિક્રીયતે

સહકાર્યન્તરવિધિઃ પક્ષેણ તૃતીયં તદ્વતો વિધ્યાદિવત્

કૃત્સ્નભાવાત્ તુ ગૃહિણોપસંહારઃ

મૌનવદ્ ઇતરેષામ્ અપ્ય્ ઉપદેશાત્

અનાવિષ્કુર્વન્ન્ અન્વયાત્

ઐહિકમ્ અપ્રસ્તુતપ્રતિબન્ધે તદ્દર્શનાત્

એવં મુક્તિફલાનિયમસ્ તદવસ્થાવધૃતેસ્ તદવસ્થાવધૃતેઃ