બોધસાર · અધ્યાય 44

[પ્. 710-]
મનોમહિમા
કિં બદ્ધમસિ મુક્તં વા મનઃ પૃચ્છ મહામુને ।
યદિ બદ્ધમિતિ બ્રૂયાત્તર્હિ બદ્ધોઽસ્યસંશયઃ

કિંચિન્મુક્તમિતિ બ્રૂયાત્કિંચિન્મુક્તોઽસિ મોહતઃ ।
યદિ મુક્તમિતિ બ્રૂયાત્તર્હિ મુક્તોઽસિ મોહતઃ

બદ્ધેન મનસા બદ્ધો મુક્તો મુક્તેન ચેતસા ।
ન બદ્ધો ન ચ મુક્તોઽયમિતિ વેદાન્તનિર્ણયઃ

સ્ફુરન્તિ મહિમાનો યે યત્ર યત્ર જગત્ત્રયે ।
તે સર્વે મનસો ધર્મા મનો હિ મહિમાઽઽશ્રયમ્

અણિમા મહિમા ચૈવ લઘિમા ગરિમા તથા ।
પ્રાપ્તિઃ પ્રાકામ્યમીશિત્વં વશિત્વં મનસો ગુણાઃ

મનો ધનુર્મનો મૌર્વી મન એવ ધનુર્ધરઃ ।
મનો લક્ષ્યં મનો વેધો મનો વિદ્ધં વિમુક્તયે

મન એવ મનુષ્યાણાં કારણં બન્ધમોક્ષયોઃ ।
ઇતોઽધિકં તુ કિં વાચ્યમદ્વયે તુ સ્થિતં ન તત્