બોધસાર · અધ્યાય 16.3

[પ્. 330-]
અથ પ્રાતઃસ્મરણમ્ ।
પ્રાતઃ સ્મરન્તિ મુનયો દેવસ્ય સવિતુર્મહઃ ।
વરેણ્યં તદ્ધિયઃ સાક્ષિ તદેવાસ્મીતિ સંતતમ્

અન્વયવ્યતિરેકાભ્યાં જાગ્રત્સ્વપ્નસુષુપ્તિષુ ।
યદેકં કેવલં જ્ઞાનં તદેવાહમહં હિ તત્

જ્ઞાનાજ્ઞાને તદ્વિષયૌ તદહઙ્કાર એવ ચ ।
પ્રકાશ્યન્તે યેન ભૂમ્ના તદહં હ્યહમેવ તત્

વિશ્વશ્ચ તૈજસઃ પ્રાજ્ઞો નાસ્મ્યહં સત્સ્વરૂપતઃ ।
યતસ્તે તુ પ્રકાશ્યન્તે તદહં નાસ્મિ ચેતરત્

જ્ઞાનાજ્ઞાનપ્રપઞ્ચેઽસ્મિઞ્જ્ઞાનાજ્ઞાનેન નાશિતે ।
યત્સચ્છિષ્ટં પરં બ્રહ્મ હ્યહં તન્નેતરત્સ્મરેત્