બોધસાર · અધ્યાય 16.2

[પ્. 326-]
શૌચનિર્ણયઃ ।
દેહેન્દ્રિયમનઃપ્રાણબુદ્ધ્યહઙ્કારચેતસિ ।
અશુચાવાત્મભાવોઽસાવશુચિત્વસ્ય કારણમ્

સાક્ષિત્વભાવનાતોયૈસ્તથા વૈરાગ્યમૃત્સ્નયા ।
ગન્ધલેપક્ષયકરં શૌચં કુર્યાદતન્દ્રિતઃ

એવંવિધેન વિધિના યત્સર્વં મંગલાર્જનમ્ ।
એતદેવ મુનીન્દ્રાણાં પ્રાતઃશૌચં વિશુદ્ધિકૃત્

જ્ઞાનયોગપ્રસન્નાનાં મુમુક્ષા મુખમુચ્યતે ।
શ્રદ્ધાજલેન તચ્છુદ્ધિર્મુખપ્રક્ષાલનં હિ તત્