બોધસાર · અધ્યાય 16.28.3

[પ્. 417-]
અથ રામાયણશ્રવણનિર્ણયઃ ।
આભાસરેણુભિસ્તદ્વજ્જડં દેહાદિ ચેતતિ ।
અહિલ્યાઽપિ શિલા યદ્વદ્રામસ્ય પદપાંસુભિઃ

વાનરો યત્પ્રસાદેન સંતીર્ણઃ ક્ષારસાગરમ્ ।
નરઃ કિં તત્પ્રસાદેન ન તરેદ્ભવસાગરમ્

પ્રાહ રામસ્તરન્સિન્ધું શિલારૂપેણ સેતુના ।
સંસારસિન્ધુતરણં નિર્વિકલ્પસમાધિના

શાન્તિસીતા સમાનીતા નિહતો મોહરાવણઃ ।
આત્મારામેણ રામેણ તદ્રામાયણમુત્તમમ્

રમન્તે યોગિનો યસ્મિન્રમતે યોગિનાં હૃદિ ।
તારકં બ્રહ્મ રામાખ્યં રમતાં હૃદયે મમ