બોધસાર · અધ્યાય 16.28.2

[પ્. 412-]
અથ ભાગવતશ્રવણનિર્ણયઃ ।
વૃત્તિગોપીજનૈઃ ક્રીડન્બ્રહ્મચર્યં ન મુઞ્ચતિ ।
યત્રાન્તરાત્મા ગોપાલસ્તદ્ભાગવતમુત્તમમ્

બાલાનાં ભક્ષિકા ભીમા પૂતના દુષ્ટવાસના ।
કૃષ્ણેન રુધિરં પીત્વા પ્રાપિતા સાપિ તત્પદમ્

અબલાનાં સ્વનાથાનામમૃતત્વાય વિષ્ણુના ।
તાડિતઃ કાલસર્પોઽપિ સર્વમાનન્દિતં જગત્

બ્રાહ્મણા ઇવ તા ગાવસ્તીરસ્થા વન્યવૃત્તયઃ ।
મોહાજગરનિર્ગીર્ણા ગોવિન્દેન સમુદ્ધૃતાઃ

સ મૂર્ત્તિમાનહઙ્કારઃ કંસો નામ મહાબલઃ ।
સ્વયમુત્પત્ય કૃષ્ણેન ધૃત્વાઽસૌ વિનિપાતિતઃ