બોધસાર · અધ્યાય 16.15

અગ્નિહોત્રમિદં નિત્યમ્ અકૃત્ય પ્રત્યવૈતિ યત્ ।
[પ્. 374-]
અથ બ્રહ્મયજ્ઞનિર્ણયઃ ।
અહિંસા સત્યમસ્તેયં બ્રહ્મચર્યાપરિગ્રહૌ ।
ઇતિ પઞ્ચાઙ્ગુલિમયો યમનામા તુ સત્કરઃ

શૌચં સંતોષઃ સ્વાધ્યાયસ્તપ ઈશ્વરધારણા ।
ઇતિ પઞ્ચાઙ્ગુલિમયો નિયમો નામ સત્કરઃ

સંપુટીકૃત્ય હસ્તો દ્વૌ મુનિર્નિયમસંયમૌ ।
બ્રહ્મસ્તુતિમયં સાક્ષાદ્બ્રહ્મયજ્ઞં સમાચરેત્

તદુક્તં પાતંજલે ।
સ્વાધ્યાયાદ્યોગમાસીત યોગાત્સ્વાધ્યાયમામનેત્ ।
યોગસ્વાધ્યાયસંપત્ત્યા પરમાત્મા પ્રકાશત ઇતિ

વેદશાસ્ત્રપુરાણેષુ યદ્યત્પુણ્યફલં સ્મૃતમ્ ।
સર્વસ્માદપિ સંપ્રોક્તં બ્રહ્મયજ્ઞફલં મહત્