ભામતિ · અધ્યાય 1

____________________________અધ્યાય 1____________________________
#ભામતી#
અનિર્વાચ્યાવિદ્યાદ્વિતયસચિવસ્ય પ્રભવતો વિવર્તા યસ્યૈતે વિયદનિલતેજો ઽબવનયઃ ।
યતશ્ચાભૂદ્વિશ્વં ચરમચરમુચ્ચાવચમિદં નમામસ્તહ્બ્રહ્માપરિમિતસુખજ્ઞાનમમૃતમ્

નિઃશ્વસિતમસ્ય વેદા વીક્ષિતમેતસ્ય પઞ્ચ ભૂતાનિ ।
સ્મિતમેતસ્ય ચરાચરમસ્ય ચ સુપ્તં મહાપ્રલયઃ

ષડ્ભિરઙ્ગૈરુપેતાય વિવિધૈરવ્યયૈરપિ ।
શાશ્વતાય નમસ્કુર્મો વેદાય ચ ભવાય ચ

માર્તણ્ડતિલકસ્વામિમહાગણપતીન્ વયમ્ ।
વિશ્વવન્દ્યાન્નમસ્યામઃ સર્વસિદ્ધિવિધાયિનઃ

બ્રહ્મસૂત્રકૃતે તસ્મૈ વ્યાસાયાપરવેધસે ।
જ્ઞાનશક્ત્યવતારાય નમો ભગવતો હરેઃ

નત્વા વિશુદ્ધવિજ્ઞાનં શઙ્કરં કરુણાનિધિમ્ ।
ભાષ્યં પ્રસન્નગમ્ભીરં તત્પ્રણીતં વિભજ્યતે

આચાર્યકૃતિનિવેશનમપ્યવધૂતં વચો ઽસ્મદાદીનામ્ ।
રથ્યોદકમિવ ગઙ્ગાપ્રવાહપાતઃ પવિત્રયતિ